Jeremias 2:21 - Manobo Western Bukidnon OT

²¹ Iring kew man pezem te meupiya he klasi te paras he impemula ku. Piru neiring kew te leew he paras he wazè din pulus.

Jeremias 2:21 ပူးပေါင်းရင်းမြစ်များ

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Salmo 44:2

he mibpenegseg nu is menge etew he wazà medtuu kenikew ne iyan nu impeubpà diyà te ed-ubpaan dan is menge kepuun dey. Impaantus nu haazà he menge etew ne impeuswag nu mulà is menge kepuun dey.

Salmo 80:8

Sikami is menge etew nu, neiring key te pinemula he paras he migkuwa nu ziyà te Ehipto ne impemula nu ziyà te tanà te menge etew he midsegseg nu.

Salmo 80:9

Mibpurungan nu hiǥewani haazà is tanà, ne nendalid haazà is paras ne neeneb te langkat din heini is tanà.

Exodus 15:17

Ed-uwiten nu is menge etew nu ziyà te tanè nu, wey ibpeubpè nu sikandan diyà te vuntud he migaked nu– kes lugar he mibeelan nu he ed-ubpaan nu, Nengazen, kes baley nu he iyan ka mismu mibaal.

Isaias 1:21

Ahàa niw man is inged he Jerusalem. Hein aney metinumanen is menge meǥinged kayi, piru ǥuntaan neiring en sikandan te vahi he ebelegyà te zengeg din. Hein aney metazeng he menge etew is ebpemen-ubpà diyà te Jerusalem, piru ǥuntaan menge teremunù.

Isaias 27:2

Dutun daan he timpu, egkanta kew mehitenged te zekelà he sebpet he egkekuwa niw ziyà te pemuleey niw te paras.

Isaias 41:8

“Piru sikew Israel, is suluǥuen ku wey pinilì, he iyan menge etew nu is menge kevuwazan ni Abraham te emiǥu ku,

Isaias 5:4

Hengkey pa vuwa is nelipatan ku te ebaal zutun te pemuleey ku? Midtaǥad a he mebeǥas heini te meemis, piru mibeǥas heini te mepezes.

Isaias 60:21

Is langun he menge etew nu egkehimu he metazeng, ne egkaangken dan is tanà he Israel taman te taman. Midlimbag ku sikandan; iring sikandan te pinemula he impemula ku su wey a meveǥayi te zengeg.

Jeremias 11:16

Dengan impetug-iring sikandan te Nengazen te merapung he kayu he ulibu he zuen din mahabet he meupiya he menge veǥas. Piru ǥuntaan kesevaha zà sikandan egkeremaǥa te vagyu ne egkengezeetan dan en, he iring te nengetamped he menge subpang he inrapug.

Jeremias 11:17

Is Nengazen he Mekeǥeǥehem iyan midtukud te Juda wey Israel, iyan, guntaan midsuǥù sikandin he zezeeti heini tenged te mezaat he menge vaal te menge etew kayi. Midhimu zan he mepauk sikandin tenged te kebpemuhata zan ki Baal pinaaǥi te kedtutung te veyewà.

Jeremias 5:10

“Sikiyu is menge kuntada te menge Israilihanen, dèdeeti niw is menge pemuleey te paras dan, piru kenè niw emina. Penempeza niw is menge subpang kayi, su kenè ku en gaked heini he menge etew.

Penhulùhulù 4:1

Is menge meǥinged diyà te Zion neiring te lunsey he vulawan he midheva etawa mahalen he menge vatu he nekepeyapat diyà te menge zalan. Iring sikandan dengan te utew mahal he vulawan, piru ǥuntaan neiring dà sikandan te menge diniyun he mibeelan dà te mendiziyun.

Ezekiel 15:2

“Sikew is etew, hengkey he paaǥi is igkehimu te subpang te paras he lavew te minsan hengkey he subpang te kayu?

Deuteronomio 32:32

Ne is menge kuntada tew, he iring kezaat te menge meǥinged dengan diyà te Sodom wey Gomora, iring sikandan te mepait he paras wey ebpekehilu zaan is beǥas din.

Deuteronomio 4:37

Ne tenged te kebmahala zin te menge kepuun niw, mibpilì kew zin ne impeǥawas kew zin diyà te Ehipto pinaaǥi te kebpekiduma zin keniyu wey te zekelà he ǥehem din.

Josue 24:31

Nenilbi te Nengazen is menge Israilihanen dutun te kaazen pa ni Josue. Ne minsan te minatey en si Josue mibpedayun dan gihapun he ebpenilbi te Nengazen dutun te uuyag pa is ebpemendumala te menge Israilihanen he nengetau te langun he mibeelan te Nengazen para te Israel.