Jeremias 38:22 - Manobo Western Bukidnon OT

²² Is langun he menge vahi he nesamà diyà te turuǥan nu ed-uwiten te menge upisyal te hadì te Babilonia. Heini he menge vahi, egkaǥi sikandan diyà te kenikew te, ‘Midtuntu ke zà te utew nu menge emiǥu. Guntaan te nekeleveng en diyà te basak is menge paa nu, ne mid-ewaan ke zan.’

Jeremias 38:22 ပူးပေါင်းရင်းမြစ်များ

Job 6:15

Piru sikiyu is mid-isip ku he menge suled ku, ne kenè kew egkeseriǥan; iring kew te zal-ug he usahay edrepey is wahig ne usahay egkemezahan.

Salmo 41:9

Minsan is emiǥu ku utew he egkeseriǥan ku he mibpekidtuǥen kedì te egkaan ne iyan midluib kedì.

Salmo 69:14

tevangi a para kenà a melenep diyà te vasak. Libriya a kenikew te menge edezaat kedì he iring te edlibriyen a kenikew ziyà te mezalem he wahig.

Salmo 69:2

Henduen be te egkelenep e en diyà te mezalem he vasak he kenà egketegkad. Ne henduen be zaan te egketembunan a te menge vaǥel su ziyà a te mezalem he wahig.

Isaias 42:17

Piru sikan is iyan menge midseriǥan dan is menge ed-ezapen, sikan is mid-isip dan he iyan megbevayè dan is midtunew zan he menge ledawan, ebpemelaǥuy he egkengeeled-eled.”

Jeremias 13:21

Kenè be ibmesakit te ǥehinawa nu ke egkezizalem ka te ǥehem te nasyun he kunaan nu ke kezapig nu? Kenè ke ve vuwa egkesekitan iring te vahi he ed-anak?

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 27:14

Kenè kew tuu te egkeǥiyen te menge ebpeneuven he kenè kew edsekupen te hadì te Babilonia, su tarù is egkeǥiyen dan diyà te keniyu.

Jeremias 27:15

Iyan heini migkaǥi te Nengazen: ‘Wazè ku suǥùa heeyan is menge ebpeneuven. Edheǥeten dan is tarù he egkeǥiyen dan pinaaǥi te kegemita zan te ngazan ku. Umbe emun edtuu kew kandan, ne edsegseǥen ku sikiyu wey edezeetan, ragkes en heeyan is menge ebpeneuven.’ ”

Jeremias 38:19

Migkaǥi si Hadì Zedekia te, “Egkahandek a te menge Judio he nekidsevaha te menge tig-Babilonia. Kela ke iveǥey a te menge tig-Babilonia ziyà te kandan ne edresayen e zan.”

Jeremias 38:21

Iyan, emun kenè ka edsurindir ne iyan heini impezayag te Nengazen kayi te kedì he egkehitavù kenikew:

Jeremias 41:10

Mibihag ni Ishmael is nesamà he menge etew ziyà te Mizpa–is menge anak he vahi ni hadì Zedekia wey is menge etew he insarig ni Nebuzaradan ki Gedalia wey zin meetiman. Ne midlikù si Ishmael ziyà te Ammon duma te menge vihag din.

Jeremias 43:6

Ragkes en kayi is menge maama, menge vahi, menge vatà, wey sikan is menge anak he vahi ni Hadì Zedekia he insarig ni Nebuzaradan he pengulu te menge vantey ziyà te ki Gedalia he anak ni Ahikam wey apù ni Shafan. Miduma zan daan is ebpeneuven he si Jeremias wey si Baruc he anak ni Neria.

Jeremias 46:21

Minsan is menge sundaru he sinuhulan din he henduen be te nati he menge vaka he nepurung meelimahi, kenà ebpekesukul te tebek; ebpemen-endud ne ebpemelaǥuy sikandan. Egkehitavù heini su timpu en te kedsiluti wey kedezeeti te menge tig-Ehipto.

Jeremias 46:5

Piru hengkey heini is neehè ku? ed-insà is Nengazen. Nahandek kew ne mid-endud kew. Nezaag kew, ne migaan-gaan kew mebpelaǥuy is kenè en ebpenlilingey tenged te kegkahandek niw.

Jeremias 6:12

Is menge valey zan ibeǥey ziyà te zuma, ragkes en is menge pemuleey zan wey menge esawa zan. Egkehitavù heini emun edsilutan ku en is menge etew he ed-ubpà kayi he tanà. Iyan a, is Nengazen, is migkaǥi kayi.

Jeremias 8:10

Umbe, ibeǥey ku ziyà te zuma he menge etew is menge esawa zan wey menge vevesukè dan. Su ǥeina te puun te kinemevevaan pehendiyà te kinetikangan is ked-etew zin, ne ebpenlimbung dan su para mekeselapì. Minsan is menge ebpeneuven wey is menge memumuhat edpenlimbung daan.

Penhulùhulù 1:13

Puun te langit imbulus din is hapuy he henduen be te neketutung te menge tulan ku. Midlitaǥan din is beyeey ku ne neutel a. Midhimu e zin he mekevulungbulung ne midsiguduwan e zin resaya.

Penhulùhulù 1:2

Neiring sikandin te vahi he egkeiinek te tivuuk he kezukileman; is menge luhè din ebpenudà diyà te enaping din. Wazà minsan sevaha zuen te menge mibmahal zin he midlangan kandin. Pudu midluib kandin is menge emiǥu zin, ne nehimu sikandan he menge kuntada zin.

Penhulùhulù 5:11

Mibpenlayug is menge esawa zey wey menge anak dey he menge vahi ziyà te Zion wey is diyà te menge inged diyà te Juda.

Micas 7:5

“Ne ǥuntaan te utew en mezaat is ulaula te menge etew, ne kenè kew en sarig te menge emiǥu niw, minsan is utew niw menge emiǥu. Ne pekeventayi niw is menge lalag niw minsan diyà te minahal niw he esawa.