Jeremias 26:20 - Manobo Western Bukidnon OT

²⁰ Dutun he timpu, zuen etew he midtudtul zin is ibpekaǥi te Nengazen. Is ngazan din iyan si Uria he anak ni Shemaya he tig-Kiriat Jearim. Migkaǥi zin daan is mezaat he ebpekesuǥat kayi he inged wey nasyun iring te migkaǥi ni Jeremias.

Jeremias 26:20 ပူးပေါင်းရင်းမြစ်များ

1 Hadì 18:10

Tutuu is migkaǥi ku ziyà te etuvangan te uuyag he Nengazen he Megbevayè nu, he wazà nasyun etawa ginhedian he wazà impehendutun te egalen ku te kebpen-ahà kenikew. Emun egkaǥi is menge pengulu zutun te menge nasyun wey menge ginhedian he wazè ka ziyà te kandan he lugar, ibpepenangdù sikandan ni Ahab he wazè ke zan maahà.

2 Hadì 23:37

Mezaat is ulaula zin diyà te etuvangan te Nengazen, iring te mibeelan te menge kepuun din.

Jeremias 2:30

Midsilutan ku is menge anak niw para memansu, piru wazà heini medrimeǥas te meupiya ziyà te kandan. Kenà sikandan egkesuat he ebpenuruen. Iyan kew mismu midhimatey te menge ebpeneuven diyà te keniyu; neiring kew te egkevitil he erimaung.

Jeremias 36:19

Ne migkeǥiyan dutun te menge upisyal si Baruc te, “Eles kew en ki Jeremias ne kenè niw ipetueni te minsan hentei ke hendei kew.”

Josue 15:60

Is Kiriat Baal (he iyan is Kiriat Jearim) wey is Raba: ne 2 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

Josue 18:14

Puun dutun, ebpehendiyà heini te zapit te edsenlepan te vuntud he ebpekesinaru te Bet Horon diyà te zivavà. Midsangkù heini ziyà te Kiriat Baal (he iyan is Kiriat Jearim), he sevaha he zekelà he inged te tribu ni Juda. Iyan heini zulunà diyà te edsenlepan.

Josue 9:17

Umbe, migenat is menge Israilihanen, ne iketelu he andew te kedhipanew zan nekeuma zan diyà te menge inged he ed-ubpan duen te menge etew. Heini he menge inged iyan is Gibeon, Kefira, Beerot, wey Kiriat Jearim.

1 Samuel 6:21

Midsuǥù sikandan te etew he ibpepenudtul ziyà te tig-Kiriat Jearim he egkaǥi te, “Inlikù te menge Filistihanen kes Kavan te Nengazen. Kuwaa niw kayi wey uwita niw ziyan te keniyu.”

1 Samuel 7:2

Neumahan te 20 he tuig diyà te Kiriat Jearim kes Kavan te Nengazen, ne zutun he menge tuig midlalew wey nemengumew te Nengazen is tivuuk he Israel he ebuyù te tavang.