Jeremias 31:9 - Manobo Western Bukidnon OT

⁹ Ed-umanan ku sikandan ed-uwità is edsineǥew wey ebpengemuyù. Ed-uwiten ku sikandan diyà te menge wahig, ne ed-ikul sikandan diyà te meupiya he zalan he kenè dan duen ebpekesipà. Su iyan a amey te menge Israilihanen, ne si Efraim is kakey he anak ku.

Jeremias 31:9 ပူးပေါင်းရင်းမြစ်များ

1 Cronica 29:10

Midalig ni David is Nengazen dutun te etuvangan te tivuuk he keet-etawan. Migkaǥi sikandin te, “He Nengazen, he Megbevayà te kepuun dey he si Jacob, ereg ka he edeliǥen te wazà pidtemanan.

Salmo 107:7

Impenurù din kandan is dalan he ebpekediritsu zuen te inged he zuen duen menge meǥinged.

Salmo 23:2

Iring a te kerehidu he ibpehimeley nu ziyà te penebtavà he zutun is gerabi he memeilem he sagbet. Ne ibpeikul a kenikew ziyà te meleneng he wahig.

Salmo 89:27

Ed-isipen ku sikandin he kinekekayan he anak ku, iyan sikandin lavew te langun he menge hadì.

Exodus 4:22

Ne zutun keǥiyi nu haazà is hadì te, ‘Iyan heini lalag te Nengazen diyà te kenikew: Ed-isipen ku is menge Israilihanen he iring te kakey he anak ku,

Isaias 42:16

Ed-eǥaken ku is lakap he menge etew ku pehendiyà te ketutuanan, diyà te zalan he wazè dan pa zuen hanew wey wazè dan pa meikul. Is kerusireman diyà te veyeey zan edhimuwen ku he kerayag, ne ebpetaǥen ku is menge ebpemukbuketur he menge lugar ziyà te edhipenawan dan. Ebeelan ku heini, ne kenè ku sikandan idselikwey.

Isaias 43:20

Minsan is leew he menge langgam ebeǥey kedì te zengeg, ragkes is leew he menge asu wey is menge ekang, su mibeǥey a te menge teheb diyà te disirtu su para zuen meinum te menge etew he pinilì ku.

Isaias 45:11

Iyan heini migkaǥi te Nengazen he Waǥas he Megbevayà te Israel wey midlimbag kandin, “Edriklamu kew ve tenged te menge vaal ku? Ebeyveyaan e ve keniyu te ereg he ebeelan ku?

Isaias 57:14

Egkaǥi a te, ‘Purungi is dalan. Iawà is nemekevelavag diyà te veyeey te menge etew ku.’ ”

Isaias 63:13

Hendei en sikandin is nengulu kenitew te kedlayun te zaǥat? Wazè kiw mekeuseng, kekenà, iring kiw te kudà he ziyà mebayà te mehiǥawan he lugar.

Isaias 63:16

Su iyan ka Amey zey minsan kenè key egkilelaan te menge kepuun dey he si Abraham wey si Jacob he menge kevuwazan dan. Uya, iyan ka Nengazen, amey zey, iyan ka Menluluwas dey puun pa zengan.

Isaias 64:8

Piru minsan pa te iyan heeyan, iyan ka gihapun Amey zey, Nengazen. Iring ka te mendiziyun, ne sikami iring te vasak. Iyan ka mibaal kenami te langun.

Jeremias 3:19

Iyan a mismu migkaǥi te, ‘Utew a melipayen pezem he egkilelaan ku sikiyu he menge anak ku ne ebeǥayan ku sikiyu te meupiya he tanà he kinemeupiyahan he kevilin kayi te tivuuk he kelibutan.’ Kunaan ku ke ‘Amey’ is id-umew niw kedì ne kenà ad keniyu ed-ewaan.

Jeremias 3:4

Ne ǥuntaan egkaǥi kew kayi te kedì te, ‘Amey ku, duma ku sikew puun pa te vatè e pa.

Jeremias 31:20

Midtavak is Nengazen te, “Sikiyu is menge tig-Efraim he pelanggè ku he menge anak, ingkelipey ku sikiyu. Minsan migkaǥi a te ebpekesuǥat keniyu, pinelanggè ku ǥihapun sikiyu. Mibulung a keniyu wey nehizuwan ku sikiyu.

Jeremias 50:4

“Dutun he timpu is menge etew ziyà te Israel wey Juda edsineǥew is edangep kayi te kedì, te Nengazen he Megbevayè dan.

Hoseas 12:4

iring te kebpekibuteng din te velinsuǥuen, ne nekezaag sikandin. Midsineǥew sikandin hein ebuyù te penuvadtuvad dutun te velinsuǥuen. Neehè din is Megbevayà diyà te Betel, ne zutun nekidlalag kandin is Megbevayà.

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.

Zacarias 12:10

“Ebeǥayan ku is menge kevuwazan ni David wey is menge meǥinged diyà te Jerusalem te ǥehinawa he hihizuwen wey meinempuen. Edtengtengan e zan is midhimetayan dan, ne edsineǥew sikandan iring te ginikanan he midsineǥew tenged te kebpatey te vudtung he anak din etawa kinekekayan he anak din.

Malakias 2:10

Ne mid-uman megkaǥi si Malakias te, “Kenè be sevaha zà is Megbevayà ne iyan sikandin midlimbag kenitew? Ne maan is mibpendezeisey tew is kebpekid-uyun te Megbevayà diyà te menge kepuun tew pinaaǥi te kenà kebmetinumanen te kada sevaha kenitew?

Numero 2:18

“Is tribu ni Efraim, Manase, wey ni Benjamin, ne ziyà megkampu te zapit te edsenlepan, diyà te zizalem te bendira te kada tribu zan. Iyan heini menge ngazan te menge pengulu zan wey kahabet te menge sakup dan: Tribu; Pengulu; Kahabet Efraim; Elishama he anak ni Amiud; 40,500 Manase; Gamaliel he anak ni Pedazur; 32,200 Benjamin; Abidan he anak ni Gideoni; 35,400

Deuteronomio 14:1

“Menge anak kew te Nengazen he Megbevayè niw. Umbe emun edlalew kew tenged te minatey, ne kenè niw pelii is keugelingen niw wey kenè niw kiskisi is ulu niw.

Deuteronomio 32:6

Iyan en be heeyan ibales niw te keupiya te Nengazen? Menge tulebung kew en iyan wey kurang te kedsavut. Kenè be iyan sikandin Amey niw he midlimbag keniyu?