Jeremias 38:2 - Manobo Western Bukidnon OT

² is minsan hentei he kenà ed-awà kayi te inged ebpatey te tebek, bitil, wey zaru. Piru is minsan hentei he edsurindir ziyà te menge tig-Babilonia ne kenà ebpatey. Egkelibri sikandin ne egkeuyag-uyag.

Jeremias 38:2 ပူးပေါင်းရင်းမြစ်များ

Jeremias 21:4

“Keǥiyi niw si Zedekia te iyan heini migkaǥi te Nengazen he Megbevayà te Israel: Edhimuwen ku he kenà mebpulus is menge ǥumaan niw, he egemiten niw te kebpekidtebek ki Nebucadnezar wey te menge sundaru zin he edliǥuy ziyà te menge verengbeng niw. Edtiǥumen ku sikandan kayi te inged.

Jeremias 24:8

“Piru ed-isipen ku he iring te mezaat he menge higus he kenà egkekaan si Hadì Zedekia he hadì te Juda wey is menge upisyal zin, wey is menge Israilihanen he egkesamà he uuyag keniyan te Jerusalem wey sikan is diyà te Ehipto.

Jeremias 27:11

Piru is menge etew ziyà te nasyun he ebpesakup wey ebpenilbi te hadì te Babilonia, idtugut ku he kenà egkengaawà sikandan diyà te keugelingen dan he tanà. Dutun dan egkeuyag-uyag wey ed-ubpà. Iyan a, is Nengazen, is migkaǥi kayi.’ ”

Jeremias 27:13

Su emun kenà, ebpatey ka wey is menge etew nu te tebek, bitil, wey zaru, iring te nekaǥi te Nengazen he egkehitavù te menge etew ziyà te nasyun he kenà ebpenilbi te hadì te Babilonia.

Jeremias 29:16

piru iyan heini migkaǥi ku mehitenged te menge hadì he ebpuun diyà te kevuwazan ni David wey ziyà te langun he menge zuma niw he kemulu ziyà te inged he Jerusalem su wazà meduma keniyu te mibihag:

Jeremias 29:18

Uya, edlislisezen ku sikandan pinaaǥi te tebek, bitil, wey zaru, ne egkahandek is langun he menge ginhedian tenged te egkehitavù kandan. Edsegseǥen ku sikandan pehendiyà te zuma he menge nasyun ne zutun sikandan ebpenrewaki, edsudien, wey ed-un-undahan.

Jeremias 34:17

“Umbe siak, is Nengazen, migkaǥi a te geina te wazà a keniyu pezumdumahi su wazè niw veǥayi te vayàbayà is menge uripen niw he iring niw he Hebriyuhanen, ebeǥayan ku sikiyu te vayàbayà he ebpematey pinaaǥi te tebek, bitil, wey menge zaru. Tenged te egkeulaula keniyu egkelimezangan is langun he ginhedian kayi te kelibutan.

Jeremias 39:18

Edlibriyen ku sikew. Kenè ka ebpatey te tebek, su midsarig ka kedì. Iyan a, is Nengazen, is migkaǥi kayi.’ ”

Jeremias 42:17

Uya, is langun he egkesuat he ed-ubpà diyà te Ehipto ebpatey te tebek, bitil, wey zaru. Wazà minsan hentei kandan he egkelibri etawa ebpekelingkawas te kezeetan he ibpeseǥazan ku kandan.’

Jeremias 42:22

Umbe, egkeǥiyen ku keniyu he siguradu he ebpematey kew te tebek, bitil, wey zaru diyà te Ehipto, he iyan egkesuatan niw te ed-ubpa.”

Jeremias 44:13

Ebeelan ku ziyà te keniyu kayi te Ehipto is iring te mibeelan ku ziyà te Jerusalem. Edsilutan ku zaan sikiyu pinaaǥi te tebek, bitil, wey zaru.

Jeremias 45:5

Edtinguhè ke pe be te zekelà he menge vutang? Kenè en kinahanglan, su ibpesaǥad ku te kezeetan is langun he menge etew, piru edlibriyen ku mulà sikew te kemetayen minsan hendei ka ebpevayà. Iyan a, is Nengazen, is migkaǥi kayi.’ ”

Ezekiel 14:21

“Benar iyan, siak, is Nengazen he MEGBEVAYÀ migkaǥi he mekehizuhizu is menge tig-Jerusalem emun ebpeeǥiyan ku sikandan te heepat he meveǥat he menge silut he iyan is: tebek, bitil, dumezaas he menge langgam, wey menge zaru he edhimatey te menge meǥinged kayi wey te menge uyaǥen dan.

Ezekiel 6:11

Ne migkaǥi is Nengazen he MEGBEVAYÀ kayi te kedì te, “Sumbaǥa nu is palad nu, padewpadew ka, ne pemensag ka te, ‘Hanu ve!’ te kebpaahaa nu te kegkeseeng wey kegkepauk nu te menge etew te Israel, tenged te langun he mezaat wey utew mahawag he menge ulaula zan. Iyan heini hinungdan te kebpematey zan pinaaǥi te tebek, bitil, wey zaru.

Ezekiel 7:15

“Is menge etew ziyà te ǥawas te inged, ebpatey te tebek. Ne is kenà ed-awà diyà te inged ebpatey te zaru wey vitil.