Jeremias 20:16 - Manobo Western Bukidnon OT

¹⁶ Deyzey ke heeyan he etew egkeiring te menge inged he midezeetan te Nengazen he wazè din mehizuwi is menge meǥinged duen. Berakat he mezineg din seled te tivuuk he andew is erang wey kulehian dutun te timpu te tebek.

Jeremias 20:16 ပူးပေါင်းရင်းမြစ်များ

Jeremias 18:22

Ipeerang nu sikandan tenged te utew kegkahandek emun ibpetik-ew nu ibpesurung diyà te menge valey zan is menge kuntada zan. Su mibangbang dan su para meulug a, wey midlitag sikandan su wey a melitag.

Jeremias 18:8

ne is menge meǥinged dutun te nasyun etawa ginhedian ed-engked te kelelalung, kenè ku edleusen is pelanu ku te kedezaat kandan.

Jeremias 23:14

Piru neehè ku he edlavew pa he lalung is menge ebpeneuven diyà te Jerusalem. Mid-azap dan te zuma he menge ed-ezapen ne midtarùtarù dan pa. Ed-iniyaten dan is menge lalung te kebpeiseg te kelelalung dan. Umbe wazè dan engkezi is kelelalung dan. Is menge etew ziyà te Jerusalem, iring kezaat te menge etew ziyà te Sodom wey Gomora.

Jeremias 26:13

Umbe, beǥuwa niw en is betasan niw wey menge vaal niw, ne sunuza niw is Nengazen he Megbevayè niw. Su emun ebeelan niw heini kenà edleusen te Nengazen is kezeetan he nekaǥi zin he ebpekesuǥat keniyu.

Jeremias 4:19

Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.

Penhulùhulù 4:6

Is insilut diyà te zuma ku he menge meǥinged, ne subra pa te insilut diyà te menge tig-Sodom he midtik-ew zèdeeti te Megbevayà he wazà neketevang kandan.

Ezekiel 21:22

Is egkehubus din he vesut te panà iyan is mibmerkahan te Jerusalem. Ne edhabet sikandin ebpemensag he edsurungen dan en is Jerusalem ne egeraan dan is meǥinged kayi. Ebpesevukan din is pultahan te Jerusalem te zezekelà he menge kayu he ibengkag. Ebaal sikandin te turi-turi wey edtambù te tanà diyà te kilid duen te verengbeng duen te inged su para mepemenehiki heini.

Hoseas 10:14

ne egkehitavù diyà te keniyu is tebek ne egkewaǥey is binerengbeng he menge inged niw. Ebeelan te menge kuntada niw is iring te mibeelan ni Shalman diyà te inged he Bet Arbel, iring te midruntek din is menge iney wey is menge anak dan.

Hoseas 11:8

“Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Hoseas 13:14

Edlibriyen ku ve sikiyu te kemetayen? Kenà! Egkeǥiyan ku pa ganì is kemetayen te, ‘He kemetayen, pekevisa ke en. Ne dezeeti nu en sikandan. Kenè ku sikiyu egkehizuwan.’

Amos 1:14

Umbe, ebinsulan ku is menge verengbeng diyà te Raba wey is melig-en he menge vahin kayi he inged; dutun ebpengulahì te kulehian te kebpekidtebek is menge kuntada zan he edsurung kandan, he edselenuhug heini iring te vagyu.

Amos 2:2

Umbe, ebinsulan ku is Moab ragkes is melig-en he menge vahin te Keriot. Ebpematey is menge tig-Moab dutun te ebpengulahì wey ebpezaǥing te vudyung is menge kuntada zan he edsurung kandan.

Amos 4:11

“Midezeetan ku is duma keniyu iring te mibeelan ku ziyà te Sodom wey Gomora. Ne is duma keniyu he nekelingkawas neiring te kayu he midsekelew puun te hapuy. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Jonas 3:4

Ne mibpuun medseled si Jonas dutun te inged, ne zutun te kebpuun din senga andew is kedhipanew zin. Midweliyan din is menge etew ziyà te Nineve he ke sikandin te, “40 dà he andew is keluǥayad ne edlimasen kew en te Megbevayà sumalà is migkaǥi zin kayi te kediey!”

Jonas 4:2

Ne mid-ampù sikandin diyà te Nengazen he ke sikandin te, “Nengazen, heini is kebpeseyluwa nu te menge tig-Nineve, ne zaan ku en he netueni zutun te aney he kedsuǥua nu kedì, umbe migaanggaan a mebpelaǥuy pehendiyà te Tarshish. Su netuenan ku he veliǥeǥawen ka wey hihizuwen he Megbevayà. Ne mepelevayen wey nepenù te hizu wey andam he kenà edlaus edsilut te menge etew he ed-iniyug te mezaat.

Zefanias 1:16

ne egkezineg is daǥing te menge vudyung wey kulehian te menge sundaru zutun te edsurung dan diyà te vinerengbeng he menge inged wey ziyà te metikang he menge turi kayi.

Deuteronomio 29:22

“Is huziyan he menge lapis te menge kevuwazan he menge kevuwazan niw wey menge lumelengyawà he ebpemuun diyà te meziyù he menge lugar, egkeehè dan is rimeǥas te vangkit wey menge zaru he ibpaaǥi te Nengazen diyà te tanè niw.

Deuteronomio 29:23

Is tivuuk he tanè niw egkeiring te disirtu he netembunan te esupri wey timus. Wazà ebpemula kayi he tanà su kenà edtuvuan te pinemula. Egkezeetan heini iring te kegkezeeti te Sodom wey Gomora, Adma wey Zeboyim he midezeetan te Nengazen tenged te utew zin kegkepauk.