Jeremias 32:5 - Manobo Western Bukidnon OT

⁵ Edumahan si Zedekia ziyà te Babilonia, ne kenà sikandin egkaawà diyà taman te egkesilutan ku sikandin. Minsan edsukul kew te menge tig-Babilonia ne kenè kew ǥihapun ebpekezaag. Iyan a, is Nengazen, is migkaǥi kayi.”

Jeremias 32:5 ပူးပေါင်းရင်းမြစ်များ

2 Cronica 13:12

Is Megbevayà ne eduma kenami; iyan sikandin pengulu zey. Ne emun edsurung key keniyu ne iyan ebpengulu kenami is menge memumuhat he ebpezaǥing te menge trumpita. Sikiyu is menge keet-etawan te Israel, kenè niw sukuli is Nengazen, he Megbevayà te menge kepuun niw, su kenè kew ebpekezaag.”

2 Cronica 24:20

Ne midumala te Mulin-ulin te Megbevayà si Zacarias he anak ni Jehoyada he memumuhat. Midhitindeg sikandin diyà te etuvangan te menge etew he egkaǥi te, “Iyan heini lalag te Megbevayà: Maan is wazè niw tumana is menge suǥù te Nengazen? Wazè niw en ed-iseǥan. Su mid-iniyuǥan niw is Nengazen, ne ed-iniyuǥan kew zin daan.”

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

Jeremias 2:37

Ibpaawè ku sikiyu kayi he tanà he idampè niw is menge velad niw ziyà te menge ulu niw tenged te kegkeseeng niw. Su inselikwey ku is menge nasyun he midseriǥan niw. Heini he menge nasyun kenà ebpeketavang keniyu.”

Jeremias 32:24

Ne ǥuntaan midtambù te tanà is menge tig-Babilonia kayi te kilid te verengbeng te Jerusalem he egkeveyaan dan te kedseled dan kayi te inged su wey zan maaǥew heini. Ne tenged te tebek, bitil, wey zaru, egkaaǥew te menge tig-Babilonia heini is inged su iyan heeyan migkaǥi nu.

Jeremias 32:6

Mid-uman pa megkaǥi si Jeremias te, “Migkeǥiyan a te Nengazen, ke sikandin te

Jeremias 33:5

edsurung gihapun is menge tig-Babilonia ne ebpenuen dan heini te ebpemematey he ebpenhimetayan ku tenged te utew ku kegkepauk. Idselikwey ku heini he inged tenged te utew subra is kelelalung te menge etew kayi.

Jeremias 37:10

Minsan egkezaag niw pa is langun he menge sundaru he edsurung keniyu, ne iyan dà egkesamà kandan is menge teǥepalì he ziyà te menge tulda zan, edsurung gihapun sikandan kayi te inged, ne ebinsulan dan heini.’ ”

Jeremias 39:4

Ne hein naahà heini ni Hadì Zedekia wey te langun he menge sundaru zin, mibpelaǥuy sikandan. Mezukilem is ked-awè dan dutun te inged, ne ziyè dan mebayà te pemuleey te hadì; migawas dan he zuen mebayà te pultahan he nekepetug-elang te zezuwa he verengbeng, ne midhendiyè dan te Araba.

Jeremias 39:5

Piru midal-as sikandan te menge sundaru te Babilonia, ne ziyè dan mesaut te menge suǥud diyà te Jerico. Midakep dan si Zedekia ne mid-uwit dan diyà te ki Hadì Nebucadnezar ziyà te Ribla he sakup te Hamat, ne zutun midhukuman sikandin ni Hadì Nebucadnezar.

Jeremias 39:7

Impeluǥit dutun te hadì is menge mata ni Zedekia ne migkedinahan sikandin ne mid-uwit diyà te Babilonia.

Penhulùhulù 1:14

Mid-amur-amur zin is menge salè ku ne iring te mibeelan din heini he hiket. Inhiket din kedì heini he iyan ingkeǥuyuza kedì diyà te kegkevihag. Iring a te mid-eyuǥuwan. Impemeluya a te Nengazen ne imbeǥey e zin diyà te menge kuntada ku he kenè ku egkegaga.

Ezekiel 12:12

Minsan is pengulu zan, diyà ebpekevayà te vudsi te elavat he ebava te uwiten din is egenat dutun te merusirem he kezukileman. Edtembunan din is buked din su wey zin kenà maahà is tanà.

Ezekiel 12:13

Edhingutelen ku sikandin ne ed-uwiten ku ziyà te Babilonia he tanà te menge Kaldiyanhen. Piru kenè din heini egkaahà, ne ebpatey sikandin dutun.

Ezekiel 17:15

Piru midsukul is hadì te Juda te hadì te Babilonia pinaaǥi te kedsuǥù te menge etew pehendiyà te Ehipto te kedhangyù te menge kudà wey mahabet he menge sundaru. Edlampus be sikandin? Egkelikayan din be wey egkepeleǥuyan is silut kandin tenged te kedrapas din te neuyunan dan te hadì te Babilonia?

Numero 14:41

Piru migkaǥi si Moises te, “Maan is edsupaken niw en maan guntaan is insuǥù te Nengazen he medlikù kew zèpa ziyà te sibsivayan? Kenè kew ebmezeeǥen!