Jeremias 27:5 - Manobo Western Bukidnon OT

⁵ Pinaaǥi te zekelà he ǥehem ku midlimbag ku is kelibutan, is menge etew, wey is menge langgam, ne iyan a ebayàbayà ke hentei is ibpezumala ku kayi.

Jeremias 27:5 ပူးပေါင်းရင်းမြစ်များ

Genesis 1:25

Su midlimbag dutun te Megbevayà is menge langgam he leew wey ayam wey is menge keranapranap he ebpenanap wey edula zini te tanà, ne naahà dutun te Megbevayà he meupiya zaan haazà.

Genesis 9:6

Ke zuen etew he edhimatey te zuma zin he etew edhimetayan daan sikandin te zuma zin he etew. Su midlimbag te Megbevayà is etew he iring te zagwey zin.

Ezra 1:2

“Iyan heini impehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.

Nehemias 9:22

“Impezaag nu kandan is menge ginhedian, menge nasyun, wey is menge meǥinged diyà te menge tanà he nekeelingkus kandan. Mid-aǥew zan is tanà he Heshbon he iyan edumala zutun si Hadì Sihon, wey is tanà he Bashan he iyan edumala zuen si Hadì Og.

Salmo 102:25

Dengan mibeelan nu is kelibutan wey is langit.

Salmo 96:5

Su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

Exodus 20:11

Su seled te heenem he andew is kebeeli ku te langit, tanà, daǥat, wey te langun he menge seled dutun, ne midhimeley a hein ikepitu en he andew. Ne mibpenubtuvazan ku haazà is Andew te Kedhimeley ne midhimu ku he segradu he andew para kediey.

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Isaias 42:5

Iyan heini egkeǥiyen te Megbevayà, kes Nengazen he mibaal te langit he henduen be te manggad he indempas din. Mibeelan din is kelibutan wey is langun he uuyag he netaǥù kayi. Iyan daan sikandin mibeǥey te ǥehinawa te menge etew wey te langun he uuyag he menge linimbag kayi te kelibutan.

Isaias 44:24

Iyan heini egkeǥiyen te Nengazen he Menluluwas niw, he midlimbag keniyu: Iyan a Nengazen he mibaal te langun he menge vutang. Iyan e zà midempas te langit wey mibaal te kelibutan.

Isaias 45:12

Iyan a mibaal te kelibutan, wey te etew he ed-ubpà kayi. Is menge velad ku iyan midempas te langit, ne kediey he suǥù is kedlepew te andew, bulan, wey menge vituen.

Isaias 48:13

Iyan a mismu midsavuk te pundasyun te kelibutan wey iyan a midempas te langit. Ne ebpezumazuma heini ke edsuǥuen ku.

Isaias 51:13

Nelipatan niw en be he iyan a mibaal keniyu? Iyan a midempas te langit wey mibpelastar te midtukuzan te kelibutan. Maan is nengungubpaan kew he layun egkahandek te pauk te ebpesipala wey egkesuat he edezaat keniyu? Is pauk dan kenè en ebpekekaid keniyu.

Jeremias 27:4

Keǥiya nu ziyà te kandan heini he menge lalag; ne para heini te menge hadì dan. Ne ke sikew te, ‘Iyan heini migkaǥi te Nengazen he Mekeǥeǥehem, he Megbevayà te Israel:

Jeremias 32:17

“He Nengazen he MEGBEVAYÀ, midlimbag nu is kelibutan wey is langit pinaaǥi te zekelà he ǥehem nu. Wazà minsan hengkey he kenè nu egkehimu.

Jeremias 51:15

Midlimbag te Megbevayà is langit wey is kelibutan pinaaǥi te ǥehem din wey ketau zin.

Daniel 2:38

Mibpeveyveyaan din kenikew is menge etew, menge langgam, menge tagbis, diyà te minsan hendei. Ne iyan ka impetug-iring duen te vulawan he ulu zuen te ledawan.

Daniel 4:14

Ne ingkulahì din is lalag he edhenduen te, ‘Pilaya niw heeyan is kayu ne penempeza niw is menge subpang din. Pen-ewaa niw is menge zahun din wey ipenimbag niw is menge veǥas din. Buǥawa niw is menge langgam he nemenhelung duen wey is menge tagbis he nenesalag diyà te menge subpang din.

