Jeremias 2:15 - Manobo Western Bukidnon OT

¹⁵ Is menge kuntada zin henduen be te erimaung he edhiniǥer ziyà te kandin. Mibpendezeetan dan is menge tanà kayi, wey mibpemengkag dan is menge inged duen, ne wazè en ed-ubpà duen.

Jeremias 2:15 ပူးပေါင်းရင်းမြစ်များ

Job 4:10

Minsan iring dan pa te mezesen wey zumezaas he erimaung, edsepuen gihapun te Megbevayà is menge ngipen dan.

Salmo 57:4

Edliǥuyan a te menge kuntada ku he iring te menge erimaung he andam he edawi te etew. Is menge ngipen dan iyan is menge vangkew wey menge vesut te panà. Is menge zilè dan iyan is meǥarang he menge ispada.

Isaias 1:7

Nehimu he mekevulungbulung is nasyun niw; ne nengevinsulan is menge inged niw. Ne nevembentayan niw is kebpenguwaa te menge veǥas te pinemula niw ziyà te vevesukè niw te menge etew ziyà te zuma he lugar. Edezeetan dan is tanè niw taman te kenè en heini egkepulusan.

Isaias 24:1

Pemineg kew! Edezeetan te Nengazen is kelibutan taman te kenè en heini egkepulusan, ibpeyapat din is menge meǥinged kayi.

Isaias 5:29

Dutun te ked-surung dan ebpengulahì dan he iring te edhiniǥer he erimaung. Ne is egkebiktima zan, ed-uwiten dan diyà te meziyù ne wazà egkelibri kandan.

Isaias 5:9

Nezineg ku he migkaǥi is Nengazen he Mekeǥeǥehem te, “Heeyan is dezekelà wey mekempet he menge valey, kenè en egkeubpaan.

Isaias 6:11

Ne mid-insà a te, “Sengemenu is kegkeuǥet kayi, Nengazen?” Midtavak sikandin te, “Taman te egkengewaǥey is menge inged diyà te Israel ne wazè en duen menge etew. Taman te wazè en ebpen-ubpà diyà te menge valey, ne is tanà egkepurung en egkezeeti.

Jeremias 10:22

Pemineǥa niw is utew subra he keǥurub te menge sundaru he ebpuun diyà te zizaya. Edezeetan dan is menge inged kayi te Juda, ne egkehimu zà heini he ubpeey te leew he menge asu.”

Jeremias 25:30

“Jeremias, keǥiya nu ziyà te kandan is langun he migkaǥi ku, ke sikew te: ‘Puun te langit iring te erimaung he edhiniǥer is Nengazen; edraǥeb is laǥeng din he ebpuun diyà te segradu he ubpeey zin. Ebpekezeǥingen din is kedhinigera zin te menge etew zin. Egkulehian din is langun he ed-ubpà kayi te kelibutan iring te etew he ebpengulahì emun egkeres sikandin te paras.

Jeremias 25:9

ibpesurung ku sikiyu te menge etew ziyà te zizaya he ebpenguluwan te suluǥuen ku he si Hadì Nebucadnezar he hadì te Babilonia. Edsurungen dan heini he tanà wey is langun he meǥinged kayi, ragkes en is langun he menge nasyun diyà te nekeelingkus kayi. Ebpurungan ku sikiyu edezeeti, ne egkeheratan is menge etew he ebpekaahà te egkehitavù keniyu ne egkehimu kew he telemayen. Uya, egkezeetan kew taman te taman.

Jeremias 26:9

Maan is migkaǥi ka pinaaǥi te ngazan te Nengazen he heini is baley te Nengazen edezeetan iring te kedezeeti te Shilo, ne heini is inged egkehimu he mekevulungbulung ne kenè en egkeubpaan?” Ne midakep dan si Jeremias dutun te valey te Nengazen.

Jeremias 33:10

Mibpedayun megkaǥi is Nengazen te, “Migkaǥi kew te mekevulungbulung wey wazà menge etew wey menge langgam diyà te Juda wey Jerusalem. Piru ziyà te huziyan he timpu egkezineg en maan kayi he lugar

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Jeremias 4:7

Edsurung en is ebpendezaat te menge nasyun he henduen be te erimaung he migawas puun te elesè din. Migenat en sikandin puun te inged din su edezeetan din is tanè niw. Ebengkaǥen din is menge inged niw taman te kenè en egkehimu he ed-ubpaan.

Jeremias 44:22

Hein kenè en egkaantus te Nengazen is kelelalung wey utew mezaat he menge vaal niw, midhimu zin is tanè niw he telemayen wey mekevulungbulung, he wazè en duen ed-ubpà, he iyan is nehitavù en guntaan.

Jeremias 5:6

Umbe, edsurungen sikandan te menge kuntada zan he henduen be te erimaung he ebpuun diyà te ketelunan etawa zumezaas he asu he ebpuun diyà te disirtu, wey iring te liyupardu he ed-ayan diyà te uvey te inged su edawi te minsan hentei he egawas. Neulaula heini kandan su utew en subra is kebpekidsukulè dan te Megbevayà wey layun dan en ed-iniyuǥi sikandin.

