Jeremias 17:5 - Manobo Western Bukidnon OT

⁵ Migkaǥi pa is Nengazen te, “Edrewakan ku is etew he ed-awà kayi te kedì ne edsarig dà te etew.

Jeremias 17:5 ပူးပေါင်းရင်းမြစ်များ

2 Cronica 16:12

Hein ike-39 he tuig te kedhadì ni Asa, ne utew sikandin nekaantus te zaru ziyà te paa. Ne minsan te utew ed-iseg is daru zin, ne wazà sikandin mebuyù te tavang diyà te Nengazen, kekenà, diyà te menge mememawì.

2 Cronica 32:8

Menge etew zà is duma keniyan te hadì, piru is kenitew he zuma, ne iyan is Nengazen he Megbevayè tew. Iyan sikandin edtavang kenitew wey ebpekidtebek para kenitew.” Umbe mibmelig-en is menge etew tenged dutun te migkaǥi ni Hadì Hezekia he hadì te Juda.

Salmo 18:21

Su edsunuzen ku is menge paaǥi nu, ne sikew is Nengazen he Megbevayè ku, wazè ku sikew engkezi.

Salmo 62:9

Is menge etew, dungganen man etawa kenà, ne kenà egkeseriǥan. Neked-iring dà he wazà pulus; emun edtimbangen sikandan ne edhuna pa sikandan he mahagkap te keramag.

Isaias 2:22

Kenè kew sarig te etew su ebpatey heini. Ne wazè kayi igketavang.

Isaias 20:5

Is menge midsarig te Etiopia wey is ebantug te Ehipto egkengeheratan wey egkengepeel-elezan.

Isaias 36:6

Iyan be is Ehipto? Heini he nasyun wey is hadì duen, iring dà te nevadtì he tuked he emun idtutuked nu ne ebpekepalì te belad nu.

Isaias 59:15

Uya, naawè en is ketutuanan, ne is menge edlikey te kebaal te mezaat ne ebpesipelahan. Naahà heini te Nengazen, ne wazè din ikelipey is kenà ked-ikul te hustu he kukuman.

Jeremias 11:3

Kegiyi nu sikandan he iyan a, is Nengazen he Megbevayà te Israel, migkaǥi a he edrewakan ku is etew he kenà edtuman te tulumanen kayi te kebpekid-uyun ku.

Ezekiel 6:9

su egkengevihag sikandan. Dutun egketenuzan e zan, ne egkeseǥipè dan he mibeǥayan e zan bes te seeng tenged te kedluivi zan kedì su iyan dan impelavi is duma he menge ed-ezapen. Edumutan dan is keugelingen dan tenged te mezaat wey utew mahawag he menge vaal zan.

Hoseas 1:2

Is nehuna he migkaǥi te Nengazen diyà te ki Hoseas ne iyan heini: “Pengesawa ka te vahi he mengungumpadi, ne is menge anak niw ed-isipen he menge anak dutun te vahi he mengungumpadi. Su ebpaahà heini he is menge etew ku, iring te nengumpadi sikandan pinaaǥi te kedselikwaya zan te Nengazen wey ked-azap dan te zuma he menge ed-ezapen.”