Jeremias 3:24 - Manobo Western Bukidnon OT

²⁴ Puun pa te vetan-en key pa is mekeeled-eled he menge ed-ezapen iyan en nekepehimulus te veǥas te kedhaǥù te menge kepuun dey, he iyan is menge uyaǥen dan wey menge anak dan.

Jeremias 3:24 ပူးပေါင်းရင်းမြစ်များ

Jeremias 11:13

“He menge tig-Juda, utew mezakel is menge ed-ezapen niw, iring kezakel te menge inged niw. Ke sengemenu kahabet is menge zalan diyà te Jerusalem ne iyan daan kahabet te menge pemuhatà he para edtutungan niw te veyewà he para te utew mezaat he ed-ezapen he si Baal.

Jeremias 22:21

Mibpetizeenan ku sikiyu hein meupiya pa is kebpekesavuk niw, piru wazè kew mebpemineg. Iyan en iyan heeyan betasan niw puun pa te kegkevatè niw; wazè kew mebpezumazuma kedì.

Jeremias 44:7

“Umbe siak, is Nengazen he Megbevayà he Mekeǥeǥehem, he Megbevayà te Israel mid-insà te: Maan is midezeetan niw is keugelingen niw? Egkesuat kew ve he maamin is menge etew te Juda–is menge maama, is menge vahi, is menge vatà, wey is menge edsusu pa?

Jeremias 8:16

Is mezaǥing he herìhian te menge kudà te menge kuntada tew iyan nezineg tew ziyà te Dan. Minsan herìhian dà dutun te menge kudè dan egkahandek kiw en is langun he meǥinged kayi he tanà. Nekeuma zan su edezeetan dan heini he tanà wey is menge netaǥù kayi–is menge inged wey is langun he menge meǥinged kayi.’ ”

Jeremias 9:18

Ipeǥaangaan utew sikandan ipehengkayi, su wey zan mesineǥawi is menge etew ku taman te medtiǥis is menge luhè dan.

Ezekiel 16:19

Mibpemuhat nu zaan sikandan te keenen he imbeǥey ku kenikew he ebpuun te meupiya he kelasi te herina, teneb, wey lana te ulibu. Impemuhat nu heini he pemuhat he mehemut. Uya, iyan heeyan nehitavù. Iyan a, is Nengazen he MEGBEVAYÀ, is migkaǥi kayi.

Ezekiel 16:20

“ ‘Migkuwa nu zaan is menge anak nu he menge maama wey menge vahi he menge anak ta, ne impemuhat nu su wey mekaan te zuma he menge ed-ezapen. Kenè pe be ereg is kebpelelevag nu?

Ezekiel 16:61

Ne egketenuzan nu ke hengkey is betasan nu zengan ne egkeeled ka, lavew en ke edhimuwen ku he menge anak nu is menge suled nu he vahi, he iyan is Samaria wey Sodom, minsan kenà heini ragkes te paaǥi ku te kebpekid-uyun kenikew.

Ezekiel 16:63

Egketenuzan nu is menge salè nu ne egkeeled ka, ne kenè ke en ebpekekaǥi tenged te utew nu kegkeeled emun ebpeseyluwen ku en sikew tenged te langun he mibeelan nu. Iyan a, is Nengazen he MEGBEVAYÀ, is migkaǥi kayi.”

Hoseas 10:6

ne ed-uwiten diyà te Asiria su igasa ziyà te mekeǥeǥehem he hadì. Egkepeel-elezan is Israel tenged te kedsarig din te kayu he menge ed-ezapen.

Hoseas 2:8

“Wazè din isipa he iyan a mibeǥey kandin te trigu, binu, lana, wey mahabet he menge pelata wey vulawan he mibeelan dan he ledawan ni Baal.

Hoseas 9:10

Migkaǥi is Nengazen te, “Menge tig-Israel, hein mibpilì ku is menge kepuun niw para mehimu he menge etew ku, ne utew a nelipey. Iring te etew he nelipey su nekaahà te midtuvù he paras diyà te disirtu etawa nekaahà te nehuna he veǥas te higus. Piru hein midhendiyè dan te Baal Peor, impehinungud dan is untung dan diyà te mekeeled-eled he ed-ezapen ne neiring sikandan kezaat dutun te ed-ezapen he mibmahal zan.