Jeremias 33:3 - Manobo Western Bukidnon OT

³ “Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.

Jeremias 33:3 ပူးပေါင်းရင်းမြစ်များ

Salmo 145:18

Uvey nu zà, Nengazen, is langun he epengumew-umew kenikew te tinutuuwà.

Salmo 25:14

Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Isaias 45:3

Ibeǥey ku kenikew is nekeeles he menge ketiǥeyunan, su wey nu metueni he iyan a, is Nengazen he Megbevayà te Israel midtawag kenikew.

Isaias 48:6

Nezineg niw is menge tagnè ku wey neehè niw is kegketumana kayi, piru kenè niw edewaten he kediey he vaal haazà. Puun guntaan egkeǥiyan ku sikiyu te veǥu he egkengeulaula he wazè ku pa ikepezayag diyà te keniyu; ne wazè niw pa metueni.

Isaias 65:24

Dutun te kenè dan pa ebpekevuyù etawa zutun mismu te kebuyù dan, ne edtevaken ku en sikandan.

Jeremias 23:35

Deyzey pa ke ed-insà is kada sevaha keniyu ziyà te menge emiǥu zin wey menge kezuzumahi zin ke hengkey is menge lalag ku,

Jeremias 29:12

Ne edsampit kew wey ebpengemuyù kayi te kedì, ne zutun ebpemineǥen ku sikiyu.

Jeremias 32:17

“He Nengazen he MEGBEVAYÀ, midlimbag nu is kelibutan wey is langit pinaaǥi te zekelà he ǥehem nu. Wazà minsan hengkey he kenè nu egkehimu.

Jeremias 32:27

“Siak is Nengazen he Megbevayà te langun he menge etew. Duen be kenè ku egkehimu?

Daniel 2:18

Migkeǥiyan sikandan ni Daniel he mebpengemuyù dan su para mehizuwi sikandan te Megbevayà diyà te langit ne metueni zan is kehuluǥan duen te teǥeinep te hadì, su para kenà sikandan mehimetayi duma te zuma he uluwanen he menge etew ziyà te Babilonia.

Daniel 2:22

Ibpezayag din is mezalem wey ebpemekeeles. Diyà te kandin is kerayag, ne egketuenan din ke hengkey is diyà te merusirem.

Daniel 2:23

Umbe, edeliǥen ku wey ebpeselamatan ku sikew, is Megbevayà te menge kepuun ku. Iyan ka mibeǥey kedì te ketau wey kebpekehimu. Ne imbeǥey nu kenami is mibuyù dey ziyà te kenikew pinaaǥi te kebpezeyaǥa nu kenami zuen te teǥeinep te hadì.”

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Micas 7:15

Ipeehè key kenikew te menge egkein-inuwan iring te mibeelan nu zengan hein impeǥawas key kenikew puun diyà te Ehipto.

Deuteronomio 4:29

Piru emun ebpen-ahaan niw zutun is Nengazen he Megbevayè niw, egketuredu niw sikandin emun ebpen-ahaan niw sikandin pinaaǥi te tivuuk he ǥehinawa niw.

Deuteronomio 4:7

Wazà duma he mekeǥeǥehem he nasyun he uvey ziyà te kandan is megbevayè dan he iring kenitew te uvey ziyà te kenitew is Nengazen he Megbevayè tew ne ebpekesampit kiw kandin te minsan hengkey he timpu.