Jeremias 19:8 - Manobo Western Bukidnon OT

⁸ Ibpezezeetan ku heini he inged ne egkehimu heini he edsudien. Egkeinuinu is langun he edsaǥad ne ebpekepenerektek sikandan tenged te kegkezeeti kayi.

Jeremias 19:8 ပူးပေါင်းရင်းမြစ်များ

1 Hadì 9:8

Ne minsan pa te mekempet wey nevantug heini is baley ku, ne edrundusen ku heini. Egketingkemed wey egkengeinuinu is langun he edsaǥad kayi, ne egkaǥi zan is ed-undaunda te, ‘Maan is mibeelan heini te Nengazen kayi he tanà wey kayi te valey zin?’

Jeremias 18:16

Egkehimu he mekevulungbulung is tanè dan ne edsudien heini taman te taman. Is langun he edsaǥad kayi ebpekepengelengkeleng tenged te kegkeinuinu wey kegkehandek dan.

Jeremias 25:18

Impeinum ku is menge etew ziyà te Jerusalem, wey is menge etew ziyà te menge inged diyà te Juda, ragkes is menge hadì dan wey menge upisyal su para mezeeti sikandan. Igkeherati is egkeula-ula kandan; edsudien wey ebpenrewakan sikandan iring te nehitavù guntaan.

Jeremias 49:13

Nenangdù a ziyà te ǥehinawa ku he edezeetan ku is inged he Bozra. Egkehimu heini he mekeharatharat he ed-ahaan, edsudien heini, ne egemiten is ngazan din te kebpenrawak. Is langun he menge inged kayi kenè en egkepurungan te taman te taman.”

Jeremias 50:13

Tenged te pauk ku wazè en ebpekeubpà diyà te Babilonia ne egkehimu heini he mekevulungbulung he lugar. Is langun he edsaǥad kayi ne ebpekepenerektek dan tenged te langun he egkehitavù kayi he nasyun.

Ezekiel 27:36

Henduen be te kenà ebpeketuu is menge nigusyanti ziyà te menge nasyun te nehitavù kenikew. Mekahandekhandek is ketepusan nu, ne egkahanew ka taman te taman.” ’ ”

Leviticus 26:32

Ebengkaǥen ku is lugar niw ne egkeinuinu zà is menge kuntada niw he edsakup kayi.

Micas 6:16

Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”

Zefanias 2:15

Iyan heeyan egkehitavù diyà te inged he Nineve he mibpahambug is menge meǥinged duen he wazà ebpekekaid kandan, ne ke sikandan diyà te gehinawa zan te, ‘Wazè en duma he ebpekerepeng te kegkemekeǥeǥehem tew!’ Piru egkepurung heini egkezeeti he inged ne egkehimu zà heini he ubpeey te leew he menge langgam. Ne edsudien heini he inged te langun he sumeseǥazà kayi.”

Deuteronomio 28:37

Igkelimezangi kew, edhimuwen kew he peǥuseyanà, wey edsusudien kew te menge meǥinged diyà te menge nasyun he ebihag keniyu.

Deuteronomio 29:22

“Is huziyan he menge lapis te menge kevuwazan he menge kevuwazan niw wey menge lumelengyawà he ebpemuun diyà te meziyù he menge lugar, egkeehè dan is rimeǥas te vangkit wey menge zaru he ibpaaǥi te Nengazen diyà te tanè niw.