Jeremias 19:11 - Manobo Western Bukidnon OT

¹¹ Ne keǥiyi nu sikandan te, iyan a, is Nengazen he Mekeǥeǥehem migkaǥi te, ‘Ebpurungan ku edezeeti is Juda wey is Jerusalem iring te kegkerupet kayi te umuy he kenè en egkehimu he ebpurungan. Ibpenleveng is utew mahabet he ebpematey ziyà te Tofet taman te wazè en lugar he egkelevengan.

Jeremias 19:11 ပူးပေါင်းရင်းမြစ်များ

Salmo 2:9

Dumelaha nu sikandan, he wazè ebpekesukul te kedumala nu. Iring sikandan te ziniyun he ǥelemiten he edrupeten nu.’ ”

Erubasa 6:15

Umbe, egketik-ew egkehitavù diyà te kandan is kezeetan; segugunè dan ebpekehendiyà te kezeetan ne wazè en paaǥi wey zan melibri.

Isaias 30:14

Egkerupet kew iring te ziniyun he egkepurung egkerupet ne wazè en keving kayi he egkehimu he idsekilut te vaǥa ziyà te avu etawa idsekilut te wahig diyà te teleǥuey zuen.”

Jeremias 13:14

Ibpebevantig ku sikandan, is menge ginikanan wey menge anak. Kenè ku ibpeehè kandan is hizu ku zutun te kedezeeti ku kandan. Iyan a, is Nengazen, is migkaǥi kayi.”

Jeremias 19:12

Iyan heini ebeelan ku ziyà te Jerusalem wey te menge meǥinged kayi. Ed-isipen heini he meremerik iring te Tofet.

Jeremias 19:6

Umbe, pengandam kew, su iyan a, is Nengazen migkaǥi te egkeuma is timpu he heini he lugar kenè en maan egngezanan te menge etew te Tofet etawa Suǥud-suǥud he Ben Hinom, kekenà, egngezanan dan te Suǥud-suǥud he Lepeey.

Jeremias 25:34

Sikiyu is menge pengulu, purung kew sineǥew he edtelulid diyà te eliyavuk tuus te utew niw kegkeseeng. Su neume en is timpu he edhimetayan kew he iring te edlepaan he kerehidu. Egkeruntek kew iring te mahalen he ziniyun he nerupet.

Jeremias 48:38

Nemen-erang is menge etew ziyà te atep te menge valey zan wey ziyà te menge pelasa, su midezeetan ku is Moab ne neiring heini te umuy he nerupet he wazè en seǥipaa.

Jeremias 51:63

Ne emun egkepasad nu en te ebasa heini, ihiket nu ziyà te vatu ne itimbag nu ziyà te Wahig he Eufrates.