Jeremias 38:28 - Manobo Western Bukidnon OT

²⁸ Mibpedayun is kegkepirisuwa ki Jeremias diyà te ubpeey te menge vantey te turuǥan taman te andew te kegkeeǥawa te Jerusalem.

Jeremias 38:28 ပူးပေါင်းရင်းမြစ်များ

Salmo 23:4

Minsan pa ke edhipanew a ziyà te suǥud he zuen duen ebpekepatey, ne kenà a egkahandek su zuma ku man sikew. Ebpekeveǥey kedì te kelig-en wey kelipey is kegiyahi nu wey kebpengelangi nu kedì.

Jeremias 33:1

Hein diyè pa si Jeremias te mibpirisuwan kandin he ubpeey te menge vantey te turuǥan, migkaǥi is Nengazen diyà te kandin te ikezuwa.

Jeremias 37:20

Mahal he Hadì, emun egkehimu ne pemineǥa a kenikew. Edhangyù a ziyà te kenikew he kenà ad kenikew ilikù diyà te valey ni Jonatan he sikritaryu su ebpatey a emun diyà a.”

Jeremias 37:21

Umbe, mibmandù si Hadì Zedekia he ziyè dà ebpirisuwa si Jeremias te ubpeey te menge vantey te turuǥan. Mibmandù daan haazà is hadì he ebeǥayan si Jeremias te keenen he ebpuun diyà te menge panadiru zutun te inged andew-andew taman te zuen pe pan dutun te inged. Umbe mibpedayun is kegkepirisuwa ki Jeremias diyà te ubpeey te menge vantey.

Jeremias 38:13

ne miguyud dan sikandin su wey mekeǥawas dutun te vudsi. Ne hein nepasad haazà mibpedayun is kegkepirisuwa ki Jeremias diyà te ubpeey te menge vantey te turuǥan.

Jeremias 38:27

Ne midhendiyà iyan is menge upisyal te ki Jeremias ne mid-insaan dan sikandin. Ne midtavak din sikandan duen te ibpetavak te hadì kandin. Umbe wazè dan en medsigudu medsusi. Wazà nekezineg te nevitiyeraan ni Jeremias wey haazà is hadì.

Jeremias 39:13

Ne midtuman heini ni Nebuzaradan he pengulu te menge vantey, ni Nebuzaradan he pengulu he upisyal, ni Nergal Sharezer he sevaha zaan he metikang he upisyal, wey te zuma pa he menge upisyal te hadì te Babilonia.

Jeremias 39:14

Impekuwa zan si Jeremias puun duen te ubpeey te menge vantey ne insarig dan ki Gedalia he anak ni Ahikam wey apù ni Shafan, he iyan miduma kandin wey mekeulì diyà te valey zin. Umbe mibpedayun is ked-ubpà ni Jeremias diyà te Juda duma te zuma he menge emurè din te inged.

Jeremias 39:15

Hein mibpirisu pa si Jeremias diyà te ubpeey te menge vantey te turuǥan, migkaǥi is Nengazen diyà te kandin te: