Jeremias 17:7 - Manobo Western Bukidnon OT

⁷ Piru deyzey mulà is etew he edsarig kedì, he kayi te kedì is perateng din.

Jeremias 17:7 ပူးပေါင်းရင်းမြစ်များ

Salmo 125:1

Is menge etew he edsarig te Megbevayà ne iring te Buvungan he Zion he kenà egkehuyung, kekenà, kenà egkaawà te wazà pidtemanan.

Salmo 146:5

Utew zeyzey is etew he iyan edtavang kandin kes Megbevayà he ed-ezapen ni Jacob, ne iyan edseriǥan din is Nengazen he Megbevayè din,

Salmo 2:12

Tehuza niw is hadì he mibpilì din, su emun kenà, ne egkepeukan kew zin ne edèdeetan kew zin. Deyzey is langun he ed-aput diyà te Nengazen.

Salmo 20:8

Sikan is edsarig te menge kerwahi wey menge kudà egkengezeetan, iyan, sikami mulà, ebpekezaag key wey kenà egkaawà is kelig-en dey.

Salmo 34:8

Gezami niw wey niw metueni ke sengemenu keupiya is Nengazen. Utew zeyzey is etew he midsarig te pengalang te Nengazen kandin.

Salmo 40:4

Utew zeyzey is etew he edsarig te Nengazen, ne kenà edangep diyà te menge gelbuwen he iyan edsunuzen dan is tarù.

Salmo 71:5

He Nengazen he MEGBEVAYÀ, diyà te kenikew is perateng ku. Su puun te vatè e pa ne midsarig e en kenikew.

Salmo 84:12

Nengazen he Mekeǥeǥehem, utew zeyzey is edsarig diyà te kenikew.

Erubasa 16:20

Is etew he ebpekeventayan din is penurù, ed-uswag sikandin, ne utew zeyzey is etew he edsarig te Nengazen.

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Jeremias 39:18

Edlibriyen ku sikew. Kenè ka ebpatey te tebek, su midsarig ka kedì. Iyan a, is Nengazen, is migkaǥi kayi.’ ”

Daniel 3:28

Ne tenged dutun migkaǥi haazà is hadì te, “Edeliǥen is Megbevayà eni Shadrac, Meshac, wey Abednego. Midsuǥù din is belinsuǥuen din te kedlibri kandan te menge suluǥuen din he midsarig diyà te kandin. Heini sikandan wazà medsunud te suǥù ku te ked-azap duen te ledawan, kekenà, midtumù dan he idtimbag sikandan diyà te hapuy su para kenà sikandan mekaazap te minsan hentei he ed-ezapen he kenà iyan is kandan he Megbevayà.

Zefanias 3:12

Edsemaan ku ziyà te Jerusalem is menge etew he pubri wey egkaayuayu, ne ebuyù dan te tavang kayi te kedì.