Jeremias 2:27 - Manobo Western Bukidnon OT

²⁷ Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Jeremias 2:27 ပူးပေါင်းရင်းမြစ်များ

2 Cronica 29:6

Kenà metinumanen is menge kepuun tew. Kenà meupiya is ked-ahaa te Nengazen he Megbevayè tew te mibeelan dan. Ne mid-iniyuǥan dan sikandin. Mid-iniyuǥan dan is baley he ed-ubpaan te Nengazen ne mid-ewaan dan sikandin.

Isaias 26:16

Nengazen, mibmansu nu is menge etew nu, ne tenged te kedlised dan midangep dan wey mibpengumew-umew kenikew.

Jeremias 10:8

Menge wazà dan pereg wey menge tulebung. Is penurù mehitenged te ed-ezapen dan he menge kayu, ne wazè din pulus.

Jeremias 18:17

Egkeiring a te keramag he ebpuun diyà te edsilaan he ebpeyapat kandan dutun te etuvangan te menge kuntada zan. Ed-iniyuǥan ku sikandan ne kenè ku edtevangan dutun te timpu te kegkezeeti zan.”

Jeremias 2:24

Iring kew te behiyan he asnu he ebpekemurmuriwad te kebpelelevag din. Emun egkesuat he ebpeniwelayan ne wazè en ebpekeeǥen kandin. Melemu he ebpen-ahaan te meemahan emun timpu te kebpepeniwaley.

Jeremias 22:23

Sikiyu is ebpemen-ubpà diyà te turuǥan he mibeelan pinaaǥi te menge kayu he sidru he ebpuun diyà te Lebanon, ebpekezag-es kew emun egkeumahan kew en te kemeresayan, iring te kedag-es te vahi he ebeliliten.

Jeremias 3:9

Ne tenged te wazè din beliya is kebpekimaama he iyan is ked-azap te zuma neremerikan din is tanà pinaaǥi te ked-azap din te menge ed-ezapen he vatu wey kayu.

Jeremias 30:7

Utew subra is mekahandekhandek emun egkeume en heeyan he timpu! Wazè en ebpekeiring keniyan he timpu. Timpu heeyan te kelised te menge kevuwazan ni Jacob, piru ziyà te huziyan he timpu egkelibri sikandan keniyan he kebpekesavuk.

Jeremias 32:33

Mid-iniyuǥan e zan minsan layun ku sikandan ebpenurùa. Kenè dan ebpemineg wey kenè dan egkesuat he ebpenuruen.

Jeremias 37:3

Ne midsuǥù ni Hadì Zedekia si Jehucal he anak ni Shelemia wey is memumuhat he si Zefanias he anak ni Maasea he medhendiyà te ki Jeremias he ebpeneuven, ne hengyui zan sikandin he mebpengemuyù diyà te Nengazen he Megbevayè dan para kandan.

Jeremias 42:2

Migkaǥi zan diyà te ki Jeremias te, “Edhangyù key ziyà te kenikew he pengemuyù ka ziyà te Nengazen he Megbevayè nu para kenami te nesamà. Neehè nu he mezakel key zengan, iyan, guntaan deisey key zà.

Ezekiel 23:35

Ne ǥeina te midlipatan a kenikew wey mid-iniyuǥan, ne siak is Nengazen he MEGBEVAYÀ, egkaǥi a he egkerasey ka tenged te mahawag he vaal he iyan is kebelegyè nu te zengeg nu.’ ”

Ezekiel 8:16

Ne mid-uwit e zin diyà te seled he lama duen te valey te Nengazen. Ne ziyà te ǥemawan te valey te Nengazen he ziyà te pid-elangan te varkun wey pemuhatà, duen 25 he menge etew. Ed-iniyug sikandan duen te valey te Nengazen he edsinaru ziyà te edsilaan su ed-ezapen dan is edsilà he andew.

Daniel 9:7

“Metazeng ka, Nengazen, iyan, sikami mulà mekeeled-eled is menge vaal zey minsan guntaan. Tutuu heini ziyà te langun he menge meǥinged diyà te Juda wey Jerusalem, wey ziyà te langun he menge Israilihanen he impedsusuwey nu ziyà te uvey wey meziyù he menge lugar tenged te kedsupak dan kenikew.

Hoseas 4:12

Ebpesambag kew te menge ed-ezapen niw he kayu. Ne kunaan niw ke edtavak heini. Midtazin kew te mulin-ulin he iyan midtukù keniyu wey niw maazap is duma he menge ed-ezapen, umbe mid-iniyuǥan a keniyu, iring kew te vahi he nengumpadi.

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Hoseas 7:14

Kenà tinutuuwà is ked-umawa zan kediey. Dutun te edsineǥew zan diyà te menge hizeǥaan dan is ebuyù diyà te zuma he menge ed-ezapen dan te trigu wey vinu, ebpelian dan is lawa zan. Mibpekeziyù sikandan kayi te kediey.