Jeremias 31:4 - Manobo Western Bukidnon OT

⁴ Ibpeuman ku sikiyu ibpehitindeg is menge tig-Israel he iring te vahi he wazè pa mehileveti. Ne ebpekesayew kew tenged te kegkelipey te ebpezumahan te tukar te menge tamburin niw.

Jeremias 31:4 ပူးပေါင်းရင်းမြစ်များ

2 Hadì 19:21

Ne iyan heini lalag ku he ebpekesuǥat diyà te kandin: ‘Ed-engitan ka wey edsudien ka te menge meǥinged diyà te Zion, he inged he Jerusalem. Ebpemengelengkeleng sikandan is ed-undaunda kenikew zutun te kebpelaǥuy nu.

Salmo 149:3

Deliǥa niw sikandin duma is kedsayew wey kedtukar te tamburin wey menge alpa.

Salmo 30:11

Tenged te tavang nu, mid-ilisan nu te melipayen he kedsayew is keseengan ku. Impeluwas nu kedì is bisti ku he saku he tuus te kedlalew ku, ne mibeǥayan a kenikew te kelipey.

Salmo 51:18

He Megbevayè ku, tuvazi nu is Zion, he iyan is inged he Jerusalem su igkelipey nu is kebaal kayi. Umana nu venguna sikan is menge verengbeng kayi.

Salmo 69:35

Su edlibriyen te Megbevayà is Jerusalem, ne ed-umanan din ebenguna is menge inged diyà te Juda. Dutun ed-ubpà is menge etew zin ne iyan dan ebpekaangken keniyan he tanà.

Isaias 14:1

Benar iyan, egkehizuwan te Nengazen is menge tig-Israel ne ed-umanan din sikandan ebpilia he menge etew zin. Ne ibpeuman din sikandan ibpeubpà diyà te keugelingen dan he tanà, ne zuen menge lumelengyawà he ed-ubpà duma kandan.

Isaias 30:32

Edsurungen din sikandan. Ne kada sikandan edlegkuta te Nengazen ne eduyuǥan haazà te zaǥing te tamburin wey alpa.

Isaias 37:22

iyan heini egkeǥiyen te Nengazen he ebpekesuǥat diyà te kandin: “Ed-engitan ka wey edsudien ka te menge meǥinged diyà te Zion, he inged he Jerusalem. Ebpemengelengkeleng sikandan is ed-undaunda kenikew zutun te kebpelaǥuy nu.

Jeremias 1:10

Guntaan he andew mibpilì ku sikew he perekaǥi ziyà te menge nasyun wey menge ginhedian. Keǥiyi nu is menge etew ziyà te menge nasyun wey menge ginhedian he is duma kandan egkengepiley wey egkengezeetan. Ne is duma kandan, ed-enew ne ed-uman edhitindeg.”

Jeremias 14:17

“Jeremias, keǥiya nu heini te menge etew, ‘Maandew wey mezukilem ne kenè en egkeengked is kebpekesineǥew ku su zekelà is palì te menge etew ku ne utew sikandan egkesekiti.

Jeremias 18:13

Umbe, iyan heini migkaǥi te Nengazen: “Duen be nehitavù diyà te zuma he menge nasyun he migkaǥi te iring kayi? Is Israel he iring te vahi he wazè pa mehileveti mibaal te utew mezaat he vaal.

Jeremias 24:6

Ebentayan ku sikandan wey ed-eturen ku, ne idlikù ku sikandan kayi he tanà. Ibpeuswag ku sikandan ne kenè ku en edezeetan. Edlig-enan ku sikandan ne kenè ku ebpilayen.

Jeremias 31:13

Is menge raǥa wey menge kenakan kandan ragkes en is memeǥurang, edsayew tenged te kegkelipey. Edliwanan ku is kebpekesineǥew zan te kelipey. Kenè en sikandan ebpekelalew su edlipayen ku sikandan.

Jeremias 31:21

“Sevuki niw te tuus etawa menge pasek he iyan ibpeketuredu niw te zalan. Purungi niw tentenuzi is mid-ikul niw su iyan ded heini egkeikul niw emun ed-ulì kew en. He menge tig-Israel he iring te vahi he wazè pa mehileveti, likù kew en diyà te menge inged niw.

Jeremias 31:38

Mibpedayun megkaǥi is Nengazen te, “Egkeuma is timpu he ed-umanan ebenguna is Jerusalem puun te Turi ni Hananel pehendiyà te Pultahan diyà te Suyuk.

Jeremias 33:7

Ibpelikù ku is menge tig-Israel wey menge tig-Juda ziyà te tanè dan, ne ed-umanan ku ebenguna is menge inged dan iring te nehuna he timpu.

Jeremias 46:11

“Sikiyu is menge etew ziyà te Ehipto, minsan edhendiyè kew pa te Gilead su ebpenguwa kew te vawì, ne kenà ebpulus is langun he vawì niw su kenà ebpekeulì keniyu.

Penhulùhulù 1:15

Inselikwey te Nengazen is langun he menge sundaru ku. Midtiǥum sikandin te menge sundaru he edezaat te menge etew ku he vetan-en he menge maama. Is menge meǥinged diyà te Juda, iring dà sikandan te menge paras he midtekutakan te Nengazen.

Penhulùhulù 2:13

Sikiyu is menge meǥinged diyà te Jerusalem, hengkey is egkekaǥi ku ziyà te keniyu? Hengkey is egkehimu he ebpetug-iringan ku te kemeresayan niw? Is palì niw iring kezalem te zaǥat. Ne hentei is ebpekevawì keniyu?

Amos 5:2

Is Israel he iring te vahi he wazè pa mekeremaǥi, nezeetan ne kenè en heini ebpekeuman ebpekeenew. Mibey-anan sikandin diyà te tanè din ne wazè en ebpeenew kandin.

Amos 9:11

“Egkeuma is andew he ed-umanan ku ebenguna is ginhedian ni David he iring te lawig he nerundus. Su ebpurungan ku heini is nezeetan, ne ibpeuman ku ibpehitindeg iring duen te nehuna.

Zatù 11:34

Ne hein mid-ulì si Jefta ziyà te Mizpa, midsinuǥung sikandin te anak din he vahi he ebpurung dà edsayewsayew is edtukar te tamburin. Budtung sikandin he anak ni Jefta.