Jeremias 23:9 - Manobo Western Bukidnon OT

⁹ Henduen be te egkaawè en is gehinawa ku tenged te teruen he menge ebpeneuven. Mibpengerker is menge tulan ku, ne henduen be te nelangut a tenged te kegkesegradu te menge lalag he migkaǥi te Nengazen he ebpekesuǥat kandan.

Jeremias 23:9 ပူးပေါင်းရင်းမြစ်များ

Salmo 60:3

Sikami is menge etew nu ibpepurung key kenikew ibpaantus. Ebpekeziregdireg key en he henduen be te midlangut key kenikew te vinu.

Salmo 69:20

Inmesakit te ǥehinawa ku is kebpeel-elezi zan kedì ne mibmezaat is isip ku. Ebperetengen ku is kegkehizuwi kedì, piru wazà nehizu kedì. Ebperetengen ku is kedlipaya kedì, piru wazà midlipey kedì.

Isaias 28:1

Mekehizuhizu is Samaria, he henduen be te kuruna he vulak, he ibpegalbu te menge lelenguten he menge pengulu te Israel. Heini he inged diyà mekepelastar te uuzaran he suǥud, piru egkaawà is kekempet din iring te vulak he egkeǥangu.

Isaias 29:9

Sikiyu is menge tig-Juda, liveǥa niw is isip niw wey tinulebung kew. Sebpengi niw is menge mata niw ne mebpekelakap kew. Pelelangut kew piru kenà pinaaǥi te vinu, diregdireg kew piru kenà tenged te visa te vinu.

Isaias 51:21

Umbe, sikiyu is nengerasey wey nengelangut te kenè binu, pemineǥa niw heini.

Isaias 6:5

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is Nengazen he Mekeǥeǥehem.”

Jeremias 20:9

Usahay ebpekekaǥi a te kenà ad egkaǥi mehitenged kenikew wey ebpenudtul te menge lalag nu. Piru kenè ku egkeeǥen, su is menge lalag nu henduen be te hapuy he egkeregreg diyà te gehinawa ku wey menge tulan ku. Neveley a te ked-eǥen kayi para kenè ku pezem mekaǥi.

Jeremias 36:16

Ne hein nezineg dan is langun dutun nekedsisirapà sikandan tenged te kegkehandek dan ne ke sikandan diyà te ki Baruc te, “Kinahanglan he edtudtulen tew heini ziyà te hadì.”

Jeremias 5:31

Is menge ebpeneuven tarù is tagnè dan. Is menge memumuhat kandan he keǥehem is egemiten dan te kedumala zan. Ne nekaangey kayi is menge etew ku. Piru hengkey vuwa is ebeelan dan emun egkeume en is ketepusan he timpu?”

Jeremias 8:18

Ne migkaǥi si Jeremias te: Kenà egkaawà is kegkeseeng ku. Utew mesakit is gehinawa ku.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Penhulùhulù 3:15

Pudu zà mepait he kemeresayan is imbeǥey zin kediey.

Ezekiel 13:3

Iyan a, is Nengazen he MEGBEVAYÀ, migkaǥi he mekehizuhizu is tulebung he menge ebpeneuven he ebaalvaal zà te menge tagnè dan he wazè dan nelewasan.

Ezekiel 9:4

ne migkeǥiyan din te, “Liǥuya is Jerusalem ne merkahi nu is buked duen te ingkeseeng dan is utew mezaat he menge vaal he mibeelan diyà te seled te inged.”

Ezekiel 9:6

Penhimetayi niw is menge meǥurang, menge vetan-en he menge maama wey menge vahi, menge iney, menge vatà, piru kenè niw kevuta is duen dan menge marka. Diyè kew puun te valey ku.” Umbe midhuna zan penhimetayi is menge pengulu he ziyà te egkesineruwan duen te valey te Nengazen.

Daniel 8:27

Ne kegkepasad kayi, siak si Daniel, midluyahan a wey nezeruwan a te nepipira he andew. Ne kegkeulii kedì, midlikuan ku te edterebahu is insarig kedì te hadì. Piru kemulu a egkeliveǥi zuen te nelewasan ku. Mereǥen heini he edsevutan.

Habakuk 3:16

Migkaǥi si Habakuk te, “Hein nezineg ku is impahayag te Nengazen kayi te kedì, migkerker is tivuuk he lawa ku ragkes en is bivig ku tenged te kegkahandek ku. Midluyahan a ne migkerker is menge paa ku. Ne tenged kayi te impahayag te Nengazen, ne kenà a edarà is edtaǥad te timpu te kedsiluti zin te menge midsurung kenami.