Jeremias 17:8 - Manobo Western Bukidnon OT

⁸ Iring sikandin te kayu he impemula ziyà te veyvey te wahig, he edhendiyà is menge zalid din te wahig. Heini he kayu kenè egkahandek wey egkeseeng emun ebpekeuma is meluǥayad he gulavung. Is menge zahun din layun meilem ne kenà edsalang he ebpemeǥas.

Jeremias 17:8 ပူးပေါင်းရင်းမြစ်များ

Job 29:19

Wey mid-isip ku he egkeiring a te melig-en he kayu he nendalid diyà te wahig he layun egkezehemuǥi is menge subpang din.

Job 8:16

Emun ed-ahaan ta ne henduen be te meupiya is kebpekesavuk din; iring heini te pinemula he nepurungan mevinyaǥi wey nesilaan te andew. Edlangkat heini ziyà te lama

Salmo 1:3

Iring sikandin te kayu he ziyà ipemula te veyvey te wahig ne ebpemeǥas sikandin dutun te timpu te tipemeǥas, ne kenà egkeǥangu is menge zahun din. Is etew he iring kayi, ed-uswag diyà te menge vaal zin.

Erubasa 11:28

Is etew he edsarig te ketiǥeyunan din, egkeulug iring te zahun he egkepugpug, piru is metazeng, ed-uswag iring te melambeg he pinemula.

Isaias 58:11

Layun ku sikiyu egiyahi, ne edhimuwen ku he mekuntintu kew en minsan mereǥen is kebpekesavuk niw. Ebbeǥayan ku sikiyu te meupiya he kedlelawa, ne egkeiring kew te pemuleey he kenà egkekurang is wahig etawa serebseb he kenà egkemezahan.

Jeremias 39:18

Edlibriyen ku sikew. Kenè ka ebpatey te tebek, su midsarig ka kedì. Iyan a, is Nengazen, is migkaǥi kayi.’ ”

Ezekiel 31:3

Ibpetug-iring ku sikew te Asiria, kes nasyun he iring te kayu he sidru ziyà te Lebanon. Sikew Faraon, iring kew zaan te kayu he sidru. Heini he kayu zuen din mekempet wey merapung he edrerepa he menge subpang, ne nelapew kayi is duma he merapung he menge kayu.

Ezekiel 47:12

Edtuvù diyà te pesikilizà duen te wahig he edtudà is nekedseselekawà he menge kayu he ebpemeǥas. Kenà egkeǥangu is menge zahun dan wey kenà egkaamin is menge veǥas dan. Ebpemeǥas heini kada vulan su edtudaan man duen te wahig he ebpuun diyà te valey te Nengazen. Egkekaan is menge veǥas dan ne igkevawi is menge zahun dan.”