Jeremias 21:10 - Manobo Western Bukidnon OT

¹⁰ Nekehukum ad he ibpaaǥi ku kayi te inged is kezeetan ne kenà keupiyaanan. Ibeǥey ku heini ziyà te hadì te Babilonia ne ebinsulan din heini.’

Jeremias 21:10 ပူးပေါင်းရင်းမြစ်များ

2 Cronica 36:19

Mibinsulan dan is baley te Megbevayà wey mibengkag dan is berengbeng te Jerusalem. Mibinsulan dan daan is langun he melig-en he vahin dutun te inged, ne migevè dan is langun he mahalen he menge azen.

Salmo 34:16

Piru egkuntedahan din is menge etew he ebaal te mezaat. Edèdeetan din sikandan taman te kenè en sikandan egketenuzan te menge etew kayi te kelibutan.

Jeremias 17:27

Iyan, emun kenè kew edsunud kediey su kenè niw ed-isipen he segradu he andew is Andew te Kedhimeley, kekenà, ed-uwit kew te menge velegyè niw ziyà te menge pultahan te Jerusalem dutun he andew, ebinsulan ku is menge pultahan te Jerusalem ragkes is melig-en he menge vahin kayi he inged, ne wazà ebpekeevuk kayi he hapuy.’ ”

Jeremias 26:6

edezeetan ku heini is baley ku iring te kedezeeti ku te Shilo. Ne heini he inged, edrewakan te menge etew ziyà te langun he menge nasyun kayi te tivuuk he kelibutan.”

Jeremias 33:5

edsurung gihapun is menge tig-Babilonia ne ebpenuen dan heini te ebpemematey he ebpenhimetayan ku tenged te utew ku kegkepauk. Idselikwey ku heini he inged tenged te utew subra is kelelalung te menge etew kayi.

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Jeremias 38:17

Migkaǥi si Jeremias diyà te ki Zedekia te, “Iyan heini migkaǥi te Nengazen he Megbevayà he Mekeǥeǥehem, he Megbevayà te Israel: Emun edsurindir ka ziyà te menge upisyal te hadì te Babilonia, egkelibri nu is untung nu ne kenà heini ebinsulan is inged. Ne sikew wey is pemilya nu ne egkeuyag-uyag.

Jeremias 38:18

Iyan, emun kenè ka edsurindir, ne ibeǥey heini he inged diyà te menge tig-Babilonia, ne ebinsulan dan heini ne kenè ka ebpekelikey.”

Jeremias 38:23

“Is langun he menge esawa nu wey menge anak nu ebihaǥen te menge tig-Babilonia. Sikew mismu ne kenè ka ebpekelikey kandan; ebihaǥen ka te hadì te Babilonia, ne ebinsulan dan heini he inged.”

Jeremias 38:3

Migkaǥi zaan is Nengazen te siguradu he egkaaǥew heini he inged te menge tig-Babilonia ne edsekupen dan heini.”

Jeremias 39:16

“Hendiyè ka te ki Ebed Melec he tig-Etiopia ne keǥiyi nu sikandin he siak, is Nengazen he Mekeǥeǥehem, he Megbevayà te Israel, migkaǥi te, ‘Edtumanen ku en is migkaǥi ku he ebpekesuǥat kayi he inged. Ibpaaǥi ku is kezeetan ne kenà keupiyaanan. Ne egkeehè nu is kegkehitevua kayi.

Jeremias 39:8

Ne elin daan nehitavù is, mibinsulan te menge tig-Babilonia is menge valey ziyà te Jerusalem ragkes en is turuǥan te hadì, ne mibpemengkag dan is menge verengbeng.

Jeremias 44:11

“Umbe siak, is Nengazen he Mekeǥeǥehem, he Megbevayà te Israel, andam e en he edezaat keniyu wey te tivuuk he tig-Juda.

Jeremias 44:27

Su kenè ku sikiyu ebeǥayan te keupiyaanan pinaaǥi te ked-ipata ku keniyu, kekenà, edsilutan ku sikiyu. Ebpematey kew kayi te Ehipto pinaaǥi te tebek etawa vitil taman te wazè en egkesamà keniyu.

Jeremias 52:13

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

Ezekiel 15:7

Uya, edsilutan ku sikandan, minsan egkepeleǥuyan dan is hapuy, egkeepur ǥihapun sikandan te ikezuwa he hapuy. Ne zutun egketuenan dan he iyan a Nengazen.

Ezekiel 24:11

Ne iziken nu is kitang he wazè din en taǥù diyà te vaǥa taman te egkevaǥa zaan heini. Paaǥi heini te kedlumpiyuwi zuen te kitang ne egketutung is tangis din.

Leviticus 17:10

Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Amos 2:5

Umbe, ebinsulan ku is Juda ragkes is melig-en he menge vahin te Jerusalem.”

Amos 9:4

Minsan bihaǥa pa sikandan te menge kuntada zan, ebpenhimetayan ku ǥihapun sikandan. Su utew a disididu te kedezaat kandan ne kenà kedtavang kandan.’ ”

Zacarias 1:6

Piru nehitavù diyà te menge kepuun niw is migkaǥi ku wey is menge petizaan he impekaǥi ku te menge suluǥuen ku he menge ebpemeneuven. Ne mid-iniyug te mezaat is menge kepuun niw he ke sikandan te, ‘Midsilutan kiw te Nengazen he Mekeǥeǥehem te ereg he vales te menge vaal tew, sumalà te pelanu zin.’ ”