Jeremias 3:16 - Manobo Western Bukidnon OT

¹⁶ Emun egkeume en is timpu he utew kew en ebmahabet keniyan he tanà, ne kenè niw en human edtentenuzan is Kavan te Kebpekid-uyun ku keniyu. Kenè niw en heini ed-isipen wey edtentenuzan. Kenè kew en ebulungen kayi wey kenè kew en ed-uman ebaal te iring kayi.

Jeremias 3:16 ပူးပေါင်းရင်းမြစ်များ

Isaias 60:22

Deisey zà sikandan, piru ebmahabet sikandan. Menge egkaayuayu zan, piru egkehimu sikandan he gemhanan he nasyun. Iyan a, is Nengazen he segugunà ebaal kayi zutun te hustu he timpu.”

Isaias 61:4

Ed-umanan dan ebenguna is menge inged dan he neuǥet en he nevengkag.

Isaias 65:17

“Pemineg kew! Ebaal a te veǥu he langit wey beǥu he tanà. Ne kenè en edtentenuzan is daan he langit wey tanà.

Jeremias 3:17

Dutun he timpu egngezanan niw is Jerusalem he ‘Pinuuwà te Nengazen te Kedhadì Din,’ ne is langun he menge etew ziyà te menge nasyun edtiǥum dan diyà te Jerusalem te kebayew te ngazan te Nengazen. Kenè dan en ebpezumdumahan is kegkemesinupaken te mezaat he ǥehinawa zan.

Jeremias 30:19

Ne egkanta sikandan te menge peselamat wey ed-ugyab dan tenged te kegkelipey. Ibpemahabet ku sikandan wey ebeǥayan ku te zengeg.

Jeremias 31:27

Midpedayun megkaǥi is Nengazen te, “Egkeuma is timpu he utew ku ibpemahabet is menge etew ziyà te Israel wey Juda ragkes is menge uyaǥen dan.

Jeremias 31:8

Pemineg kew! Iyan a mismu egkuwa wey edtiǥum kandan puun te zizaya wey ziyà te minsan hendei he vahin te kelibutan. Ragkes en he ebpekezuma kandan, is menge lakap wey menge pigket. Iring din daan is menge meǥingey wey umaanak. Utew mahabet is ebpemen-ulì.

Jeremias 7:4

Kenè kew pelimbung te menge etew he edtulung egkaǥi te kenè kiw egkemenu su kayi te kenitew is baley te Nengazen.

Ezekiel 15:5

Ne emun wazà kayi pulus dutun te wazè pa heini metutung ne lavew en he wazè din pulus emun egketutung en!

Ezekiel 37:26

Ne ebpekid-uyun a kandan he ebpekeubpà sikandan he meupiya is kebpekesavuk, ne heini he uyun ebpedayun te taman te taman. Ibpeubpè ku sikandan diyà te tanè dan, ne ibpemahabet ku sikandan, ne ebengunen ku ziyà te kandan is baley ku te wazà pidtemanan.

Amos 9:9

Benar iyan, emun iyan a ebmandù, ne ed-eyaǥen ku sikiyu is menge etew te Israel duma te menge etew ziyà te langun he menge nasyun, iring te ked-ayag te trigu. Iring te kenà edlahus diyà te eyagan is nekesahug he menge vatu, ne kenà daan ebpekeliyu te silut is menge lalung keniyu, kekenà,

Zefanias 3:11

“ ‘Dutun te andew te kedsilut ku, sikiyu is menge tig-Jerusalem kenè kew egkepeel-elezan tenged te langun he salà he mibeelan niw kayi te kedì. Su id-awè ku ziyà te keniyu is menge etew he menge teruen wey mepelevawen. Ne kenè kew en ed-uman ebpehambug diyà te segradu he vuntud ku.