Jeremias 50:17

“Is menge Israilihanen neiring te netazin he menge kerehidu he midal-as te menge erimaung. Hein aney, migkaan sikandan te hadì te Asiria, ne mid-ul-ulan is menge tulan dan te Babilonia.

Jeremias 51:38

Is menge tig-Babilonia edhiniǥer he iring te menge erimaung.

Jeremias 6:8

Ebpetizeenan ku sikew is Jerusalem: emun kenè ka ebpemineg, ed-iniyuǥan ku sikew; ne edhimuwen ku he mekevulungbulung is tanè nu su para wazè en ed-ubpè kayi.”

Jeremias 9:10

Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Jeremias 9:11

Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Ezekiel 36:3

“Umbe, sikew is etew, keǥiyi nu is menge vuntud te Israel he siak, is Nengazen he MEGBEVAYÀ, migkaǥi a te, ‘Midsurung kew te menge nasyun he diyà te minsan hendei renged, ne ǥuntaan gaked kew zan en. Midsudì kew zan wey mibpeel-elezan.

Ezekiel 5:14

Ebengkaǥen ku is inged niw ne ebpeel-elezan ku sikiyu ziyà te menge nasyun he nekeelingkus keniyu wey te menge sumeseǥàzà kayi te inged niw.

Hoseas 11:10

“Edsunud kew kediey zutun te edhiniǥer a iring te erimaung. Siguradu he edhiniǥer a, ne ed-agpas kew ed-ulì puun te edsenlepan.

Hoseas 5:14

Su edsurungen ku is Israel wey Juda he iring a te erimaung he ebpitaspitas te egkezawi zin. Iyan a mismu edezaat kandan. Ed-uwiten ku sikandan diyà te zuma he menge nasyun, ne wazà ebpekelibri kandan.

Amos 3:12

Heini pa is migkaǥi te Nengazen: “Is egkekuwa te vantey te kerehidu zuen te uyaǥen he edeesan te erimaung egkehimu he iyan dà is dezuwa he vuvun etawa sevaha te telinga. Ne iring keniyan is egkehitavù keniyu te menge Israilihanen he menge meǥinged diyà te Samaria; is egkesamà keniyu, iyan dà is menge vahin te mekempet he menge hizeǥaan niw.”

Amos 3:4

Edhiniǥer ve is erimaung diyà te ketelunan emun wazè din edewiyen? Edhiniǥer ve sikandin diyà te elesè din emun wazè din nezawi?

Amos 3:8

Hentei man is kenà egkahandek emun edhiniǥer is erimaung? Hentei man is kenà ebpekekaǥi te menge lalag te Nengazen he MEGBEVAYÀ emun iyan en is Nengazen he MEGBEVAYÀ ebpekaǥi kandin?

Nahum 2:11

Is Nineve iring te surung he mid-ubpaan te senge paris he erimaung, wey menge anak dan. Kunaan dan ke wazà ebpekekaid kandan dutun te surung. Edhimetayan wey ebpitpitasen duen te meemahan he erimaung is egkezawi zin ne ibpemeǥey zin diyà te esawa zin wey menge anak dan. Ebpenuen din is surung din te sapù te egkezawi zin. Piru ǥuntaan, edezeetan en is Nineve.

Zefanias 1:18

Kenà ebpekelibri kandan is menge pelata zan wey menge vulawan dutun te andew te kebpeǥezama ku te pauk ku he iring te hapuy he ebpekeepur te tivuuk he tanà. Edtik-awan ku edezeeti is langun he ed-ubpà kayi he tanà.”

Zefanias 2:5

Mekehizuhizu kew is menge Filistihanen he ebpemen-ubpà diyà te veyvey te zaǥat. Iyan heini migkaǥi te Nengazen he ebpekesuǥat keniyu: ‘Sikiyu is menge Filistihanen diyà te Canaan, edezeetan ku sikiyu ne wazà egkesamà keniyu.’

Zefanias 3:6

“Guntaan migkaǥi is Nengazen te, ‘Midezeetan ku is menge nasyun; midwaǥey ku is menge inged dan ragkes is menge verengbeng wey menge turi kayi. Wazà nesamà he menge meǥinged dutun, umbe wazè en etew he egkaahà he edhiphipanew ziyà te menge zalan dan.

Zacarias 11:3

Ebpemenineǥew is menge perevantey te menge kerehidu su egkengezeetan is melambeg he menge penebtavà dan. Edhiniǥer is menge erimaung su egkengezeetan is menge ketelunan diyà te Jordan he ubpeey zan.

Zatù 14:5

Ne midhendiyà si Samson te Timnah duma te menge ginikanan din. Ne hein midhendiyà si Samson te menge pemuleey te paras diyà te Timnah, midtik-awan sikandin sinuǥunga te edhiniǥer he erimaung he kenè pa meǥurang.