Jeremias 38:17 - Manobo Western Bukidnon OT

¹⁷ Migkaǥi si Jeremias diyà te ki Zedekia te, “Iyan heini migkaǥi te Nengazen he Megbevayà he Mekeǥeǥehem, he Megbevayà te Israel: Emun edsurindir ka ziyà te menge upisyal te hadì te Babilonia, egkelibri nu is untung nu ne kenà heini ebinsulan is inged. Ne sikew wey is pemilya nu ne egkeuyag-uyag.

Jeremias 38:17 ပူးပေါင်းရင်းမြစ်များ

Genesis 12:13

Keǥiya nu he etevey ku sikew su wey e zan mepurungi tenged kenikew ne kenè e zan edhimetayan tenged te etevey ku sikew.”

2 Hadì 24:12

Ne midsurindir ziyà te kandin si Hadì Jehoyakin, duma is iney zin, menge suluǥuen din, menge dungganen he menge etew zin, wey menge upisyal zin. Ne hein ikewalu he tuig te kedhadì ni Nebucadnezar ziyà te Babilonia, mibihag din si Jehoyakin.

2 Hadì 25:27

Hein ike-37 he tuig te kegkevihag ni Hadì Jehoyakin he hadì te Juda, nehimu he hadì diyà te Babilonia si Evil Merodac. Ne impeǥawas din diyà te pirisuwan si Jehoyakin hein ike-27 he andew te ike-12 he vulan dutun he tuig.

Ezra 9:4

Ne mid-amur-amur kayi te kedì is menge etew he nahandek te menge lalag te Megbevayà diyà te menge Israilihanen mehitenged te kegkemesinupaken te zuma zan he menge Israilihanen he nemen-ulì puun te kegkevihag. Mibpinuu e zà is neseeng taman te neuma is uras te mahapun he kebpemuhat.

Job 23:13

Piru ebayàbayà is Megbevayà ke hengkey is ebeelan din; wazà ebpekevelavag kandin. Ebeelan din is egkesuatan din te ebaal.

Salmo 80:14

Seǥipaa key zed umani, Megbevayà he Mekeǥeǥehem! Puun diyan te langit ahaa nu is kebpekesavuk dey. Is-isipa key kenikew is menge etew nu,

Salmo 80:7

He Megbevayà he Mekeǥeǥehem, ilikù nu kayi te kenami is meupiya he kebpekesavuk dey zengan. Ipeehè nu kenami is keupiya nu su wey key melibri.

Jeremias 27:12

Iyan ded heini he menge lalag migkaǥi ku ziyà te ki Hadì Zedekia he hadì te Juda. Migkaǥi a te, “Pesakup kew te hadì te Babilonia. Penilbi kew kandin wey te menge etew zin ne egkeuyag-uyag kew.

Jeremias 27:17

Kenè kew pemineg kandan. Kekenà, silbiyi niw is hadì te Babilonia, ne egkeuyag-uyag kew. Kinahanglan pe be he egkezeetan heini he inged!

Jeremias 27:8

“ ‘Piru ǥuntaan, emun duen nasyun etawa ginhedian he kenà ebpenilbi etawa kenà ebpesakup ki Hadì Nebucadnezar he hadì te Babilonia, edsilutan ku haazà he nasyun etawa ginhedian pinaaǥi te tebek, bitil, wey menge zaru taman te igkepesakup ku sikandan ki Nebucadnezar.

Jeremias 38:2

is minsan hentei he kenà ed-awà kayi te inged ebpatey te tebek, bitil, wey zaru. Piru is minsan hentei he edsurindir ziyà te menge tig-Babilonia ne kenà ebpatey. Egkelibri sikandin ne egkeuyag-uyag.

Jeremias 39:3

Ne hein neselezan dan en is Jerusalem, is langun he menge upisyal te hadì te Babilonia mibpinuu ziyà te Teliwazà he Pultahan te kebpaahà he naaǥew zan en haazà is inged. Iyan sikandan ensi Nergal Sharezer he tig-Samgar, si Nebo Sarsekim he sevaha he pengulu he upisyal, wey is sevaha pa he Nergal Sharezer he sevaha zaan he lavew he upisyal, wey is duma pa he menge upisyal te hadì te Babilonia.

Jeremias 40:9

Mibpeseriǥan sikandan ni Gedalia wey is menge sakup dan he kenà ereg he igkahandek dan is kebpesakup dan te menge tig-Babilonia. Migkeǥiyan din sikandan te, “Ubpè kew zà kayi ne silbiyi niw is hadì te Babilonia, ne wazà mezaat he egkehitavù keniyu.

Jeremias 44:7

“Umbe siak, is Nengazen he Megbevayà he Mekeǥeǥehem, he Megbevayà te Israel mid-insà te: Maan is midezeetan niw is keugelingen niw? Egkesuat kew ve he maamin is menge etew te Juda–is menge maama, is menge vahi, is menge vatà, wey is menge edsusu pa?

Ezekiel 8:4

Ne neehè ku zutun is mekeǥeǥehem he kebpenganlag te Megbevayà te Israel, he iring te neehè ku ziyà te suǥud.

Amos 5:27

Umbe, ibpevihag ku sikiyu ziyà te hunaan pa te Damascus.” Iyan heini migkaǥi te Nengazen he migngezanan te Megbevayà he Mekeǥeǥehem.