Jeremias 2:8 - Manobo Western Bukidnon OT

⁸ Minsan is menge memumuhat ne wazè en mebpen-ahà kedì. Is ebpenurù te kesuǥuan wazà mekekilala kedì. Is menge pengulu ne nekidsukulà kedì. Ne is menge ebpeneuven, midheǥet dan is menge lalag dan pinaaǥi te ed-ezapen he egngezanan ki Baal, ne midsunud dan te zuma he menge ed-ezapen he wazà menge pulus.

Jeremias 2:8 ပူးပေါင်းရင်းမြစ်များ

1 Hadì 18:22

Mid-uman megkaǥi si Elias te, “Iyan e zà nesamà te menge ebpeneuven te Nengazen, piru si Baal 450 is kandin he ebpeneuven.

1 Hadì 18:29

Midlavey en is meudtu ne edsigudu ǥihapun sikandan ebpengulahì taman te neuma is uras te mahapun he kebpemuhat, piru wazà mibeǥey te hangyù dan.

1 Hadì 18:40

Ne segugunà midsuǥù ni Elias is menge etew te, “Dekepa niw is menge ebpeneuven ni Baal. Kinahanglan he wazà ebpekepelaǥuy kandan!” Umbe midakep dan ne mid-uwit sikandan ni Elias diyà te zal-ug he Kishon ne zutun din penhimetayi.

Job 35:10

Piru wazà sikandan mebpengumew-umew te Megbevayà he midlimbag kandan wey mibeǥey kandan te zesen dutun te timpu te kelised.

Isaias 28:7

Piru ǥuntaan ebpemekeziregdireg te kegkelangut is menge memumuhat wey menge ebpeneuven he kenè en hustu is isip dan. Kenà egkesavut te menge ebpeneuven is ibpelewasan kandan, ne egkengesayep is menge memumuhat emun edhukum dan.

Isaias 29:10

Su impelipezeng kew te Nengazen. Midtembunan din is menge ulu niw wey menge mata niw he iyan is menge ebpeneuven diyà te keniyu.

Isaias 30:5

egkepeel-elezan dà is menge tig-Juda su is menge etew ziyà te Ehipto wazè dan pulus. Wazà kayi igketavang kekenà, ebpekeveǥey zà sikandan te keelezan.”

Jeremias 10:21

Midtavak a te, “Wazà pereg te menge pengulu tew; wazà sikandan medangep diyà te Nengazen. Umbe wazà sikandan med-uswag, ne nekepeyapat is langun he menge sakup dan.

Jeremias 12:10

Midezeetan te mahabet he menge pengulu is Juda he mid-isip ku he pemuleey ku te paras. Midtekutakan dan heini is mekempet he tanè ku ne midhimu zan he sibsivayan.

Jeremias 16:19

Migkaǥi a te, “He Nengazen, iyan ka zesen ku wey eputà emun timpu te kelised. Ed-uvey ziyà te kenikew is menge etew ziyà te menge nasyun he ebpemuun diyà te nekedseselekawà he vahin kayi te kelibutan ne ke sikandan te, ‘Wazà pulus te menge ed-ezapen te menge kepuun dey. Wazà keupiyaanan he nehimu kayi ziyà te kandan.

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 2:11

Duen be nasyun he is menge meǥinged duen, mid-ilisan dan is midtuuwan dan he megbevayà, minsan ke kenà heini tutuu he megbevayà? Piru siak is dungganen he Megbevayà, mid-ilisan a te menge etew ku te menge ed-ezapen he wazà pulus.

Jeremias 2:6

Wazè e zan en pen-ahaa minsan pa te iyan a mid-uwit kandan diyà te gawas te Ehipto, ne migiyahan ku sikandan pehendiyà te sibsivayan he wazà duen menge pinemula. Haazà he tanà disirtu, duen menge vudsi, memaza, dilikadu, wey wazà duen ed-ubpà wey minsan edsaǥad.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 5:31

Is menge ebpeneuven tarù is tagnè dan. Is menge memumuhat kandan he keǥehem is egemiten dan te kedumala zan. Ne nekaangey kayi is menge etew ku. Piru hengkey vuwa is ebeelan dan emun egkeume en is ketepusan he timpu?”

Jeremias 7:8

“ ‘Piru hengkey is mibeelan niw! Midsarig kew te tarù he menge lalag he kenà ebpeketavang keniyu.

Jeremias 9:14

Iyan dan nasì midsunud is kemesinupaken te ǥehinawa zan. Mid-azap dan is duma he menge ed-ezapen sumalà te impenurù kandan te menge kepuun dan.

Ezekiel 22:26

Is menge memumuhat dan wazà medtuman te kesuǥuan ku, ne midremerikan dan is segradu he menge azen ku. Imped-iring dan dà is segradu wey kenè segradu, is lumpiyu wey meremerik, ne wazè dan tumana is menge ibpetuman ku emun Andew te Kedhimeley. Umbe nekekaǥi a te pinaaǥi keniyan wazè e zan tehuza.

Ezekiel 34:2

“Sikew is etew, kaǥi ka te ebpekesuǥat te menge perevantey te Israel. Keǥiyi nu sikandan he iyan a, is Nengazen he MEGBEVAYÀ migkaǥi te: Mekehizuhizu kew is menge perevantey te Israel. Keugelingen niw zà is ed-eturen niw! Kenè be is menge perevantey kinahanglan he ed-eturen din is menge kerehidu?

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Habakuk 2:18

“ ‘Hengkey is pulus te zuma he menge ed-ezapen? Kayu zè man heeyan etawa mital he mibeelan te etew, ne kenè man heeyan ebpekekaǥi mehitenged te tutuu. Ne maan is midtuuwan heeyan te menge etew he mibaal zuen? Kenà ganì heeyan ebpekekaǥi.

Deuteronomio 33:10

Ebpenuruen dan is menge Israilihanen te mehitenged te imbeǥey nu he menge sulunuzen wey menge suǥù nu, ne ebpemuhat sikandan te menge veyewà wey menge pemuhat he edtutungen diyà te pemuhatà he para kenikew.

1 Samuel 12:21

Kenè kew penilbi te menge ed-ezapen he wazè dan pulus. Su kenà heini ebpekeluwas wey ebpeketavang keniyu.

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.