Jeremias 27:10 - Manobo Western Bukidnon OT

¹⁰ Tarù is egkeǥiyen dan diyà te keniyu su pinaaǥi kayi, egkengaawè kew kayi te tanè niw. Edsegseǥen ku sikiyu wey edezeetan.

Jeremias 27:10 ပူးပေါင်းရင်းမြစ်များ

Exodus 22:18

“Himetayi niw is minsan hentei he veyilan.

Jeremias 14:14

Midtavak is Nengazen, “Ne haazà he menge ebpeneuven tarù is menge tagnè dan pinaaǥi te ngazan ku. Wazè ku sikandan suǥùa, ne wazà a mebpekidlalag kandan. Is inseysey zan keniyu he nengelewasan dan ne kenà diyà ebpuun te kediey; is menge tagnè dan he wazè din pulus diyè dà ebpuun te limbungan he isip dan.

Jeremias 23:16

Migkeǥiyan te Nengazen he Mekeǥeǥehem is menge etew ziyà te Jerusalem te, “Kenè kew pemineg te egkeǥiyen kayi te teruen he menge ebpeneuven. Ibpeperateng kew zan dà te tarù. Is egkeǥiyen dan he nengelewasan dan ne kenà diyà ebpuun te kediey su ziyè dà te isip dan.

Jeremias 23:25

“Nezineg ku is tarù he mibpengaǥi te menge ebpeneuven he midheǥet dan pinaaǥi te ngazan ku. Egkaǥi sikandan te, ‘Duen menge lalag he migkaǥi te Nengazen diyà te kenami pinaaǥi te teǥeinep!’

Jeremias 27:14

Kenè kew tuu te egkeǥiyen te menge ebpeneuven he kenè kew edsekupen te hadì te Babilonia, su tarù is egkeǥiyen dan diyà te keniyu.

Jeremias 27:15

Iyan heini migkaǥi te Nengazen: ‘Wazè ku suǥùa heeyan is menge ebpeneuven. Edheǥeten dan is tarù he egkeǥiyen dan pinaaǥi te kegemita zan te ngazan ku. Umbe emun edtuu kew kandan, ne edsegseǥen ku sikiyu wey edezeetan, ragkes en heeyan is menge ebpeneuven.’ ”

Jeremias 27:16

Ne migkeǥiyan ku is langun he menge memumuhat wey is langun he menge etew te, “Migkaǥi is Nengazen he kenè kew tuu te menge ebpeneuven he egkaǥi te kenè en egkeuǥet idlikù en puun te Babilonia is menge gelemiten diyà te valey te Nengazen. Tarù is egkeǥiyan dan diyà te keniyu.

Jeremias 28:11

Ne migkeǥiyan din is menge etew zutun te, “Iyan heini migkaǥi te Nengazen: Is menge etew ziyà te menge nasyun he midsakup ni Hadì Nebucadnezar he hadì te Babilonia iring te mid-eyuǥuwan. Piru edezeetan ku is eyuǥu seled te zezuwa he tuig.” Ne mid-awè dutun si Jeremias.

Jeremias 32:31

Puun pa te kegketukud kayi he inged taman en guntaan, midhimu te menge meǥinged kayi he mepauk a. Umbe edezeetan ku heini.

Jeremias 8:19

Pemineǥa is kebpekitavang te menge emurè ku te inged; egkezineg heini kayi te tivuuk he tanà. Ke sikandan te, “Wazè en be ziyà te Jerusalem is Nengazen? Wazè en be kayi is Megbevayà he Hadì te Jerusalem?” Midtavak is Nengazen te, “Maan is midhimu niw he mepauk a pinaaǥi te ked-azap niw te zuma he menge ed-ezapen he wazà menge pulus?”

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.

Daniel 4:7

Kebpekeuma te menge selemengkiru, menge veyilan, menge menenagnà, wey menge mengingingkuris, ne midtudtul ku ziyà te kandan is teǥeinep ku, piru kenè dan igkeseysey kayi te kedì is kehuluǥan din.

Zacarias 10:2

Benar iyan, kenà ereg he edtuuwan is duma he menge ed-ezapen wey is menge menenagnà. Edseysey zan te sayep he kehuluǥan te menge teǥeinep. Wazà pulus te menge lalag dan he idasig. Umbe neiring is menge etew te Israel te menge kerehidu he nengetazintazin. Nerasey zan su wazè dan pengulu.

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”

Deuteronomio 18:10

Kinahanglan he wazà minsan sevaha keniyu he ibpemuhat din is anak din pinaaǥi te hapuy. Etawa ebpenagnà, etawa ebpeveveyilan, etawa ebpeǥingkuris, etawa teǥelemayan,