Jeremias 26:15 - Manobo Western Bukidnon OT

¹⁵ Piru tentenuzi niw heini: Emun edhimetayan a keniyu, zuen niw televaken wey is menge etew kayi te inged tenged te kedhimatey niw te wazà mekesalà, su is tutuu midsuǥù a te Nengazen te kegkaǥi kayi te langun he nezineg niw ǥuntaan.”

Jeremias 26:15 ပူးပေါင်းရင်းမြစ်များ

Genesis 4:10

Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.

Genesis 42:22

Ne migkaǥi zutun si Reuben te, “Migkeǥiyan ku zengan sikiyu te, ‘Kenè niw pesipelahi is hazi tew? Piru wazè kew mebpemineg kedì. Umbe edsilutan kiw en guntaan tenged te kemetayen din.’ ”

2 Hadì 24:4

ragkes en is kebpenhimetayi zin te menge etew he kenà ereg he edhimetayan. Impetiǥis din is lengesa zan diyà te Jerusalem, ne kenà heini egkepesaylu te Nengazen.

2 Cronica 24:22

Midlipatan ni Hadì Joash is kebpurungi kandin ni Jehoyada, he amey ni Zacarias, kekenà, mibpehimetayan din si Zacarias. Ne hein egkevidtawan en sikandin, ne ke sikandin te, “Berakat he seǥipaa te Nengazen is ebeelan niw, ne iyan sikandin mebales keniyu.”

Erubasa 6:16

Duen pitu he kelasi te etew he egkeepesan wey edumutan te Nengazen:

Erubasa 6:17

is menge gelbuwen, is menge teruen, is menge memumunù,

Jeremias 2:30

Midsilutan ku is menge anak niw para memansu, piru wazà heini medrimeǥas te meupiya ziyà te kandan. Kenà sikandan egkesuat he ebpenuruen. Iyan kew mismu midhimatey te menge ebpeneuven diyà te keniyu; neiring kew te egkevitil he erimaung.

Jeremias 2:34

Is menge visti niw nezekiyan te lengesa te wazà mekesalà he menge pubri. Mibpenhimetayan niw sikandan minsan wazà sikandan mezekepi he midseled diyà te valey niw te kebpenakew. Ne minsan mibeelan niw heini,

Jeremias 22:17

Ne sikew mulà, wazè duma he tinguhè nu, kekenà, iyan dà is kebpenlimbung, kebpemenhimatey te menge wazà mekesalà, kebpendaagdaag, wey kebpenhukhuk.

Jeremias 22:3

Migkaǥi is Nengazen te: Baal kew te hustu wey metazeng. Tevangi niw is menge mibpenekawan; libriya niw sikandan puun te gehem te midrasey kandan. Kenè niw dèdaaǥa wey pesipelahi is kenà menge Israilihanen, is menge ilu, wey is menge valu. Kenè kew zaan himatey te wazà mekesalà.

Jeremias 26:12

Ne zutun migkeǥiyan ni Jeremias is menge upisyal wey is langun he menge etew zutun te, “Midsuǥù a te Nengazen te kegkaǥi te mezaat he ebpekesuǥat kayi te valey zin wey kayi te inged, ne iyan heini nezineg niw.

Jeremias 30:1

Migkeǥiyan te Nengazen si Jeremias te, “Iyan a, is Nengazen he Megbevayà te Israel, migkaǥi he isurat nu ziyà te sevaha he libru is langun he migkaǥi ku kenikew.

Jeremias 7:6

Kenè niw en dèdaaǥa is menge langyew, menge ilu, wey menge valu he vahi. Engkezi niw is kedhimatey te wazà mekesalà, wey kenè kew azap te zuma he menge ed-ezapen he ebpekezezaat dà keniyu.

Numero 35:33

Ne pinaaǥi kayi kenè niw egkeremerikan is tanà he ed-ubpaan niw, su is kedhimatey ebpekeremerik te tanà. Ne iyan dà ebpekelumpiyu kayi is kemetayen gihapun.

Deuteronomio 19:10

Umani niw is menge inged he eputà su para wazà etew he egkepatey he wazà mekesalà diyà te tanè niw he ibeǥey keniyu te Nengazen he Megbevayè niw para mepengevilin niw, wey para kenè kew mesukuti tenged te kegkepetaya te etew he wazà mekesalà.