Jeremias 23:1 - Manobo Western Bukidnon OT

^1-2 Migkaǥi is Nengazen he Megbevayà te Israel te, “Mekehizuhizu kew is menge pengulu te menge etew ku! Iring kew pezem te menge perevantey te menge kerehidu. Iyan kew pezem ed-elima te menge etew ku, piru mibelaǥad niw sikandan ke ebpematey wey egkengetazintazin. Umbe, geina te migurigew niw is menge etew ku ne wazè niw etura, edsilutan ku sikiyu tenged kayi te mezaat he vaal niw.

Jeremias 23:1 ပူးပေါင်းရင်းမြစ်များ

Jeremias 10:21

Midtavak a te, “Wazà pereg te menge pengulu tew; wazà sikandan medangep diyà te Nengazen. Umbe wazà sikandan med-uswag, ne nekepeyapat is langun he menge sakup dan.

Jeremias 12:10

Midezeetan te mahabet he menge pengulu is Juda he mid-isip ku he pemuleey ku te paras. Midtekutakan dan heini is mekempet he tanè ku ne midhimu zan he sibsivayan.

Jeremias 13:17

Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.

Jeremias 2:26

“Iring te egkepeel-elezan is tekawen emun egkezekepan, ne egkepeel-elezan kew zaan is menge etew te Israel. Uya, egkepeel-elezan kew wey is menge hadì niw, menge upisyal niw, menge memumuhat niw, wey menge ebpeneuven diyà te keniyu.

Jeremias 2:8

Minsan is menge memumuhat ne wazè en mebpen-ahà kedì. Is ebpenurù te kesuǥuan wazà mekekilala kedì. Is menge pengulu ne nekidsukulà kedì. Ne is menge ebpeneuven, midheǥet dan is menge lalag dan pinaaǥi te ed-ezapen he egngezanan ki Baal, ne midsunud dan te zuma he menge ed-ezapen he wazà menge pulus.

Jeremias 22:22

Ibpeyapat ku is langun menge pengulu niw, ne ebihaǥen is menge etew ziyà te kezapig niw he menge nasyun. Egkepeel-elezan kew tenged te langun he kelelalung niw.

Jeremias 50:6

“Is menge etew ku neiring te netazin he menge kerehidu. Mibey-anan sikandan te menge ebantey kandan he metazin diyà te menge vuntud wey menge vuvungan, ne kenè ne sikandan ebpeketuredu he ed-ulì.

Ezekiel 13:3

Iyan a, is Nengazen he MEGBEVAYÀ, migkaǥi he mekehizuhizu is tulebung he menge ebpeneuven he ebaalvaal zà te menge tagnè dan he wazè dan nelewasan.

Ezekiel 34:1

Migkaǥi is Nengazen kayi te kedì te,

Ezekiel 34:21

Su sikiyu is menge melambù, eduǥehungen niw zà wey edsungayen is meluya he menge kerehidu taman te ebpekepekeziyù sikandan.

Ezekiel 34:31

“Iyan kew menge kerehidu ku ziyà te pepenebtavè ku. Iyan kew menge etew ku, ne iyan a Megbevayè niw. Iyan a, is Nengazen he MEGBEVAYÀ, is migkaǥi kayi.”

Zacarias 10:3

Migkaǥi is Nengazen te, “Utew ku nepeuki is menge etew he nengulu te menge etew ku; edsilutan ku iyan sikandan. Ne edtentenuzan ku is menge kerehidu ku, he iyan is menge etew ziyà te Juda. Edhimuwen ku sikandan he iring te menge kudà he para te tebek he layun dà ebpekezaag.