Jeremias 20:8 - Manobo Western Bukidnon OT

⁸ Su emun egkaǥi a ne ibpengulahì ku is kebpendaagdaag wey kezeetan. Ne iyan heini he menge lalag is ebpuun diyà te kenikew igkeengiti wey igkesudii kedì.

Jeremias 20:8 ပူးပေါင်းရင်းမြစ်များ

2 Hadì 2:23

Mid-awà si Elisha ziyà te Jerico ne midhendiyà te Betel. Ne zutun te kedhipanew zin diyà te zalan, duen menge vetan-en he menge maama he ebpuun diyà te sevaha he inged he ed-undaunda kandin. Ke sikandan te, “Awè ka kayi is bengulan! Awè ka kayi is bengulan!”

2 Cronica 36:16

Piru mid-undaunda zan dà is menge ebpeneuven te Megbevayà, mid-engitan dan, wey wazè dan beliya is menge lalag kayi te menge ebpeneuven. Umbe nepeukan sikandan te Nengazen, ne wazà ebpekeeǥen kandin.

Isaias 57:4

Ed-un-undahan niw is menge metazeng; ebingiǥan niw wey edyewyawan sikandan. Menge kevuwazan kew te menge mesinupaken wey menge teruen.

Jeremias 15:10

Utew a mekehizuhizu! Deyzey pa ke wazà ad ianak te iney ku! Layun a egkuntedaha te menge etew ziyà te tivuuk he Juda. Wazè ku man pezem neutangan etawa impeutang, piru edrewakan a te langun.

Jeremias 15:15

Migkaǥi si Jeremias te, “He Nengazen, netuenan nu is langun he nehitavù kediey. Tentenuzi a wey uǥupi a. Belesi nu is edtinguhà te kezeetan ku. Netuenan ku he kenè ka melemu egkepauk, umbe kenè nu kuwaa is untung ku. Tentenuzi nu is ked-entusa ku te keelezan tenged kenikew.

Jeremias 17:27

Iyan, emun kenè kew edsunud kediey su kenè niw ed-isipen he segradu he andew is Andew te Kedhimeley, kekenà, ed-uwit kew te menge velegyè niw ziyà te menge pultahan te Jerusalem dutun he andew, ebinsulan ku is menge pultahan te Jerusalem ragkes is melig-en he menge vahin kayi he inged, ne wazà ebpekeevuk kayi he hapuy.’ ”

Jeremias 20:7

He Nengazen, midlimbungan a kenikew wey mibpildi. Nehimu a he ed-eengitan te menge etew, ne kenè e zan ed-engkezan te edsudì.

Jeremias 28:8

Is menge ebpeneuven he nehuna kenita nenagnè dan dengan he zuen ebpekeuma he tebek, vitil, wey menge zaru diyà te mahabet he menge nasyun wey ziyà te mekeǥeǥehem he menge ginhedian.

Jeremias 5:1

Migkaǥi is Nengazen te, “Sikiyu is menge meǥinged diyà te Jerusalem, hendiyè kew te menge zalan! Ne ehàa niw is menge pelasa! Emun duen egketuredu niw he minsan sevaha zà he metazeng wey egkeseriǥan he etew, ebpeseyluwen ku is menge meǥinged te inged niw.

Jeremias 5:6

Umbe, edsurungen sikandan te menge kuntada zan he henduen be te erimaung he ebpuun diyà te ketelunan etawa zumezaas he asu he ebpuun diyà te disirtu, wey iring te liyupardu he ed-ayan diyà te uvey te inged su edawi te minsan hentei he egawas. Neulaula heini kandan su utew en subra is kebpekidsukulè dan te Megbevayà wey layun dan en ed-iniyuǥi sikandin.

Jeremias 6:10

Midtavak a te, “Piru hentei man is ebpetizeenan ku? Hentei man is ebpemineg kedì? Midampè dan is menge telinga zan para kenà sikandan mekezineg. Wazè dan kedtahud te lalag te Nengazen, ne kenè dan igkelipey is kebpemineg kayi.

Jeremias 7:9

Nenakew kew, nememunù, nengumpadi, nenangdù te tarù, midtutung te veyewà diyà te ki Baal, wey mid-azap kew te zuma he menge ed-ezapen he wazè niw ganì mekilala.

Habakuk 1:3

Maan is impeehè nu pa kediey heini is kezeetan wey kegubut? Minsan hendei ne egkeehè ku is inhimetayà, kebpepespesipelahà, kedtebek, wey kebikilan.