Jeremias 20:9 - Manobo Western Bukidnon OT

⁹ Usahay ebpekekaǥi a te kenà ad egkaǥi mehitenged kenikew wey ebpenudtul te menge lalag nu. Piru kenè ku egkeeǥen, su is menge lalag nu henduen be te hapuy he egkeregreg diyà te gehinawa ku wey menge tulan ku. Neveley a te ked-eǥen kayi para kenè ku pezem mekaǥi.

Jeremias 20:9 ပူးပေါင်းရင်းမြစ်များ

Salmo 39:3

Ne nesemukan utew is isip ku. Ne hein edtulungan ku en egngunngunua ke ebpedayun e ve he ebpereremek etawa kenà, ne nasì en med-iseg is kegkesemuki te isip ku. Umbe wazè ku en meeǥen is gehinawa ku; nekekaǥi a te,

Jeremias 23:29

Kenè be mekeǥeǥehem is lalag ku? Iring heini te hapuy he ebpeketutung wey masu he ebpekerupet te vatu.

Jeremias 23:9

Henduen be te egkaawè en is gehinawa ku tenged te teruen he menge ebpeneuven. Mibpengerker is menge tulan ku, ne henduen be te nelangut a tenged te kegkesegradu te menge lalag he migkaǥi te Nengazen he ebpekesuǥat kandan.

Jeremias 4:19

Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.

Jeremias 6:11

Neǥezam ku zaan is dekelà he pauk he iyan is pauk te Nengazen, ne kenè ku heini egkeeǥen.” Migkaǥi is Nengazen te, “Ibpeǥezaman ku is pauk ku ziyà te menge vatà he eguǥusà diyà te zalan, diyà te menge vetan-en he menge maama he edtitiǥum, diyà te menge telteleesawa, wey ragkes en is utew en memeǥurang.

Ezekiel 3:14

Imbayew a te Mulin-ulin ne mid-uwit e zin pehendiyà te meziyù. Neǥezam ku kayi te ǥehinawa ku is kegkesekiti wey kegkeepes, piru mibeyveyaan a te Nengazen.

Ezekiel 3:3

Migkeǥiyan e zin te, “Sigi, keena nu heeyan taman te egkahantey ka.” Ne hein migkaan ku haazà, ne iring heini keemis te teneb.

Amos 3:8

Hentei man is kenà egkahandek emun edhiniǥer is erimaung? Hentei man is kenà ebpekekaǥi te menge lalag te Nengazen he MEGBEVAYÀ emun iyan en is Nengazen he MEGBEVAYÀ ebpekaǥi kandin?

Jonas 1:2

“Segugunè ka hendiyà te zekelà he inged he Nineve, ne keǥiyi nu is menge etew zutun, he engkezi zan is mezaat he menge ulaula zan su sumalà is neehè ku, utew subra is kezaat te menge ulaula zan.”

Jonas 1:3

Piru wazà mebpezumazuma si Jonas su mibpeleǥuyan din is Nengazen pehendiyà te Tarshish. Midhendiyà sikandin te Jopa, ne zutun duen barku he edhendiyà te Tarshish. Mibayad sikandin te piliti, ne hein nekevayad en, mid-untud dutun te varku he ebpehendiyà te Tarshish su wey zin mepeleǥuyi is Nengazen.