Jeremias 24:1 - Manobo Western Bukidnon OT

¹ Duen impelewasan kedì te Nengazen hein mibihag en ni Hadì Nebucadnezar he hadì te Babilonia si Hadì Jehoyakin he hadì te Juda, he anak ni Jehoyakim. Mid-uwit si Jehoyakin diyà te Babilonia ragkes is menge upisyal zin wey is memetau he menge pandey wey menge terebahanti. Hein neipus heini he hitavù ne zuen impelewasan te Nengazen kedì. Dutun te nelewasan ku neehè ku is dezuwa he vaskit he veǥas te higus he ziyà te egkesineruwan duen te valey te Nengazen.

Jeremias 24:1 ပူးပေါင်းရင်းမြစ်များ

2 Hadì 24:10

Duen te timpu te kedhadì din, midsurung te menge upisyal ni Hadì Nebucadnezar he hadì te Babilonia is Jerusalem, ne midliǥuyan dan heini.

2 Cronica 36:10

Kebpuun te veǥu he tuig mibihag ni Hadì Nebucadnezar si Jehoyakin pehendiyà te Babilonia. Mibpenguwa zin is mahalen he menge azen diyà te valey te Nengazen. Ne is anggam ni Jehoyakin he si Zedekia, midhimu zin he hadì te Juda wey Jerusalem.

Isaias 13:1

Iyan heini lalag he mehitenged te Babilonia he impehayag te Nengazen diyà te ki Isaias he anak ni Amoz:

Jeremias 13:19

Edsirahan is menge pultahan te menge inged diyà te Negev, ne wazè en ebpekeǥawas wey wazè en ebpekeseled kayi. Ne ebihaǥen is langun he menge etew ziyà te Juda.

Jeremias 27:20

Heini he menge gelemiten wazà uwita ni Hadì Nebucadnezar ziyà te Babilonia hein mibihag din puun te Jerusalem si Hadì Jehoyakin he hadì te Juda, he anak ni Jehoyakim, duma te menge upisyal ziyà te Juda wey Jerusalem.

Jeremias 28:4

Ibpelikù ku zaan kayi si Hadì Jehoyakin he hadì te Juda he anak ni Jehoyakim, wey is langun he menge tig-Juda he mibihag diyà te Babilonia, su egevaan ku en is gehem te hadì te Babilonia. Iyan a, is Nengazen, is migkaǥi kayi.”

Jeremias 29:1

Diyà te Jerusalem, midsurat si Jeremias te para te ebpemendumala, menge memumuhat, menge ebpeneuven, wey te zuma pa he mibihag ni Nebucadnezar ziyà te Babilonia puun te Jerusalem. Insurat heini ni Jeremias hein nevihag en si Hadì Jehoyakin, is iney zin, is menge upisyal ziyà te turuǥan, is menge ebpemendumala ziyà te Juda wey Jerusalem, wey is memetau he menge pandey wey menge terebahanti.

Jeremias 37:1

Midhimu ni Hadì Nebucadnezar he hadì te Babilonia si Zedekia he anak ni Josia he hadì te Juda he ilis ki Jehoyakin he anak ni Jehoyakim.

Ezekiel 17:4

ne midtamped kayi is lumbey te kinepuruan he subpang. Mid-uwit din heini ziyà te lugar te menge nigusyanti ne impemula zin dutun.

Ezekiel 19:9

Migkew-itan dan ne intaǥù dan diyà te veleyanan, ne mid-uwit dan diyà te hadì te Babilonia. Midureng dan heini su wey kenè en mezineg diyà te menge vuvungan te Israel is kedhiniǥer zin.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Amos 7:1

Iyan heini impaahà te Nengazen he MEGBEVAYÀ kedì: Neehè ku he edtiǥum is Nengazen te utew mahabet he terapan dutun te ingkeveǥey en diyà te hadì is kandin he vahin puun te nehuna he neraǥun dutun te ebpuun en is ikezuwa he kedraǥun.

Amos 7:4

Heini pa is impaahà kedì te Nengazen he MEGBEVAYÀ: Neehè ku he ebpengandam is Nengazen he MEGBEVAYÀ te kedsilut te menge etew zin pinaaǥi te hapuy. Ne impememaza te hapuy is ebpuunan te wahig diyà te zizalem te tanà, ne midtutung kayi is langun he netaǥù te tanà he Israel.

Amos 7:7

Heini pa is impaahà te Nengazen he MEGBEVAYÀ kediey: Neehè ku is Nengazen he edhithitindeg diyà te uvey te verengbeng ne zuen din egewezan he tuntun he migamit te kedsukuza zuen te verengbeng ke metandang be is kegkeveeli kayi etawa kenà.

Zacarias 1:20

Ne zuen heepat he pandey he impaahà kedì te Nengazen.

Zacarias 3:1

Ne impaahà te Nengazen kedì is lavew he memumuhat he si Josue he edhithitindeg diyà te etuvangan te velinsuǥuen te Nengazen. Midhitindeg diyà te egkekewanan din si Setanas he edsumbung kandin.