Jeremias 27:9 - Manobo Western Bukidnon OT

⁹ Umbe, kenè kew tuu te menge ebpeneuven niw, menge menenagnà, menge edluwas te kehuluǥan te menge teǥeinep, menge veyilan etawa menge etew he edsarig te menge mulin-ulin, su egkaǥi zan he kenè kew edsekupen te hadì te Babilonia.

Jeremias 27:9 ပူးပေါင်းရင်းမြစ်များ

Exodus 22:18

“Himetayi niw is minsan hentei he veyilan.

Exodus 7:11

Ne zutun mibpesuǥuan te hadì is menge uluwanen he etew wey is menge selemengkiru ziyà te Ehipto ne nehimu zan daan is iring dutun pinaaǥi te kegkeselemengkiru zan.

Erubasa 19:27

Mama, emun kenè nu ebpemineǥen is menge penurù ku kenikew, ne idselikwey nu is menge penurù he ebpekeveǥey te ketau.

Isaias 8:19

Emun duen egkaǥi keniyu he penginginsè kew te menge minatey pinaaǥi te menge veyilan wey menge etew he edsarig te menge mulin-ulin, ne kenè niw haazà beeli. Insè kew ziyà te Megbevayè niw. Heeyan sikandan ebekèbekè dà is bèbè dan. Ne maan is ed-insè kew ziyà te menge minatey te para te menge uuyag?

Jeremias 14:14

Midtavak is Nengazen, “Ne haazà he menge ebpeneuven tarù is menge tagnè dan pinaaǥi te ngazan ku. Wazè ku sikandan suǥùa, ne wazà a mebpekidlalag kandan. Is inseysey zan keniyu he nengelewasan dan ne kenà diyà ebpuun te kediey; is menge tagnè dan he wazè din pulus diyè dà ebpuun te limbungan he isip dan.

Jeremias 23:16

Migkeǥiyan te Nengazen he Mekeǥeǥehem is menge etew ziyà te Jerusalem te, “Kenè kew pemineg te egkeǥiyen kayi te teruen he menge ebpeneuven. Ibpeperateng kew zan dà te tarù. Is egkeǥiyen dan he nengelewasan dan ne kenà diyà ebpuun te kediey su ziyè dà te isip dan.

Jeremias 23:25

“Nezineg ku is tarù he mibpengaǥi te menge ebpeneuven he midheǥet dan pinaaǥi te ngazan ku. Egkaǥi sikandan te, ‘Duen menge lalag he migkaǥi te Nengazen diyà te kenami pinaaǥi te teǥeinep!’

Jeremias 23:32

Kuntada ku is menge ebpeneuven he ebpenudtul te tarù he menge teǥeinep dan, ne midtazin dan is menge etew ku pinaaǥi te kebpenarùtarù dan. Wazè ku sikandan suǥùa te kebpenudtul. Umbe, wazà minsan hengkey he keupiyaanan he igkeveǥey zan diyà te menge etew. Iyan a, is Nengazen, is migkaǥi kayi.

Jeremias 29:8

Migkaǥi pa is Nengazen he Mekeǥeǥehem, he Megbevayà te Israel te, “Kenè kew peuwit te menge ebpeneuven wey menge menenagnà he ziyà te keniyu. Kenè niw zaan tuuwi is menge teǥeinep dan,

Ezekiel 21:29

Kenà tutuu is menge nelewasan wey menge tagnà he nezawat niw mehitenged te ispada. Iyan tutuu is, andam en is ispada te kedtamped te menge lieg te lalung he menge etew. Neume en is timpu te kedsiluti kandan.

Daniel 4:7

Kebpekeuma te menge selemengkiru, menge veyilan, menge menenagnà, wey menge mengingingkuris, ne midtudtul ku ziyà te kandan is teǥeinep ku, piru kenè dan igkeseysey kayi te kedì is kehuluǥan din.

Micas 3:7

Egkepeel-elezan kew utew is menge ebpeneuven wey menge menenagnà. Igkezilung niw is buked niw tenged te kegkeeled, su wazè niw en egkezawat he menge lalag he ebpuun te Megbevayà.

Zacarias 10:2

Benar iyan, kenà ereg he edtuuwan is duma he menge ed-ezapen wey is menge menenagnà. Edseysey zan te sayep he kehuluǥan te menge teǥeinep. Wazà pulus te menge lalag dan he idasig. Umbe neiring is menge etew te Israel te menge kerehidu he nengetazintazin. Nerasey zan su wazè dan pengulu.

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”

Deuteronomio 13:2

ne egketuman is egkeǥiyen din, ne egkaǥi te, ‘Hendini kew su ed-azap kiw te selakew en he ebpen-ezapen’ (ebpen-ezapen he wazè niw mekilala),

Deuteronomio 18:14

“Heini he menge nasyun, is menge etew zuen he edsegseǥen niw, ne ebpemendangep diyà te ebpemenagnà etawa menge veyilan. Iyan, sikiyu mulà imbandu keniyu te Nengazen he Megbevayè niw is kebaal kayi.

Josue 13:22

Ragkes daan te midhimetayan te menge Israilihanen si Balaam he menenagnà he anak ni Beor.