Daniel 4:17

Iyan heini hukum he migkaǥi te menge velinsuǥuen su para metueni te langun he is Utew Lavew he Megbevayà, duen din gehem diyà te menge ginhedian te menge etew. Ne egkehimu ke edhimuwen din sikandan he sakup te minsan hentei he egkesuatan din he mehimu he egalen, minsan pa ke haazà is etew iyan en kineminusan te langun he menge etew.

Daniel 4:22

Mahal he Hadì, iyan ka haazà is kayu. Su nehimu ka he mekeǥeǥehem ne iring te nekeume en diyà te langit is kegkemekeǥeǥehem nu, ne is kedhadì nu nekeuma ziyà te minsan hendei kayi te kelibutan.”

Daniel 4:25

Edsegseǥen ka pehendiyà te meziyù te menge etew ne ed-amur ka te leew he menge langgam. Ne egkeiring ka te vaka su ebpenabtab ka te sagbet wey layun ka egkahames te zehemug. Ne kegketapus te pitu he tuig, ne egkilelaan nu he is Utew Lavew he Megbevayà, duen din gehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.

Deuteronomio 2:19

Ne emun ebpekeuma kew en diyà te menge Amunihanen, he menge kevuwazan ni Lot, kenè niw sikandan semuka wey tebeka su heeyan is tanè dan ne imbeǥey ku kandan, ne kenè ku sikiyu ebeǥayan te tanè dan minsan deisey.’

Deuteronomio 2:21

Ne mezakel heini sikandan, memezesen, wey memelangkew iring te menge kevuwazan ni Anak. Piru mibpengelinteuwan te Nengazen he mezaag sikandan te menge Amunihanen. Midsegseg sikandan te menge Amunihanen ne iyan sikandan mid-ubpà dutun he tanà.

Deuteronomio 2:7

Tentenuzi niw is kedtuvazi ku te langun he mibeelan niw. Iyan a Nengazen he Megbevayè niw, iyan a mibantey keniyu ziyà te hipanew niw kayi te meluag he sibsivayan. Seled te 40 he tuig is kebpekiduma ku keniyu ne wazà megkurang is minsan hengkey he kinahanglan niw.” ’ Iyan haazà lalag te Nengazen kediey.

Deuteronomio 2:9

migkaǥi is Nengazen kayi te kedì te, ‘Kenè niw semuka wey tebeka is menge Moabitanhen he menge kevuwazan ni Lot, su imbeǥey ku kandan is tanà he Ar ne kandan haazà, ne kenè ku sikiyu ebeǥayan te tanè dan minsan deisey.’ ”

Deuteronomio 32:8

Su hein mibeǥayan te Levew he Megbevayà is menge nasyun te tanè dan wey hein mibahinbahin din en is menge etew zutun, ne zuen dulunà te uman grupu kandan he insavuk din sumalà is kezakel te menge velinsuǥuen din.

Deuteronomio 4:17

langgam be he edhipanew etawa edlayang,

Deuteronomio 4:25

“Dutun te huziyan he timpu, emun ebpemenganak kew wey ebpen-epuen kew en, ne ebpekeubpè kew en dutun te tanà seled te meluǥayad he timpu, kenè niw remeriki is keugelingen niw pinaaǥi te kebaal te ledawan he ed-ezapen minsan hengkey he purma. Su mezaat is ked-ahaa kayi te Nengazen he Megbevayè niw ne igkepauk din heini.

Deuteronomio 4:32

“Susiya niw is nengehitavù puun te timpu te kedlimbaǥa te Megbevayà te etew kayi te kelibutan taman en guntaan. Wey susiya niw is kegkehimuwa te tivuuk he kelibutan ke zuen pe be hitavù he iring is kegkein-inuwi zuen te kegkein-inuwi te kegkehimuwa te kelibutan.

Deuteronomio 4:35

Impeehè keniyu haazà he menge hitavù su para metueni niw he is Nengazen iyan Megbevayà ne wazè en duma pa.

Deuteronomio 5:16

“ ‘Tehuza niw is amey niw wey iney niw, sumalà te insuǥù ku keniyu, su para luǥeyazi kew te untung wey para mebmeupiya is kebpekesavuk niw zuen te tanà he ibeǥey ku keniyu.

Deuteronomio 9:29

“ ‘Piru menge etew nu sikandan. Iyan sikandan menge etew he ǥaked nu ne impeǥawas nu puun te Ehipto pinaaǥi te zekelà he ǥehem nu.’