Jeremias 38:18 - Manobo Western Bukidnon OT

¹⁸ Iyan, emun kenè ka edsurindir, ne ibeǥey heini he inged diyà te menge tig-Babilonia, ne ebinsulan dan heini ne kenè ka ebpekelikey.”

Jeremias 38:18 ပူးပေါင်းရင်းမြစ်များ

2 Hadì 24:12

Ne midsurindir ziyà te kandin si Hadì Jehoyakin, duma is iney zin, menge suluǥuen din, menge dungganen he menge etew zin, wey menge upisyal zin. Ne hein ikewalu he tuig te kedhadì ni Nebucadnezar ziyà te Babilonia, mibihag din si Jehoyakin.

Jeremias 21:10

Nekehukum ad he ibpaaǥi ku kayi te inged is kezeetan ne kenà keupiyaanan. Ibeǥey ku heini ziyà te hadì te Babilonia ne ebinsulan din heini.’

Jeremias 27:8

“ ‘Piru ǥuntaan, emun duen nasyun etawa ginhedian he kenà ebpenilbi etawa kenà ebpesakup ki Hadì Nebucadnezar he hadì te Babilonia, edsilutan ku haazà he nasyun etawa ginhedian pinaaǥi te tebek, bitil, wey menge zaru taman te igkepesakup ku sikandan ki Nebucadnezar.

Jeremias 37:8

Ne edlikuan te menge tig-Babilonia heini he inged. Ed-eǥawen dan heini ne ebinsulan dan.”

Jeremias 38:23

“Is langun he menge esawa nu wey menge anak nu ebihaǥen te menge tig-Babilonia. Sikew mismu ne kenè ka ebpekelikey kandan; ebihaǥen ka te hadì te Babilonia, ne ebinsulan dan heini he inged.”

Jeremias 38:3

Migkaǥi zaan is Nengazen te siguradu he egkaaǥew heini he inged te menge tig-Babilonia ne edsekupen dan heini.”

Jeremias 39:3

Ne hein neselezan dan en is Jerusalem, is langun he menge upisyal te hadì te Babilonia mibpinuu ziyà te Teliwazà he Pultahan te kebpaahà he naaǥew zan en haazà is inged. Iyan sikandan ensi Nergal Sharezer he tig-Samgar, si Nebo Sarsekim he sevaha he pengulu he upisyal, wey is sevaha pa he Nergal Sharezer he sevaha zaan he lavew he upisyal, wey is duma pa he menge upisyal te hadì te Babilonia.

Jeremias 39:8

Ne elin daan nehitavù is, mibinsulan te menge tig-Babilonia is menge valey ziyà te Jerusalem ragkes en is turuǥan te hadì, ne mibpemengkag dan is menge verengbeng.

Ezekiel 12:13

Edhingutelen ku sikandin ne ed-uwiten ku ziyà te Babilonia he tanà te menge Kaldiyanhen. Piru kenè din heini egkaahà, ne ebpatey sikandin dutun.

Ezekiel 17:15

Piru midsukul is hadì te Juda te hadì te Babilonia pinaaǥi te kedsuǥù te menge etew pehendiyà te Ehipto te kedhangyù te menge kudà wey mahabet he menge sundaru. Edlampus be sikandin? Egkelikayan din be wey egkepeleǥuyan is silut kandin tenged te kedrapas din te neuyunan dan te hadì te Babilonia?