Jeremias 3:1 - Manobo Western Bukidnon OT

¹ “Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Jeremias 3:1 ပူးပေါင်းရင်းမြစ်များ

Salmo 106:38

he menge ed-ezapen te menge tig-Canaan. Ne tenged dutun te kebpenhimetayi zan te menge anak dan he wazè pa hanew, midremerikan dan is tanà he Canaan,

Isaias 24:5

Midremerikan is kelibutan te menge meǥinged kayi, su wazè dan tumana is menge kesuǥuan wey menge sulunuzen he ibpesunud te Megbevayà. Midrapas dan is wazà pidtemanan he kebpekid-uyun te Megbevayà kandan.

Jeremias 2:20

“Hein menge uripen kew pa, iring kew te vaka he mid-eyuǥuwan wey pinirisu he migkedinahan, piru hein midlibri ku en sikiyu, kenè kew ebpenilbi kedì. Mid-azap kew hinuun te zuma he menge ed-ezapen diyà te kada metikang he vuvungan wey ziyà te sihung te kada merapung he kayu. Iring kew te vahi he ebelegyà te zengeg din.

Jeremias 2:23

“Maan is nekekaǥi kew he wazè kew meremeriki wey wazè kew med-azap te menge ledawan ni Baal? Susiya niw ke hengkey he salà is nehimu niw ziyà te suǥud-suǥud te Hinom. Is-isipa niw is salà he neveelan niw. Iring kew te behiyan he kemilyu he mibpelelevag he kenà ebpeketeren.

Jeremias 2:7

Mid-uwit ku sikiyu ziyà te meupiya he tanà su wey niw mepulusi is meupiya he menge sebpet kayi. Iyan, hein nekeuma kew zuen, pinaaǥi te menge salè niw, midremerikan niw haazà is tanà he ǥaked ku, ne midhimu niw heini he utew meremerik.

Jeremias 22:20

Sikiyu is menge etew ziyà te Juda, sineǥew kew su nezeetan en is kezapig niw he menge nasyun. Lalew kew ziyà te menge vuvungan te Lebanon. Sineǥawi niw sikandan diyà te Bashan wey Abarim.

Jeremias 3:22

Sikiyu is kenà metinumanen he menge etew, likù kew kayi te kediey su ebewian ku is kegkeengey-engey niw.” Midtavak dan te, “Uya, ed-uvey key ziyà te kenikew su iyan ka Nengazen he Megbevayè dey.

Jeremias 3:9

Ne tenged te wazè din beliya is kebpekimaama he iyan is ked-azap te zuma neremerikan din is tanà pinaaǥi te ked-azap din te menge ed-ezapen he vatu wey kayu.

Jeremias 31:22

Keenu kew pe bes edlikù kayi te kedì, is menge anak ku he nengetazin. Ebaal a te veǥu kayi te kelibutan–iring te is bahi iyan en maan pengalang te maama.”

Jeremias 4:1

Migkaǥi is Nengazen te, “He Israel, likù ka pezem kayi te kediey. Emun idselikwey nu en is utew mezaat he zuma he menge ed-ezapen ne kenà ad kenikew ewai,

Jeremias 4:14

“Menge tig-Jerusalem, lumpiyuwi niw is kezaat te gehinawa niw su wey kew melibri. Ebpedayun en be is kezaat te isip niw?

Penhulùhulù 1:2

Neiring sikandin te vahi he egkeiinek te tivuuk he kezukileman; is menge luhè din ebpenudà diyà te enaping din. Wazà minsan sevaha zuen te menge mibmahal zin he midlangan kandin. Pudu midluib kandin is menge emiǥu zin, ne nehimu sikandan he menge kuntada zin.

Ezekiel 16:26

Mibpelelevag ke pa ziyà te menge Ehiptohanen he siringan nu he utew zaan lebag. Utew ku ingkepauk is kenè nu ked-engked te kebpelelevag.

Ezekiel 16:30

“ ‘Siak, is Nengazen he MEGBEVAYÀ, migkaǥi a te utew ka meluya umbe nehimu nu heini he menge vaal. Iring ka te vahi he wazè din keelezan he ebelegyà te zengeg din.

Ezekiel 16:35

“ ‘Umbe sikew is lebag, pemineǥa nu is menge lalag ku.

Ezekiel 33:11

Ne ǥuntaan keǥiyi nu sikandan he siak, is Nengazen he MEGBEVAYÀ he uuyag, migkaǥi a he kenà a egkelipey emun duen ebpatey he lalung he etew. Iyan suat ku he engkezi zan is mezaat he menge vaal zan su wey zan meuyag-uyag. Umbe sikiyu is menge etew te Israel, engkezi niw en is mezaat he menge vaal niw. Maan is egkesuat kew he ebpatey?

Hoseas 1:2

Is nehuna he migkaǥi te Nengazen diyà te ki Hoseas ne iyan heini: “Pengesawa ka te vahi he mengungumpadi, ne is menge anak niw ed-isipen he menge anak dutun te vahi he mengungumpadi. Su ebpaahà heini he is menge etew ku, iring te nengumpadi sikandan pinaaǥi te kedselikwaya zan te Nengazen wey ked-azap dan te zuma he menge ed-ezapen.”

Hoseas 2:2

“Menge anak, dewaya niw is iney niw minsan kenè ku en sikandin esawa, wey kenè e zin en esawa. Dewaya niw sikandin he engkezi zin is kebpengumpadi.

Micas 2:10

Ne ǥuntaan awè kew kayi te Israel su heini he lugar kenè ne ebpekeveǥey keniyu te egkehimelayan, su midremerikan niw heini te menge salè niw. Egkezeetan heini he lugar ne kenè ne egkepulusan.

Deuteronomio 22:21

ne ed-uwiten haazà is bahi diyà te etuvangan te valey te amey zin ne edtulengen sikandin te vatu te menge maama zutun te inged taman te kebpatey zin. Su mekeeled-eled he vaal is mibeelan din diyà te Israel pinaaǥi te kebpehilavet dutun te ziyè pa sikandin ed-ubpà te valey te amey zin. Kinahanglan he id-awè niw heini he mezaat he vaal ziyà te keniyu.

Zatù 19:2

Iyan, midluib kandin haazà is esawa zin, ne mid-ulì diyà te valey te ginikanan din diyà te Betlehem, ne zutun sikandin seled te heepat he vulan.