Jeremias 21:8 - Manobo Western Bukidnon OT

⁸ “Keǥiyi niw zaan is menge etew ziyà te Jerusalem he iyan heini migkaǥi te Nengazen: ‘Guntaan ibpepilì ku sikiyu te zalan pehendiyà te untung etawa zalan pehendiyà te kemetayen.

Jeremias 21:8 ပူးပေါင်းရင်းမြစ်များ

Erubasa 12:28

Emun ebpengungubpaan ka he metazeng, pedayun ka he ed-ubpà wey egkelibri ka te kemetayen.

Jeremias 38:17

Migkaǥi si Jeremias diyà te ki Zedekia te, “Iyan heini migkaǥi te Nengazen he Megbevayà he Mekeǥeǥehem, he Megbevayà te Israel: Emun edsurindir ka ziyà te menge upisyal te hadì te Babilonia, egkelibri nu is untung nu ne kenà heini ebinsulan is inged. Ne sikew wey is pemilya nu ne egkeuyag-uyag.

Deuteronomio 11:26

“Pemineg kew! Ibpepilì ku sikiyu ǥuntaan te tuvad etawa rawak.

Deuteronomio 30:15

“Pemineg kew! Guntaan he andew ibpepilì ku sikiyu kayi: untung etawa kemetayen, keuswagan etawa kezeetan.

Deuteronomio 30:19

“Guntaan he andew ebpengum-umawen ku is langit wey tanà su ibpetistiǥus ku ke hengkey is ebpilien niw kayi: untung etawa kemetayen, tuvad etawa rawak. Pilia niw is untung su para meuyag-uyag kew wey is menge anak niw.