Jeremias 18:20 - Manobo Western Bukidnon OT

²⁰ Meupiya is mibeelan ku ziyà te kandan ne ebelesan e zan te mezaat. Mibangbang sikandan su para meulug a zutun. Tentenuzi nu he midangep a ziyà te kenikew te kedhangyù he kenè nu en sikandan kepeuki.

Jeremias 18:20 ပူးပေါင်းရင်းမြစ်များ

Job 6:27

Maan, metazeng kew ve? Te egkehimu niw ganì he ibpeuripen is sevaha he ilu etawa kebelegyà te emiǥu niw?

Salmo 106:23

Edezeetan en pezem te Megbevayà is menge etew zin ke wazà mebpeteliwazà si Moises is suluǥuen din he midhangyù he eǥena zin is pauk din ne kenè din leusa te edezaat sikandan.

Salmo 119:95

Is menge lalung ed-ayan te kedhimatey kedì, piru egngunngunuen ku is menge penurù nu.

Salmo 35:12

Mezaat is ibales dan te meupiya he ebeelan ku ziyà te kandan, umbe neselekawan a utew.

Salmo 35:7

Su minsan wazà hustu he hinungdan, mibaal zan te litag he idlitag dan kedì, wey mibangbang dan su para meulug a zutun.

Salmo 38:20

Mezaat is ibales dan te menge meupiya he vaal ku kandan. Ne egkuntedahan a zan su ebpeninguhà a he ebaal te meupiya.

Salmo 57:6

Neseeng a su edlitaǥen a te menge kuntada ku. Ne mibangbang daan sikandan te para egkeuluǥan ku, piru iyan sikandan neulug duen.

Salmo 7:15

Edlikù diyà te kandan is kebaal zan te samuk wey kebpesipala. Iring sikandan te mibudsi para egkeuluǥan te zuma zan, piru iyan mulà sikandan egkeulug dutun.

Erubasa 17:13

Emun mezaat is ibales ta te meupiya ne is mezaat kenà egkaawà diyà te valey ta.

Erubasa 26:27

Is ebangbang para meulug is duma, iyan sikandin egkeulug dutun. Is edlilid te vatu su wey melilizi is duma, iyan sikandin egkelikuan egkelilizi zutun.

Megwewali 10:8

Emun ebangbang ka, kela ke meulug ka zuen. Emun edlesag ka ziyà te verengbeng te inged, kela ke keǥata ka te uled.

Jeremias 11:14

“Umbe sikew Jeremias, kenè ka pengemuyù para kayi he menge etew. Kenè ka pehizuhizu kedì para kandan, su kenè ku sikandan ebpemineǥen emun ed-umawen e zan dutun te timpu te kedlised dan.

Jeremias 14:20

He Nengazen, mid-angken dey is kelelalung dey wey is menge salà te menge kepuun dey. Nekesalè key ziyà te kenikew.

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Jeremias 17:18

Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Jeremias 18:19

Umbe, mid-ampù a, ke siak te, “He Nengazen, tevangi a! Pemineǥa nu is ebpengeǥiyen te menge kuntada ku he idezaat dan kedì.

Jeremias 18:22

Ipeerang nu sikandan tenged te utew kegkahandek emun ibpetik-ew nu ibpesurung diyà te menge valey zan is menge kuntada zan. Su mibangbang dan su para meulug a, wey midlitag sikandan su wey a melitag.

Jeremias 27:18

Emun tutuu sikandan he menge ebpeneuven ne is ebpengeǥiyen dan ne ziyà ebpuun te Nengazen, ne ipahangyù sikandan diyà te Nengazen he Mekeǥeǥehem, he sikan is nesamà he menge gelemiten diyà te valey te Nengazen, diyà te turuǥan te hadì te Juda, wey turuǥan te hadì te Jerusalem, ne kenè en meuwit diyà te Babilonia.

Jeremias 5:26

“Duen lalung he menge etew keniyan te menge etew ku he edtaǥad te egkebiktima zan, iring sikandan te etew he ebpenlitag te tagbis. Midlitag dan para melitag is duma he etew.

Jeremias 7:16

“Umbe sikew, Jeremias, kenè ka ampù para kayi he menge etew. Kenè ka pehizuhizu wey hangyù kayi te kedì para kandan, su kenè ku sikew ebpemineǥen.

Penhulùhulù 3:59

Neehè nu Nengazen, is mezaat he mibeelan te menge kuntada ku kayi te kediey, umbe beǥayi a te hustu he kukuman.

1 Samuel 19:4

Ne miduma ni Jonatan si Saul ziyà te vevesukà, ne midalig ni Jonatan si David etuvangan te amey zin. Ke sikandin te, “Amà, kenè nu himetayi si David he suluǥuen nu. Wazè din neveelan he salà kenikew. Utew ganì dekelà is neveelan din he keupiyaanan kenikew.