Jeremias 32:23 - Manobo Western Bukidnon OT

²³ Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Jeremias 32:23 ပူးပေါင်းရင်းမြစ်များ

Ezra 9:7

Puun pa te timpu te menge kepuun dey taman en guntaan, ne utew zekelà is salè dey, ne tenged kayi, sikami wey is menge hadì dey wey menge memumuhat layun en edsekupa te menge hadì diyà te zuma he menge nasyun. Mibpenhimetayan dan is duma kenami, ne is duma mibihag dan, mibpenekawan key wey mibpeel-elezan, iring te nehitavù kenami ǥuntaan.

Nehemias 9:15

Hein egkevitil sikandan, mibeǥayan nu sikandan te keenen he ebpuun te langit. Ne hein egkemezahan sikandan, impeinum nu sikandan te wahig he ebpuun diyà te vatu. Migkeǥiyan nu sikandan he selezi zan wey engkena zan is tanà he impenangdù nu he ibeǥey nu kandan.

Salmo 78:10

Wazè dan tumana is kebpekid-uyun dan te Megbevayà; wazè dan sunuza is kesuǥuan din.

Jeremias 2:7

Mid-uwit ku sikiyu ziyà te meupiya he tanà su wey niw mepulusi is meupiya he menge sebpet kayi. Iyan, hein nekeuma kew zuen, pinaaǥi te menge salè niw, midremerikan niw haazà is tanà he ǥaked ku, ne midhimu niw heini he utew meremerik.

Jeremias 26:4

Keǥiya nu kandan he iyan heini migkaǥi ku: Emun kenè kew ebpemineg kedì wey kenè kew edtuman te menge kesuǥuan ku he imbeǥey ku keniyu,

Jeremias 44:10

Taman en guntaan is kebpelavew niw wey is kenè niw kedtehuza kedì. Wazè kew zaan medtuman te kesuǥuan ku wey te menge sulunuzen he ibpetuman ku keniyu wey te menge kepuun niw.

Jeremias 7:26

Piru wazè niw sikandan pemineǥa wey tuuwi. Edhuna kew pa he menge mesinupaken wey edhuna pa he mezaat is menge vaal niw kenà te menge kepuun niw.

Penhulùhulù 1:18

Migkaǥi is Jerusalem te, “Metazeng is Nengazen; piru wazè ku tumana is suǥù din. Sikiyu is langun he menge etew, pemineg kew, wey tengtengi niw is kegkerasey ku. Mibihag is menge vetan-en ku he menge vahi wey menge maama.

Penhulùhulù 1:8

Utew zekelà is salà te Jerusalem, umbe nehimu heini he meremerik. Is langun he mibeǥey kandin te zengeg dengan ne edsudì en kandin su neehè dan is kegkelevasi kandin. Edag-es sikandin ne midtembunan din is enaping din tenged te kegkeeled din.

Ezekiel 20:18

Dutun te sibsivayan migkeǥiyan ku is menge anak dan te, “Kenè niw iringi is menge sulunuzen wey menge mibeelan te menge ginikanan niw, ne kenè niw remeriki is keugelingen niw pinaaǥi te ked-azap te zuma he menge ed-ezapen.

Ezekiel 20:21

“ ‘Piru minsan is menge anak dan midsupak daan kedì. Wazè dan purungi tumana is menge suǥù ku wey menge sulunuzen, he iyan pezem ibpekepedayun te kegkeuyag-uyag dan is kedtumana kayi. Ne wazè dan daan isipa he segradu is Andew te Kedhimeley he impetuman ku kandan. Umbe migkaǥi a he ibpeǥezaman ku kandan dutun te sibsivayan is utew ku kegkepauk.

Ezekiel 20:8

“ ‘Piru midsupak e zan, ne wazè dan mebpemineg. Wazè dan iselikwey is utew mezaat he menge ed-ezapen diyà te Ehipto. Umbe migkaǥi a te ibpeǥezaman ku kandan is pauk ku zutun te ziyà sikandan te Ehipto.

Josue 21:43

Iyan heini paaǥi te kebeǥaya te Nengazen diyà te Israel duen te tanà he impenaad din diyà te menge kepuun dan. Ne hein nekuwa zan en heini ne zutun en sikandan med-ubpà.