Jeremias 18:18 - Manobo Western Bukidnon OT

¹⁸ Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 18:18 ပူးပေါင်းရင်းမြစ်များ

2 Samuel 15:31

Duen mibpenudtul ki David he si Ahitofel ne sevaha te nekidsevaha ki Absalom. Ne zutun mid-ampù si David, “Nengazen, himuwa nu he wazà pulus te sambag ni Ahitofel.”

2 Samuel 17:14

Migkaǥi si Absalom wey is langun he menge sineriǥan te Israel te, “Meupiya pa is sambag ni Hushai he Arkanhen kenà is ki Ahitofel.” Meupiya is sambag ni Ahitofel, piru ketau te Nengazen he kenà ebpemineǥen heini ni Absalom, su wey mezaat is egkepengkusan din.

1 Hadì 22:24

Ne mid-uvey si Zedekia ziyà te ki Micaya ne midtabpì din. Ne migkaǥi si Zedekia te, “Maan is ibpesavut nu he mid-awà kayi te kediey is Mulin-ulin te Nengazen ne nekidlalag kenikew?”

2 Cronica 24:21

Mibpen-ahaan te menge upisyal te paaǥi he mepatey zan si Zacarias. Ne tenged te suǥù mismu te hadì, mibpenuleng dan te vatu si Zacarias dutun te lama te valey te Nengazen, ne minatey sikandin.

Job 5:13

Iyan dà idhingutel zin te memetau is kegkelimbungan dan, wey id-awè din is ebpekezezaat he pelanu te limbungan.

Salmo 21:11

Mezaat is pelanu zan kenikew, piru kenè dan edlampus.

Salmo 52:2

Ebpelenuwan niw is igkezeeti te zuma he etew. Is menge zilè niw ne iring te meǥarang he kutsilyu su ebpekepalì te ǥehinawa te zuma. Kedlimbung is layun niw ed-ul-ulaha.

Salmo 57:4

Edliǥuyan a te menge kuntada ku he iring te menge erimaung he andam he edawi te etew. Is menge ngipen dan iyan is menge vangkew wey menge vesut te panà. Is menge zilè dan iyan is meǥarang he menge ispada.

Salmo 64:3

Mesakit is kebpengaǥikaǥi zan, iring te ispada wey vala te panà.

Erubasa 18:21

Is kedlalag, dezuwa is rimeǥas din, kedlalag he ebpekelibri wey kedlalag he ebpekekaid. Umbe is berèbaan egkezawat din is rimeǥas te menge egkeǥiyen din.

Isaias 32:7

Mezaat is menge paaǥi te limbungan he etew. Ed-isip sikandin he edezeetan din is menge pubri pinaaǥi te kedtarùtarù, minsan dutun te timpu he ebuyù te hustu he kukuman is menge pubri.

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 11:19

Iring a te kerehidu he wazè din hanew he ed-uwiten en bes diyà te lepeey. Wazè ku metueni he zuen bes pelanu zan he edhimetayan e zan. Ke sikandan te, “Edhimetayan tew sikandin iring te kebpiley te kayu he zuen din beǥas, su para maawà sikandin kayi te kelibutan su wey kenè en metenuzi.”

Jeremias 18:11

“Umbe keǥiyi nu is menge etew ziyà te Jerusalem he iyan heini migkaǥi ku: ‘Pemineg kew! Mid-andam ku is mibpelanuwan ku he kezeetan para keniyu. Umbe engkezi niw en is mezaat he vetasan niw. Beǥuwe en te kada sevaha keniyu is menge vetasan din wey menge ulaula zin.’

Jeremias 18:19

Umbe, mid-ampù a, ke siak te, “He Nengazen, tevangi a! Pemineǥa nu is ebpengeǥiyen te menge kuntada ku he idezaat dan kedì.

Jeremias 2:8

Minsan is menge memumuhat ne wazè en mebpen-ahà kedì. Is ebpenurù te kesuǥuan wazà mekekilala kedì. Is menge pengulu ne nekidsukulà kedì. Ne is menge ebpeneuven, midheǥet dan is menge lalag dan pinaaǥi te ed-ezapen he egngezanan ki Baal, ne midsunud dan te zuma he menge ed-ezapen he wazà menge pulus.

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 26:11

Ne migkaǥi is menge memumuhat wey is menge ebpeneuven diyà te menge upisyal wey ziyà te langun he menge etew zutun te, “Heini he etew ereg he edhukuman te silut he kemetayen, su migkaǥi sikandin te mezaat he ebpekesuǥat kayi he inged. Iyan kew mismu nekezineg kandin!”

Jeremias 37:13

Piru hein nekeuma sikandin diyà te migngezanan te Pultahan ni Benjamin, midakep sikandin te kepitan te menge vantey he si Iria he anak ni Shelemia he apù ni Hanania. Migkeǥiyan sikandin te, “Nekidsevaha ka te menge tig-Babilonia.”

Jeremias 43:2

migkeǥiyan sikandin ni Azaria he anak ni Hoshaya, ni Johanan he anak ni Karea, wey te zuma pa he gelbuwen he menge etew te, “Midtarùtarù ka! Is Nengazen he Megbevayè tew wazà medsuǥù kenikew te kegkaǥi kenami te kenè key medhendiyà te Ehipto te ked-ubpà diyà.

Jeremias 44:16

“Kenè key edtuu te migkaǥi nu pinaaǥi te ngazan te Nengazen!

Jeremias 44:17

Ebeelan dey is langun he egkesuatan dey te ebaal: is kedtutung te veyewà he para te ed-ezapen dey he ‘Rayna te Langit’ wey is kedhalad diyà te kandin te pemuhat he inumen iring te mibeelan dey ziyà te menge inged diyà te Juda wey ziyà te menge zalan te Jerusalem. Ne iyan daan heini mibeelan te menge kepuun dey wey menge hadì dey wey menge upisyal. Dutun he timpu meupiya man is kebpekesavuk dey; dekelà is keenen dey wey wazà mezaat he nehitavù kenami.

Jeremias 8:8

Maan is egkaǥi kew he uluwanen kew su ziyà te keniyu is kesuǥuan te Nengazen? He iyan man tutuu is, midhalin heini te menge teruen he menunudlù niw.

Penhulùhulù 3:62

ebpelelaǥè dan wey ebpelanu zan te mezaat kayi te kedì seled te tivuuk he andew.

Ezekiel 7:26

Egkeumahan sikandan te ebpekedtutundug he kezeetan wey mezaat he menge tudtul. Ebpepenudtul zan pezem te menge ebpeneuven piru kenà sikandan egketudtulan. Kenè en ibpenurù te menge memumuhat is mehitenged te kesuǥuan, ne wazè en daan penurù he ebpuun diyà te menge pengulu.

Leviticus 10:11

Ne kinahanglan he ebpenuruen niw is iring niw he menge Israilihanen te langun he sulunuzen he imbeǥey ku keniyu pinaaǥi ki Moises.”

Micas 3:6

Tenged te kedtezina niw te menge etew ku ne kenè kew en ebpekelawas, wey kenè kew en ebpekepenagnà. Henduen be te ziyè kew te utew merusirem he zutun wazè niw egkaahà.

Micas 3:7

Egkepeel-elezan kew utew is menge ebpeneuven wey menge menenagnà. Igkezilung niw is buked niw tenged te kegkeeled, su wazè niw en egkezawat he menge lalag he ebpuun te Megbevayà.

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.