Jeremias 21:9 - Manobo Western Bukidnon OT

⁹ Is minsan hentei he kenà ed-awà kayi he inged ebpatey te tebek, bitil, etawa zaru. Piru sikan is egawas wey edsurindir ziyà te menge tig-Babilonia he edsurung keniyu ne egkeuyag-uyag. Uya, egkelibri is untung din.

Jeremias 21:9 ပူးပေါင်းရင်းမြစ်များ

Jeremias 14:12

Minsan mebpuasa pa sikandan, ne kenè ku ebpemineǥen is kebuyù dan te tavang kayi te kediey. Minsan mebpemuhat pa sikandan te menge pemuhat he edtutungen wey pemuhat he para gasa, ne kenè ku heini edewaten. Kekenà, ebpenhimetayan ku sikandan pinaaǥi te tebek, bitil, wey menge vangkit.”

Jeremias 21:7

Ne sikew Hadì Zedekia he hadì te Juda, wey is menge upisyal nu, wey is menge etew he egkesamà he kenà ebpatey te zaru, te vitil, wey te tebek, ibeǥey ku sikiyu te kuntada niw he si Hadì Nebucadnezar he hadì te Babilonia wey te zuma pa he menge kuntada niw he egkesuat he edhimatey keniyu. Kenà sikandin egkehizu he edhimatey keniyu. Iyan a, is Nengazen, is migkaǥi kayi.

Jeremias 24:10

Ibpaaǥi ku ziyà te kandan is tebek, bitil, wey menge zaru taman te egkaamin ebpematey sikandan keniyan te tanà he imbeǥey ku kandan wey te menge kepuun dan.”

Jeremias 27:11

Piru is menge etew ziyà te nasyun he ebpesakup wey ebpenilbi te hadì te Babilonia, idtugut ku he kenà egkengaawà sikandan diyà te keugelingen dan he tanà. Dutun dan egkeuyag-uyag wey ed-ubpà. Iyan a, is Nengazen, is migkaǥi kayi.’ ”

Jeremias 27:12

Iyan ded heini he menge lalag migkaǥi ku ziyà te ki Hadì Zedekia he hadì te Juda. Migkaǥi a te, “Pesakup kew te hadì te Babilonia. Penilbi kew kandin wey te menge etew zin ne egkeuyag-uyag kew.

Jeremias 27:13

Su emun kenà, ebpatey ka wey is menge etew nu te tebek, bitil, wey zaru, iring te nekaǥi te Nengazen he egkehitavù te menge etew ziyà te nasyun he kenà ebpenilbi te hadì te Babilonia.

Jeremias 38:2

is minsan hentei he kenà ed-awà kayi te inged ebpatey te tebek, bitil, wey zaru. Piru is minsan hentei he edsurindir ziyà te menge tig-Babilonia ne kenà ebpatey. Egkelibri sikandin ne egkeuyag-uyag.

Jeremias 38:3

Migkaǥi zaan is Nengazen te siguradu he egkaaǥew heini he inged te menge tig-Babilonia ne edsekupen dan heini.”

Jeremias 39:18

Edlibriyen ku sikew. Kenè ka ebpatey te tebek, su midsarig ka kedì. Iyan a, is Nengazen, is migkaǥi kayi.’ ”

Jeremias 45:5

Edtinguhè ke pe be te zekelà he menge vutang? Kenè en kinahanglan, su ibpesaǥad ku te kezeetan is langun he menge etew, piru edlibriyen ku mulà sikew te kemetayen minsan hendei ka ebpevayà. Iyan a, is Nengazen, is migkaǥi kayi.’ ”

Ezekiel 5:12

Ebehinen ku sikiyu te tetelu he vahin. Is egkehuna he vahin ebpematey keniyan te inged pinaaǥi te vitil wey menge zaru. Is ikezuwa he vahin ebpematey pinaaǥi te ispada ziyà te ǥawas keniyan te inged. Ne is iketelu he vahin ibpeyapat ku kayi te tivuuk he kelibutan ne ibpelaus ku is kedlisliseza ku kandan.