Jeremias 32:20 - Manobo Western Bukidnon OT

²⁰ Mibaal ka te menge singyal wey menge egkein-inuwan he menge vaal ziyà te Ehipto ne taman en guntaan is kebeeli nu zutun kayi te Israel wey ziyà te zuma he menge nasyun. Ne pinaaǥi kayi nehimu ka he velentuǥen taman en guntaan.

Jeremias 32:20 ပူးပေါင်းရင်းမြစ်များ

2 Samuel 7:23

Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun wey is menge ed-ezapen dan pinaaǥi te menge keet-etawan nu he midluwas nu puun te Ehipto.

1 Cronica 17:21

Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun pinaaǥi te menge keet-etawan nu he midluwas nu puun te Ehipto.

Nehemias 9:10

Mibaal ka te menge singyal wey menge egkein-inuwan he menge vaal he nekesuǥat te hadì te Ehipto, wey te langun he menge upisyal zin wey menge etew zin. Su netuenan nu he midaagdaag dan is menge kepuun dey. Ne taman en guntaan kemulu egkevantug is ngazan nu.

Nehemias 9:11

Midluwisan nu is nezalandalan he tanà diyà te zizalem te zaǥat diyà te etuvangan te menge etew nu su wey zan duen igkevayà. Iyan, midlened nu mulà is menge kuntada zan he edal-as kandan. Neiring sikandan te vatu he inlegdang diyà te meseleg he wahig.

Salmo 135:9

Diyà te Ehipto, mibaal sikandin te menge singyal wey menge egkein-inuwan he menge vaal te kedsilut te hadì te Ehipto wey is langun he menge upisyal zin.

Exodus 10:2

su wey niw metudtul ziyà te menge anak niw wey menge apù niw is paaǥi te kedsiluti ku te menge Ehiptohanen wey is paaǥi te kebpaahà ku kandan te menge singyal he mibeelan ku, su wey niw metueni he iyan a Nengazen.”

Exodus 3:20

Ne tenged te kenè din kedtuǥut ibayew ku is belad ku te kebpigada te menge Ehiptohanen pinaaǥi te menge egkengein-inuwan he ibpezayag ku ziyà te kandan, ne emun egkeuleule en heini ne edtuǥutan kew zin en human te kegenat.

Exodus 7:3

Ne ebpengelinteuwan ku he kenà ed-uteng is menge lalag niw ziyà te ǥehinawa te hadì, ne minsan ke mezakel he menge singyal wey egkengein-inuwan he menge vaal is ebeelan ku ziyà te Ehipto,

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Isaias 63:12

Hendei en is Nengazen he mibeǥey te gehem ki Moises, he midtevì din is daǥat diyà te etuvangan tew, su para mevantug sikandin te wazà pidtemanan.

Isaias 63:14

Mibeǥayan kiw zengan te egkehimelayan tew te Mulin-ulin te Nengazen ne iring kiw te menge vaka he midtupang diyà te penebtavà diyà te suǥud.” Nengazen, mid-aǥak key kenikew is menge etew nu su wey ka meveǥayi te zengeg.

Jeremias 13:11

Is bahag egkeheǥet diyà te hawak te etew, ne egkesuatan ku zaan he is langun he menge etew ziyà te Israel wey Juda ne meheǥet is kegewezi zan kediey. Midhimu ku sikandan he menge etew ku, su para mevantug a wey para meveǥayi a te zengeg, piru kenè dan ebpemineg kedì. Iyan a, is Nengazen, is migkaǥi kayi.

Daniel 6:28

Mibmeuswaǥen si Daniel zutun te kedhadì ni Darius wey ni Cyrus he Pirsyahanen.

Daniel 9:15

“He Nengazen he Megbevayè dey, impeehè nu is gehem nu pinaaǥi te kegeuza nu te menge etew nu puun te Ehipto, ne nevantug ka tenged kayi taman en guntaan. Piru mibaal key te salà wey kelelalung.

Deuteronomio 11:3

wey te egkengein-inuwan he mibpemeelan din diyà te Ehipto kuntra te Faraon he hadì te Ehipto wey te tivuuk he nasyun.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

Deuteronomio 6:22

Neehè dey en is menge vaal zin he utew egkengein-inuwi zuen te kedsiluti zin te menge etew ziyà te Ehipto, ragkes en is hadì dan wey is tivuuk he pemilya zin.

Deuteronomio 7:19

Iyan kew mismu nekesaksi te zekelà he penggezam, egkein-inuwan he menge hitavù, wey is dekelà he ǥehem he migamit te Nengazen he Megbevayè niw te kebpeǥawas keniyu. Ne iring ded dutun is ebeelan te Nengazen he Megbevayè niw ziyà te langun he menge etew he igkahandek niw.