Jeremias 26:10 - Manobo Western Bukidnon OT

¹⁰ Ne hein nezineg heini te menge upisyal te Juda, migenat dan puun te turuǥan, ne midhendiyè dan te valey te Nengazen. Mibpinuu zan diyà te veyeey he migngezanan te Beǥu he Gemawan he valey te Nengazen he para te kedhukum.

Jeremias 26:10 ပူးပေါင်းရင်းမြစ်များ

2 Hadì 15:35

Piru wazè din iperundus is menge simbahan diyà te metikang he menge lugar, umbe mibpedayun is menge etew te kebpemuhat te menge pemuhat wey te kedtutung te menge veyewà. Si Jotam is mibaal te Egkezizaya he Gemawan te valey te Nengazen.

2 Cronica 27:3

Si Jotam is mibaal te Egkezizaya he Gemawan te valey te Nengazen, ne mibpemepurungan din is menge verengbeng te Jerusalem diyà te vuvungan te Ofel.

Jeremias 20:2

impevuǥel zin heini ne impepirisu zin diyà te uvey te ǥemawan te valey te Nengazen he migngezanan te Pultahan ni Benjamin.

Jeremias 26:21

Ne hein nezineg ni Hadì Jehoyakim wey te langun he menge upisyal zin wey te menge pengulu is migkaǥi ni Uria, midtinguhè dan is kedhimetayi kandin. Piru nezineg haazà ni Uria umbe mibpelaǥuy sikandin pehendiyà te Ehipto tenged te kegkahandek din.

Jeremias 26:24

Si Jeremias midtevangan ni Ahikam te anak ni Shafan. Umbe wazà sikandin ikeveǥey ziyà te menge etew wey zan mehimetayi.

Jeremias 34:10

Ne mid-uyun kayi he kesebutan is langun he menge etew zutun ragkes en is menge upisyal, ne mibeǥayan dan te vayàbayà is menge uripen dan, maama man etawa vahi.

Jeremias 36:10

Ne zutun te ebpemineg is menge etew, mibasa ni Baruc is menge lalag ni Jeremias he ingkesurat diyà te linulun he velesahan. Mibeelan heini ni Baruc diyà te valey te Nengazen, diyà te ruǥu ni Gemaria he sikritaryu he anak ni Shafan. Heini is ruǥu ni Gemaria diyà te zivavew te lama zuen te valey te Nengazen he uvey te veyeey pehendiyà te migngezanan he Beǥu he Pultahan.

Jeremias 36:25

Minsan midhangyù si Elnatan, si Delaya, wey si Gemaria zutun te hadì he kenè din tutunga sikan is belesahan, ne wazà mebpemineg haazà is hadì.

Ezekiel 22:27

Is menge upisyal zan iring te zumezaas he menge asu he ebpitaspitas te egkezawi zan. Edhimatey zan para zà mekeselapì sikandan.

Ezekiel 22:6

Ahaa nu is menge pengulu te Israel he ed-ubpà diyà te kenikew, migamit dan is gehem dan wey zan mekepenhimatey.