Jeremias 22:1 - Manobo Western Bukidnon OT

¹ Migkeǥiyan a te Nengazen te, “Hendiyè ka te turuǥan te hadì te Juda ne keǥiya nu heini he menge lalag:

Jeremias 22:1 ပူးပေါင်းရင်းမြစ်များ

2 Samuel 12:1

Midsuǥù is Nengazen te ebpeneuven he si Natan diyà te ki David. Hein nekeuma sikandin diyà te ki David, migkaǥi sikandin te, “Duen dezuwa he etew he ed-ubpà te sevaha he inged. Is sevaha ne sepian ne is sevaha ne pubri.

2 Cronica 33:10

Minsan mibpetizeenan en te Nengazen si Manase wey is menge etew zin, wazà gihapun sikandan mebpemineg te Nengazen.

Jeremias 21:11

“Keǥiyi niw zaan is lavew he menge pemilya ziyà te Juda, he menge kevuwazan ni David, he pemineǥa zan heini is migkaǥi te Nengazen: Kenè niw engkezi te ed-ikul is hustu he kukuman. Layun niw tevangi is mibpenekawan; libriya niw sikandan te kedresaya kandan. Su emun kenà, egkeregreg is pauk ku he iring te hapuy he kenà egkeevukan tenged te mezaat he menge vaal niw.

Jeremias 21:14

Piru edsilutan ku sikiyu ǥihapun te sungkad te menge vaal niw. Ebinsulan ku is turuǥan te hadì niw ne egkevinsulan is langun diyà te peliǥuy kayi. Iyan a, is Nengazen, is migkaǥi kayi.”

Jeremias 22:2

‘He hadì te Juda, he kevuwazan ni David, pemineǥa nu heini is menge lalag te Nengazen. Ipepemineg nu is menge upisyal nu wey is menge etew nu he kayi ebayà te menge ǥemawan te turuǥan.

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Amos 7:13

Kenè nu en tudtula kayi te Betel is menge lalag te Megbevayà, su kayi is simbahan he ed-ezapan te hadì, he iyan simbahan kayi te ginhedian din.”