Jeremias 26:1 - Manobo Western Bukidnon OT

^1-2 Hein beǥu pa he midhadì diyà te Juda si Jehoyakim, he anak ni Josia, migkaǥi is Nengazen kayi te kedì te, “Hitindeg ka ziyà te lama te valey ku ne keǥiyi nu is langun he menge etew he ebpemuun diyà te menge inged diyà te Juda he edhendutun te ked-azap. Keǥiya nu ziyà te kandan is langun he ibpekaǥi ku kenikew, ne kenè nu heini terini.

Jeremias 26:1 ပူးပေါင်းရင်းမြစ်များ

1 Cronica 3:15

Iyan heini sikandan menge anak ni Josia: is kinekekayan si Johanan, is ikezuwa si Jehoyakim, is iketulu si Zedekia, ne is ikeepat si Shalum.

Jeremias 1:3

Ne mibpedayun is kebpahayag te Nengazen te menge lalag he ibpekaǥi zin ki Jeremias taman te timpu te kedhadì ni Jehoyakim, ne pehendiyè en te ike-11 he tuig te kedhadì ni Zedekia he anak ni Josia. Ne ikelima he vulan dutun he tuig mibihag is menge etew ziyà te Jerusalem.

Jeremias 25:1

Heini he tudtul mehitenged te menge etew ziyà te Juda migkaǥi te Nengazen diyà te ki Jeremias hein ikeepat he tuig te kedhadì ni Jehoyakim diyà te Juda, te anak ni Josia. Ne iyan daan heini nehuna he tuig te kedhadì ni Nebucadnezar ziyà te Babilonia.

Jeremias 27:1

Hein beǥu pa he midhadì si Zedekia ziyà te Juda is anak ni Josia, migkaǥi is Nengazen kayi te kedì te, “Jeremias, baal ka te eyuǥu ne lìlìeǥi nu te panit ne ieyuǥu nu ziyà te tengel nu.

Jeremias 35:1

Hein iyan hadì diyà te Juda si Jehoyakim he anak ni Josia, migkaǥi is Nengazen diyà te ki Jeremias,

Jeremias 36:1

Hein ikeepat he tuig te kedhadì ni Jehoyakim he anak ni Josia diyà te Juda, migkaǥi is Nengazen diyà te ki Jeremias te,