“Keǥiyi niw si Zedekia te iyan heini migkaǥi te Nengazen he Megbevayà te Israel: Edhimuwen ku he kenà mebpulus is menge ǥumaan niw, he egemiten niw te kebpekidtebek ki Nebucadnezar wey te menge sundaru zin he edliǥuy ziyà te menge verengbeng niw. Edtiǥumen ku sikandan kayi te inged.
Edselezan dan heini he inged ne ebinsulan. Elin daan ebinsulan dan is menge valey he zutun te atep dan edtutungen is beyewà para ki Baal. Ne zutun daan edhalad dan te idhalad he menge inumen para te zuma he menge ed-ezapen he utew ku ingkeepes.
Minsan egkezaag niw pa is langun he menge sundaru he edsurung keniyu, ne iyan dà egkesamà kandan is menge teǥepalì he ziyà te menge tulda zan, edsurung gihapun sikandan kayi te inged, ne ebinsulan dan heini.’ ”
“Is langun he menge esawa nu wey menge anak nu ebihaǥen te menge tig-Babilonia. Sikew mismu ne kenè ka ebpekelikey kandan; ebihaǥen ka te hadì te Babilonia, ne ebinsulan dan heini he inged.”