Jeremias 32:17 - Manobo Western Bukidnon OT

¹⁷ “He Nengazen he MEGBEVAYÀ, midlimbag nu is kelibutan wey is langit pinaaǥi te zekelà he ǥehem nu. Wazà minsan hengkey he kenè nu egkehimu.

Jeremias 32:17 ပူးပေါင်းရင်းမြစ်များ

Genesis 18:14

Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”

2 Hadì 19:15

Ne nengemuyù sikandin te, “Nengazen he Megbevayà te Israel he ebpimpinuu ziyà te pinuuwè din te kedhadì diyà te teliwazà te menge kirubin, iyan ke zà Megbevayà he edumala te langun he menge ginhedian kayi te kelibutan. Mibeelan nu is langit wey is kelibutan.

2 Hadì 3:18

Melemu zà heini para te Nengazen. Ne liyu keniyan, ibpezaag din daan keniyu is menge Moabitanhen.

Nehemias 9:6

Iyan ke zà Nengazen! Mibeelan nu is langit, tanà, daǥat, wey is langun he netaǥù kayi. Ebeǥayan nu te untung is langun he menge linimbag nu, ne ed-ezapen ka te menge velinsuǥuen diyà te langit.

Job 42:2

“Netuenan ku he egkehimu nu is minsan hengkey, ne wazà ebpekeeǥen kenikew.

Salmo 102:25

Dengan mibeelan nu is kelibutan wey is langit.

Salmo 136:12

Impeǥawas din sikandan pinaaǥi te zekelà he ǥehem din. Wazà pidtemanan te ǥaǥew zin.

Exodus 20:11

Su seled te heenem he andew is kebeeli ku te langit, tanà, daǥat, wey te langun he menge seled dutun, ne midhimeley a hein ikepitu en he andew. Ne mibpenubtuvazan ku haazà is Andew te Kedhimeley ne midhimu ku he segradu he andew para kediey.

Isaias 42:5

Iyan heini egkeǥiyen te Megbevayà, kes Nengazen he mibaal te langit he henduen be te manggad he indempas din. Mibeelan din is kelibutan wey is langun he uuyag he netaǥù kayi. Iyan daan sikandin mibeǥey te ǥehinawa te menge etew wey te langun he uuyag he menge linimbag kayi te kelibutan.

Isaias 44:24

Iyan heini egkeǥiyen te Nengazen he Menluluwas niw, he midlimbag keniyu: Iyan a Nengazen he mibaal te langun he menge vutang. Iyan e zà midempas te langit wey mibaal te kelibutan.

Isaias 45:12

Iyan a mibaal te kelibutan, wey te etew he ed-ubpà kayi. Is menge velad ku iyan midempas te langit, ne kediey he suǥù is kedlepew te andew, bulan, wey menge vituen.

Isaias 59:1

Pemineg kew! Kunaan niw vuwa ke meluya wey vengel is Nengazen, ne tenged dutun kenè kew zin egkehimu te edlibri wey kenà sikandin ebpekezineg ke ed-umawen niw.

Jeremias 1:6

Midtavak a te, “He Nengazen MEGBEVAYÀ, kenà a metau he ebpengaǥikaǥi, ne vetan-en e pa.”

Jeremias 14:13

Piru migkaǥi a te, “He Nengazen he MEGBEVAYÀ, netuenan nu he layun sikandan egkeǥiyi te menge ebpeneuven he wazè kun ebpekeuma he tebek wey vitil, su geina te migkaǥi ka he ebeǥayan nu sikandan te kelinew kayi te nasyun dan.”

Jeremias 21:2

“Betbetai nu hengyui is Nengazen te kedtavang kenami, su midsurung key ni Hadì Nebucadnezar he hadì te Babilonia. Su kela ke mebaal is Nengazen te egkein-inuwan iring te mibeelan din dengan, su para meengked is kedsurung ni Nebucadnezar.”

Jeremias 27:5

Pinaaǥi te zekelà he ǥehem ku midlimbag ku is kelibutan, is menge etew, wey is menge langgam, ne iyan a ebayàbayà ke hentei is ibpezumala ku kayi.

Jeremias 32:27

“Siak is Nengazen he Megbevayà te langun he menge etew. Duen be kenè ku egkehimu?

Jeremias 33:3

“Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.

Jeremias 4:10

Ne migkaǥi a te, “He Nengazen he MEGBEVAYÀ, nelimbungan nu is menge etew tenged te migkaǥi nu, su midsaad ka te kelinew te Jerusalem. Piru naandam en bes is ispada he idhimatey kandan.”

Jeremias 51:15

Midlimbag te Megbevayà is langit wey is kelibutan pinaaǥi te ǥehem din wey ketau zin.

Jeremias 51:19

Piru kenà mulà iring keniyan is Megbevayà ni Jacob. Iyan sikandin mibaal te langun, ragkes en is menge etew he migaked din. Nengazen he Mekeǥeǥehem is ngazan din.

Ezekiel 11:13

Ne zutun te edtudtulen ku is menge lalag te Megbevayà, minatey si Pelatia he anak ni Benaya. Ne zutun midlangkeb a ne inhabet ku ivensag is lalag he edhenduen te, “He Nengazen he MEGBEVAYÀ, ed-eminen nu ve te ebpenhimatey is nesamà he menge Israilihanen?”

Ezekiel 9:8

Ne zutun te kebpenhimatey zan, netaǥak a is sebsevaha. Midlangkeb a is nengumew te Megbevayà, “He Nengazen he MEGBEVAYÀ, ed-eminen nu ve ebpenhimetayi is nengesamà kayi te Israel tenged te kegkepeuki nu te menge tig-Jerusalem?”

Daniel 2:22

Ibpezayag din is mezalem wey ebpemekeeles. Diyà te kandin is kerayag, ne egketuenan din ke hengkey is diyà te merusirem.

Daniel 6:20

Ne kebpekeuma zin, ebpenliliǥayan sikandin is ebpengumew he ke sikandin te, “Daniel, suluǥuen ka te uuyag he Megbevayà, wazè be mekekaid kenikew is menge erimaung tenged te kedlibriya kenikew te Megbevayè nu he kenè nu ed-engkezan te edsilbi?”

Zacarias 12:1

Iyan heini menge lalag te Nengazen mehitenged te Israel: “Iyan a Nengazen he mibaal te langit wey kelibutan, wey mibeǥey te untung diyà te etew.

Zacarias 8:6

Migkaǥi pa is Nengazen he Mekeǥeǥehem, “Kela ke egkeisip te nesamà he menge etew ku he mereǥen en is kegkehitevua kayi, piru kayi te kedì kenà heini mereǥen.

Numero 11:23

Migkaǥi is Nengazen diyà te ki Moises te, “Duen be edtemanan te ǥehem ku? Egkeehè nu ǥuntaan ke egkeulaula ve is migkaǥi ku etawa kenà.”