Jeremias 39:18 - Manobo Western Bukidnon OT

¹⁸ Edlibriyen ku sikew. Kenè ka ebpatey te tebek, su midsarig ka kedì. Iyan a, is Nengazen, is migkaǥi kayi.’ ”

Jeremias 39:18 ပူးပေါင်းရင်းမြစ်များ

1 Cronica 5:20

Ne mibuyù dan te tavang te Megbevayà hein ebpekidtebek dan en, ne midtavak te Megbevayà is ked-ampù dan tenged te midsarig sikandan kandin. Umbe impezaag kandan te Megbevayà is menge Hagarnen wey is langun he mid-uǥup kayi.

Job 5:20

Edlibriyen ke zin te kemetayen emun timpu te vitil etawa tebek.

Salmo 147:11

kekenà, iyan is edtahud kandin wey edsarig te ǥaǥew zin.

Salmo 2:12

Tehuza niw is hadì he mibpilì din, su emun kenà, ne egkepeukan kew zin ne edèdeetan kew zin. Deyzey is langun he ed-aput diyà te Nengazen.

Salmo 33:18

Ebentayan te Nengazen is menge edtahud kandin, he edsarig te kebmahala zin kandan.

Salmo 34:22

Edlibriyen te Nengazen is menge etew zin he menge suluǥuen din. Ne is langun he ed-aput diyà te kandin ne kenè din edsilutan.

Salmo 37:3

Sarig ka te Nengazen, ne ul-ulaha nu is meupiya. Pengungubpaan ka kayi te tanà he wazè nu igkahandek he ebpekekaid.

Salmo 84:12

Nengazen he Mekeǥeǥehem, utew zeyzey is edsarig diyà te kenikew.

Salmo 91:7

Minsan linibu pa he menge etew is ebpematey ziyà te ebpekeliǥuy kenikew, kenè ka egkemenu.

Isaias 26:3

“Ebeǥayan nu, Nengazen te kelinew he wazè din kurang is etew he iyan ka zekelà diyà te isip din, su midsarig sikandin kenikew.

Jeremias 21:9

Is minsan hentei he kenà ed-awà kayi he inged ebpatey te tebek, bitil, etawa zaru. Piru sikan is egawas wey edsurindir ziyà te menge tig-Babilonia he edsurung keniyu ne egkeuyag-uyag. Uya, egkelibri is untung din.

Jeremias 38:2

is minsan hentei he kenà ed-awà kayi te inged ebpatey te tebek, bitil, wey zaru. Piru is minsan hentei he edsurindir ziyà te menge tig-Babilonia ne kenà ebpatey. Egkelibri sikandin ne egkeuyag-uyag.