Jeremias 34:4 - Manobo Western Bukidnon OT

⁴ Piru pemineǥa nu, Hadì Zedekia, heini is idsaad ku kenikew: Kenè ka ebpatey te tebek,

Jeremias 34:4 ပူးပေါင်းရင်းမြစ်များ

2 Cronica 18:18

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

Jeremias 2:4

Pemineǥa niw is migkaǥi te Nengazen, diyà te keniyu te menge etew ziyà te Israel he menge kevuwazan ni Jacob.

Jeremias 32:5

Edumahan si Zedekia ziyà te Babilonia, ne kenà sikandin egkaawà diyà taman te egkesilutan ku sikandin. Minsan edsukul kew te menge tig-Babilonia ne kenè kew ǥihapun ebpekezaag. Iyan a, is Nengazen, is migkaǥi kayi.”

Jeremias 34:3

Ne kenè ka ebpekelikey kandin, su egkezekepan ka ne ibeǥey ka kandin. Ed-etuvang ka kandin su wey ke zin mehukumi, ne zutun ebihaǥen ka pehendiyà te Babilonia.

Jeremias 34:5

kekenà, ebpatey ka he melinawen. Edtutung te veyewà is menge etew nu su ebeǥayan ke zan te zengeg iring te mibeelan dan hein inleveng is menge kepuun nu he nehuna kenikew he midhadì. Igkeseeng ke zan ne ke sikandan te, ‘Minatey en is hadì dey!’ Iyan a, is Nengazen, is migkaǥi kayi.”

Jeremias 7:2

“Hitindeg ka ziyà te ǥemawan te valey ku ne keǥiya nu heini he menge lalag: ‘Pemineg kew is menge etew kayi te Juda he edseled kayi te ked-azap te Nengazen.

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,