Jeremias 38:16 - Manobo Western Bukidnon OT

¹⁶ Piru meeles he nenangdù si Hadì Zedekia ziyà te ki Jeremias. Ke sikandin te, “Ebpenangdù a pinaaǥi te Nengazen he uuyag, he iyan mibeǥey kenitew te untung, he kenè ku sikew edhimetayan wey kenè ku sikew ibeǥey ziyà te menge etew he egkesuat he edhimatey kenikew.”

Jeremias 38:16 ပူးပေါင်းရင်းမြစ်များ

Megwewali 12:7

Edlikù ka ziyà te tanà he iyan mibpuunan nu, ne sikan is gehinawa he mibeǥey kenikew te untung ne edlikù diyà te Megbevayà he iyan mibeǥey kayi.

Isaias 42:5

Iyan heini egkeǥiyen te Megbevayà, kes Nengazen he mibaal te langit he henduen be te manggad he indempas din. Mibeelan din is kelibutan wey is langun he uuyag he netaǥù kayi. Iyan daan sikandin mibeǥey te ǥehinawa te menge etew wey te langun he uuyag he menge linimbag kayi te kelibutan.

Isaias 57:16

Benar iyan, kenà a ebpekigkuntada wey kenà taman te taman is kegkepauk ku su emun ebeelan ku heini, ebpematey is menge etew he linimbag ku.

Jeremias 34:20

Ibeǥey ku sikandan diyà te menge kuntada zan he egkesuat he edhimatey kandan. Ne is menge lawa zan egkehimu he keenen te menge tagbis wey zumezaas he menge langgam.

Jeremias 37:17

Ne mibpeveyaan sikandin ni Hadì Zedekia ne impezuma zin diyà te turuǥan. Mid-insaan sikandin ni Zedekia te meelas. Ke sikandin te, “Duen be menge lalag nu he ebpuun diyà te Nengazen?” Ne midtavak si Jeremias te, “Uya, duen. Ibeǥey ka ziyà te hadì te Babilonia.”

Zacarias 12:1

Iyan heini menge lalag te Nengazen mehitenged te Israel: “Iyan a Nengazen he mibaal te langit wey kelibutan, wey mibeǥey te untung diyà te etew.

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”

Numero 27:16

“He Nengazen, Megbevayè ka he iyan ebpuunan te untung te langun he etew, deyzey ke ebpilì ka te etew he ebpekepengulu kayi te menge etew,