Jeremias 18:9 - Manobo Western Bukidnon OT

⁹ Ne emun egkaǥi a he ebpekeenew wey ed-umanan ebenguna is sevaha he nasyun etawa ginhedian,

Jeremias 18:9 ပူးပေါင်းရင်းမြစ်များ

Megwewali 3:2

Duen timpu te kegkeetew wey timpu zaan te kebpatey, duen timpu te kebpemula wey timpu zaan te kedraǥun,

Jeremias 1:10

Guntaan he andew mibpilì ku sikew he perekaǥi ziyà te menge nasyun wey menge ginhedian. Keǥiyi nu is menge etew ziyà te menge nasyun wey menge ginhedian he is duma kandan egkengepiley wey egkengezeetan. Ne is duma kandan, ed-enew ne ed-uman edhitindeg.”

Jeremias 11:17

Is Nengazen he Mekeǥeǥehem iyan midtukud te Juda wey Israel, iyan, guntaan midsuǥù sikandin he zezeeti heini tenged te mezaat he menge vaal te menge etew kayi. Midhimu zan he mepauk sikandin tenged te kebpemuhata zan ki Baal pinaaǥi te kedtutung te veyewà.

Jeremias 30:18

Migkaǥi pa is Nengazen te, “Idlikù ku is menge ketiǥeyunan diyà te menge inged te menge kevuwazan ni Jacob, ne egkehizuwan ku sikandan. Ed-umanan dan ebenguna is inged wey is turuǥan diyè mismu te lugar he zutun dan heini tukuza hein aney.

Jeremias 31:28

Dengan midezeetan ku, mibengkag ku, wey midaag ku sikandan. Piru ziyà te huziyan he timpu edtukuzen ku wey ibpeuman ku ibpehitindeg sikandan.

Jeremias 31:38

Mibpedayun megkaǥi is Nengazen te, “Egkeuma is timpu he ed-umanan ebenguna is Jerusalem puun te Turi ni Hananel pehendiyà te Pultahan diyà te Suyuk.

Jeremias 31:4

Ibpeuman ku sikiyu ibpehitindeg is menge tig-Israel he iring te vahi he wazè pa mehileveti. Ne ebpekesayew kew tenged te kegkelipey te ebpezumahan te tukar te menge tamburin niw.

Jeremias 32:41

Igkelipey ku is kebaal te meupiya ziyà te kandan, ne ebpuun diyà te tivuuk he ǥehinawa ku is kebpeubpaa ku kandan kayi he tanà.”