Jeremias 3:10 - Manobo Western Bukidnon OT

¹⁰ Minsan pa kayi te langun, kenà tinutuuwà is kedlikù te meluiven he Juda kayi te kedì. Uvag-uvag dà is kedlikù din kayi te kedì. Iyan a, is Nengazen, is migkaǥi kayi.”

Jeremias 3:10 ပူးပေါင်းရင်းမြစ်များ

2 Cronica 34:33

Ne zutun impepen-awà ni Josia is langun he utew mezaat he menge ed-ezapen diyà te tivuuk he tanà te Israel, ne impepenilbi zin is menge etew ziyà te Nengazen he Megbevayè dan. Dutun te uuyag pa sikandin, midsunud dan is Nengazen he Megbevayà te menge kepuun dan.

Salmo 18:44

Midluhud sikandan kedì tenged te kegkehandek dan, ne midtuman dan is suǥù ku.

Salmo 66:3

Keǥiyi niw sikandin te, “He Megbevayà, utew iyan egkein-inuwi is menge vaal nu. Tenged te zekelà he ǥehem nu nekeluhud diyà te etuvangan nu is menge kuntada nu.

Isaias 10:6

Edsuǥuen ku is menge tig-Asiria te kedsurung te egkeepesan ku he nasyun. Heini is nasyun, kenà sikandan edsunud kedì te Megbevayè dan. Heini sikandan, edezeetan ku iring te vasak diyà te kersada he edtekutakan, wey mepenguwa te menge tig-Asiria is langun he menge azen dan.”

Isaias 29:13

Migkaǥi is Nengazen te, “Heini he menge etew ziyè dà te vèbè dan is kedeliǥa wey kebeǥayi zan kedì te zengeg, piru meziyù kayi te kedì is gehinawa zan. Ne is ked-ezapa zan kedì, ne tenged dà te edtumanen dan is kandan dà he sulunuzen.

Isaias 31:6

Sikiyu is menge Israilihanen, likù kew en diyà te Nengazen he midsupak niw.

Jeremias 11:10

Midsunud dan is menge salà te menge kepuun dan he wazà mebpemineg te menge lalag ku. Mid-azap daan sikandan te zuma he menge ed-ezapen. Is menge tig-Israel wey menge tig-Juda neked-iring su pudu zan midrapas te kebpekid-uyun ku he midhimu ku ziyà te menge kepuun dan.

Jeremias 12:2

Midtuvazan nu sikandan iring te kayu he nendalid he midtuvù wey nemeǥas. Ne pinaaǥi zà te vèbà is kebeǥayi zan kenikew te zengeg ne kenà diyà ebpuun te ǥehinawa zan.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Hoseas 7:14

Kenà tinutuuwà is ked-umawa zan kediey. Dutun te edsineǥew zan diyà te menge hizeǥaan dan is ebuyù diyà te zuma he menge ed-ezapen dan te trigu wey vinu, ebpelian dan is lawa zan. Mibpekeziyù sikandan kayi te kediey.

Amos 4:9

“Kemahabet ku en dezeeti is menge pemuleey niw pinaaǥi te meinit he keramag wey menge erat. Mid-etaki te terapan is menge kayu niw he higus wey ulibu. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Malakias 2:11

“Kenà metinumanen is menge tig-Juda. Utew mezaat he vaal is mibeelan dan diyà te Israel wey Jerusalem. Mibpendezeisey te menge tig-Juda is baley te Nengazen he mahal zin wey mibpengesawa is menge maama kandan te menge vahi he ed-azap te zuma he ed-ezapen.