Jeremias 39:10 - Manobo Western Bukidnon OT

¹⁰ Piru intaǥak ni Nebuzaradan diyà te Juda is nepipira he pubri he menge etew he wazè dan menge tanà, ne mibeǥayan dan te menge pemuleey te paras wey menge vevesukà dutun he andew.

Jeremias 39:10 ပူးပေါင်းရင်းမြစ်များ

2 Hadì 25:12

Piru intaǥak din is duma he utew pubri he menge etew su para maatur zan is pemuleey te paras wey zuma he menge vevesukà.

Isaias 7:21

“Dutun he timpu, is egkeelimahan te menge etew tigselimbaha zà he zumeraǥa he vaka wey zezuwa he kambing,

Jeremias 40:10

Siak, kenà a ed-awà kayi te Mizpa he beǥelawa niw ziyà te menge tig-Babilonia emun ebpekeuma zan kayi te kenitew. Ubpè kew ziyà te menge lugar he zutun kew egkesuat. Ebpekepenguwa kew te menge paras, menge ulibu, wey zuma pa he menge prutas, ne itaǥù niw heini ziyà te menge teleǥuey niw.”

Jeremias 40:7

Duen nepipira he menge upisyal wey menge sundaru te Juda he ziyà te menge unayan he wazà medsurindir te Babilonia. Netudtulan sikandan he midhimu te hadì te Babilonia si Gedalia he gubirnedur te Juda ne iyan sikandin midumala te pubri he menge etew, he wazà bihaǥa ziyà te Babilonia.

Jeremias 43:6

Ragkes en kayi is menge maama, menge vahi, menge vatà, wey sikan is menge anak he vahi ni Hadì Zedekia he insarig ni Nebuzaradan he pengulu te menge vantey ziyà te ki Gedalia he anak ni Ahikam wey apù ni Shafan. Miduma zan daan is ebpeneuven he si Jeremias wey si Baruc he anak ni Neria.

Jeremias 52:16

Piru intaǥak din is duma he utew pubri he menge etew su para maatur zan is pemuleey te paras wey zuma he menge vevesukà.

Ezekiel 33:24

“Sikew is etew, is menge etew he ed-ubpà diyà te nevengkag he menge inged diyà te Israel egkaǥi te, ‘Sebsevaha zà si Abraham, ne imbeǥey ziyà te kandin is tivuuk ha tanà. Ne mahabet kiw mulà, umbe siguradu he egkaangken tew ǥihapun heeyan he tanà.’

Zacarias 11:7

Umbe, mid-atur ku is menge kerehidu he para te edlepaan te ebpemelegyà te kerehidu. Migkuwa a te zezuwa he tuked; is sevaha, migngezanan ku te Keupiya ne is sevaha pa migngezanan ku te Kedsevaha.